Hesekiel 9:3 - Labrador Inuttitut Heritage Bible

³ Israêliblo Gudingata ânanauninga ᴋangatarpoᴋ kerubib ᴋânganêvigijangata ᴋânganit, iglub sânganut nûlune; inuglo imna ᴋaᴋortamik annorâlik, aglaktublo pôᴋtanganik ᴋeterumiutalik, ᴋaiᴋovâ.

Hesekiel 9:3 Iomraidhean Croise

Hesekiel 10:4

Nâlekablo ânanauninga ᴋangatarpoᴋ kerubimit, iglub sânganut nûlune; iglolo tatatauvoᴋ nuvujamut, avaluliorsimajorlo tatatauvoᴋ Nâlekab ânanauningata ᴋaumajoᴋsôninganut.

Hesekiel 3:23

Makipungalo ailungalo naᴋsarmut: ahâglo, Nâlekab ânanauninga tagvanêpoᴋ, sorlo kôngme Kêbareme takolaurapko: pâmakpungalo kênara pulugo.

Hesekiel 8:4

Ahâglo, Israêlib Gudingata ânanauninga tagvanêpoᴋ, sorlo saᴋᴋertoᴋ takolaurapko natername.

Hesekiel 9:2

Ahâglo, angutit pingasojortut tikilerput itertarviub timerdliub avunga sangmijub apᴋutâgut, atunit tigumiarlutik sakkomingnik toᴋotsijûtinik; angulle atauseᴋ akuliovoᴋ tâpkonane ᴋaᴋortamik annorâlik, aglaktub pôᴋtanganik ᴋeterumiutalik. Iterpullo nangerlutiglo tunerguserviub ᴋaᴋorliub seniane.