Hiobe 2:3 - Labrador Inuttitut Heritage Bible

³ Nâlegak Sâtanasemut oᴋarpok: Kivgara Hiobe Kamagilaungiᴋiûk? Nunamêtoᴋalungimat adsinganik, nellâgôrlune, idluartôlunelo, Gûdemik sivôralune idluitullitailivok, soᴋosijuiporlo sulle idluitailinermine; igville pitjuteᴋarnanga asseroitilaukparma tâpsominga.

Hiobe 2:3 Iomraidhean Croise

Genesis 6:9

Tamadja unipkautsit Noamik: Noa angutauvoᴋ idluartoᴋ, pidlaraksausuertoᴋ inôᴋatime akornganne; Gûde aiparivlugo Noa arvertarpoᴋ.

II Samuel 20:20

Joabe kiovok oᴋarlunelo: Tamanna ungasigle, tamanna ungasigle uvamnit, nungutsijuksaunajarama, asseroijuksaunajaramalo; taimailingalungilak.

Hiobe 1:1

Anguteᴋalaukpok nuname Uzemik atelingme, Hiobemik atelingmik. Tâmna nellâgôlaukpok, idluartôlunelo, Gûdemiglo sivôralaukpok, idluitullitaililunelo;

Hiobe 1:11

Aggaktille issakit aktorlugillo tamaita pigijangit: sunaubva, oᴋarnerlotiginiarpâtit kênarnut.

Hiobe 1:6

Pijoᴋalaukporle uvlut illangane, Gûdib ᴋittorngangit tikkimatta nangeriartorlutiglo Nâlekab sânganut, Sâtanasibtauk tikkiᴋattigivait.

Hiobe 1:8

Nâlegak Sâtanasemut oᴋarpok: Kivgara Hiobe kamagilaungikiûk? Adseᴋangimat nuname, nellâgôrlune idluartôvlunelo, Gûdemik sivôravok idluitullitaililunelo.

Hiobe 13:15

Ahâk toᴋoᴋalloarpânga, nerriungneᴋarungnairumalo: sullele apᴋosinerijakka akkiorutigijomavakka tâpsoma sângane.

Hiobe 2:2

Tagva Nâlegak Sâtanasemut oᴋarpok: Nakit pivît? Sâtanasib Nâlegak kiovâ oᴋarlunelo: Nuna ingergavigilaukpara.

Hiobe 2:4

Sâtanasib Nâlegak kiovâ oᴋarlunelo: Amek, ammermut pijauvok; tamaitalo angutib pigijane nippotivait inôtsine pivlugo.

Hiobe 9:17

Tâpsoma opalugalloarmanga aksorornermut, ikkeᴋartilungalo unnuktunnik pitjuteᴋarane.

Hiobe 9:20

Idluartôjomaguma, tagva ᴋannerma ôminarnerariaᴋarpânga, idluitailiguma, tagva tâpsoma sulle idluitipânga.

Imgerut 26:1

Nalegak, idluartomik saᴋᴋêvigilaunga, arvertarlaurama passijaksaunanga. Nâlegak tattigivara, tamanna pivlugo aulaniangilanga.

Imgerut 37:37

Idluitailijok ᴋemergoleruk, nertornartorlo takkonaruk; taimaitok kingorlermik pilloridlaromârmat.

Imgerut 41:12

Uvangale najumivarma idluitailinera pivlugo, pitilungalo kênavit sânganut issoᴋangitomut.

Salomob Okâl 11:8

Idluartok kappianartomit piulijauniarpok; Gûdeᴋangitorlo tapsoma ininganut pivok.

Salomob Okâl 13:6

Idluarnerub passijaksaungitok sapputiva; illutsille idluitut kattaktitsivut idluitullinermut.

Salomob Okâl 14:2

Nâlekamik sivôrajok, tâmna arvertarpok apᴋome idluartome; tapsomingale nachojok, tâmna arvertarpok apᴋutinne niungapatteᴋeaktune.

Salomob Okâl 15:8

Gûdeᴋangitut tûnnergutingit Nâlekab makkojugivait, idluitailijulle tuksiarningit ᴋuviagivait.

Salomob Okâl 16:17

Idluitailijut apᴋotingat idluinek attortailiva; apᴋotigijaminiglo udsertortub, inosine sapputiva.

Johannese 9:3

Jêsusib kiovait: Tâmnalônêt, angajoᴋâgiglônêt idluitulilaungilat; Gûdible piniarningit sakᴋertitaulerᴋovlugit tâpsomane.

Filippimiunut 3:12

Imaingilaᴋ, tigumajarêrapko, nâmaksijarêrlungalônêt; pinasuarparale tigujungnarmangâpko, uvangatauᴋ tigujaumangnimigama Kristuse Jêsusemut.

Jâkobusib 1:12

Piloridlarpok angut ôktortaunermik ᴋenuersârtok; ôktugaudlarame, tagva niaᴋôtemik ômanartomik pijomârpok Gûdib angerutigijanganik nagliktiminut.

I Pêtrusib 1:7

Okpernise idluartôvlune, angijomiglo pivianarnersauvlune goldemit nungujomârtomit, ikomamut ôktortauvaktomit, naipitauᴋovlugo nertornarlune nelâgôrlunelo, nâlengnarlunelo, Jêsusib Kristusib saᴋᴋerviksangane;

I Pêtrusib 5:10

Gûdible saimanartunik tamainik perᴋutitaliksûb, uvaptingnik ᴋairᴋojijub ânanaunersoarminut issoᴋangitomut Kristuse Jêsusikut, tâpsoma nangmineᴋ âᴋiksorniarpâse nâmaktomik, nakoᴋsitiluselo, pitsartutiluselo tunganilitiluselo, ilipse anikitomik kappiasuktitaujose.