Hesekiel 9:2 - Labrador Inuttitut Heritage Bible

² Ahâglo, angutit pingasojortut tikilerput itertarviub timerdliub avunga sangmijub apᴋutâgut, atunit tigumiarlutik sakkomingnik toᴋotsijûtinik; angulle atauseᴋ akuliovoᴋ tâpkonane ᴋaᴋortamik annorâlik, aglaktub pôᴋtanganik ᴋeterumiutalik. Iterpullo nangerlutiglo tunerguserviub ᴋaᴋorliub seniane.

Hesekiel 9:2 Iomraidhean Croise

II Atannit 15:35

Kisiane pôktojut pêjartaulungilet, innugiartoksuille tunnergutinik tunnijivut, isserluanititsilutiglo sulle pôktojune. Tapsoma itterviksoak kogvasiktok Nâlekab iglungane sennava.

II Kronika 27:3

Tapsoma Nalekab iglungane itterviksoak kogvasiktok igloliorpa, avalungnelo Ofelemik attelingne sannavok unnuktunik.

II Kronika 4:1

Altaremiglo kannujaujomik sannagivok, tallitut 20 gitut tukkimutotigijomik sannimutotigijomiglo, tallitullo tallimaujortutitut poktotigijomik.

Exodus 40:29

Tunerguserviglo tunergutiksanik ôtaksanik ilivâ ilagêktut tupingata ivsornaitub pângata sivorânut, tunerguserlunelo ᴋângane tunergutemik ôtaksamik, tunergutemiglo nerᴋiksamik; sorlo Nâlekab Mosese perᴋongmago.

Jeremia 1:15

Ahâk, erᴋârdlerêt ilûnaita ataniovingnit avanêtunit ᴋaiᴋojomârpakka, Nâlagaᴋ oᴋarpoᴋ, tikituksauvullo, ilûnatiglo atunit âᴋiksoijuksauvut iksivautamingnik Jerusalemib itertarvingita sivurâne, avaluᴋsoangitalo ilumajingita ilûnatik sivurâne.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 26:10

Judablo angajoᴋâᴋsoangita tamakkoa tusarmagit, majorarput ataniub iglunganit Nâlakab iglunganut; ingilerpullo Nâlakab iglungata iterviata nutâb sivurâne.

Jeremia 4:6

Nalunaikusêgitse katimaᴋojijutiksamik Zionemut, unneᴋsioritse muludlaraselo, avangat tikititsijomagama kapianadlartomik asserornartoᴋsoarniglo.

Hesekiel 10:2

Angullo imna, ᴋaᴋortamik annorâlik, oᴋautivâ: Iterit aksaloat aksakâdlartut akornganut, kerubib atânut, aggaktillo tatakit aumanik ikomalingnik kerubit akornganit, katararkillo iglugasaksoarnut. Iterporlo takonârtilunga.

Hesekiel 8:3

Issakpaillo aggaujârtut, tiguvângalo niaᴋuma nujangitigut; anernerublo ᴋangatartipânga nunab ᴋilaublo akorngangnut, takotitjutikullo Gudemit pijokut âpânga Jerusalemut, avaluliorsimajub iluliub itertarvingata upkoanganut avunga sangmijomut; idluigosungnerub adsingoangata inigijanganut, tâmna idluigosuktitsivoᴋ.

Hesekiel 9:11

Ahâglo, angut imna ᴋaᴋortamik annorâlik, aglaktub pôᴋtanganik ᴋeterumiutalik, kigligiksariartorpoᴋ oᴋarlune: Taimailiorpunga sorlo perᴋogamga.

Hesekiel 9:3

Israêliblo Gudingata ânanauninga ᴋangatarpoᴋ kerubib ᴋânganêvigijangata ᴋânganit, iglub sânganut nûlune; inuglo imna ᴋaᴋortamik annorâlik, aglaktublo pôᴋtanganik ᴋeterumiutalik, ᴋaiᴋovâ.

Daniel 10:5

Arlorpunga takosarlungalo, ahâglo, angut miᴋoᴋangitomik ᴋaᴋortamik annorâlik, makitimigullo tapsirutilik goldiojomik Ufazemit pijomik;

Daniel 12:6

Aipâtalo angut miᴋoᴋangitomik ᴋaᴋortamik annorâlik, kôb imanganik ᴋolangiartok, oᴋautivâ: Kanoᴋ akunêrtigilârᴋâ tatamnartut makkoa naggatiksangat tikidlugô?

Leviticus 16:4

Atijaksarivâ ullik ᴋablunâktajatsiak ivsornaitok, ᴋarlillo ᴋablunâktajatsiak uviningmine, tapserutelijartuksauvorlo tapserutemik ᴋablunâktajatsiarmik, nessarlugalijartuksauvorlo; tâpkoangovut annorât ivsornaitut; ubvartuksauvorlo uviningminik imermut, atilugillo.

Amos 9:1

Nâlegak takolaukpara tunerguserviub ᴋângane nangertoᴋ: oᴋarporlo: Annaulerkit napajut nuvungit, tungavingit sajuᴋovlugit; serᴋomilugillo ilûnaita niaᴋungitigut; kingorlingit tagva toᴋotsomavakka saviksoarmut; atautsemiglônêt tagva ᴋemâjoᴋarniangilak, atauserlônêt anigoiniangilak.

Takotitaunermik 15:6

Engelillo 7 it kappianartunik 7 nik peᴋartut Tempelemit anivut, atisimavlutik annorânik sâtunik ivsornaitunik ᴋeblertanik, sagvingmikullo ᴋeterusersimajut ᴋeterutinik goldinik.