Hesekiel 7:9 - Labrador Inuttitut Heritage Bible

⁹ Ijîkkalo anajagosungniangilâk, naiperᴋutigosungneᴋaromangilangalônêt: tikitautitsomavagit iluserijatit maliklugit, maᴋojungnartulinivîllo nelipsalârpâtit; missigijuksauvoselo uvanga Nâlegaujunga annaunigama.

Hesekiel 7:9 Iomraidhean Croise

Jesaiase 9:13

Nunaᴋatigêlle sâgiatsengilat sugiartimingnut, ᴋilangmiugasaksuillo Nâlegangat ᴋennilungilât.

Jeremia 13:14

Pilukautitsomavakka aglât atâtat ernerillo pilukautitilugit, Nâlagaᴋ oᴋarpoᴋ; naiperᴋutigosungneᴋaromangilanga, kikkitsijomanangalo, nâpkigosungneᴋaromangilangalo, asserortautailititsomangilakka.

Jeremia 21:7

Kingornganalo, oᴋarpoᴋ Nâlagaᴋ, Zedekia Judab ataninga, kivgangillo, inuillo, amiakôjut nusilingnartomit, saviksoarmillo, kângnartoᴋsoarmillo, tunijomavakka Nebukadnezarib Babilonib ataningata agganginut, ômigijimiglo agganginut, inôsinginiglo pinasuartut agganginut; tâpsomalo annaulârpait saviksûb kênanganut; nikaginiangilait, naiperᴋutiginagillônêt.

Jeremia 36:31

Tâmnalo kinguvângillo kivgangillo sugiaromavakka idluituliningit pivlugit, tikiutjijomavungalo tâpkonunga, Jerusalemiunullo, Judablo inunginut, idluitunik tamainik oᴋautigilauᴋtamnik tâpkonunga, tusaromatinagit.

Jeremiab Ogguarutigijangit 2:17

Nâlekab kajusijutigilauktane piniarpâ; oᴋausine, itsaksoarme oᴋautigilauktane, nâmaksitipâ; asseroivok naiperᴋutigosulugane; ômisuktorlo ᴋuviasuktilaukpâ pivlutit, ômigijivît nakjunga ᴋagvertipâ.

Hesekiel 22:22

Sorlo silbere auksititaungmat auksititsivingme, taimaluatsiaᴋ auksititaujomârpose iluane; ᴋaujijuksaulârposelo uvanga Nâlegaujunga ningaumajârnera kovigapko ilipsingnut.

Hesekiel 23:49

Ilijivigilârpâselo kangunartulinipsingnik, gudingoapsingniglo akkiniartaujutigijomârpase: ᴋaujijuksauvoselo uvanga Nâlegaᴋ Nâlegaugama.

Hesekiel 5:11

Tamanna pivlugo, sorlo nelâgut inôgama, oᴋarpoᴋ Nâlegaᴋ Nâlegaujoᴋ, sujuilauravit ivsornaitoviᴋotimnik maᴋojungnartulinernut tamainut, naggonartulinernullo tamainut, uvanga allaromagivagit; ijîkkalo napkigosungniangilâk, uvangalo naiperᴋutigosungniangilanga.

Hesekiel 7:10

Ahâk, uvloᴋ, ahâk, ᴋaivoᴋ: erᴋartortaunît anisimavoᴋ; annaut nuvugulâktârpoᴋ, piojorineᴋ ᴋuglungajoᴋtârpoᴋ.

Hesekiel 7:8

Mânakut ilungertornera kovijomavara ilingnut, ningaumajârneralo nâmaksititsomavlugo ilingnut, erᴋartoromavagillo iluserijatit maliklugit; maᴋojungnartulinitillo tamaita tikiutitsomavakka ilingnut.

Migga 6:9

Nâlekab nippingata iglugasaksuit ᴋaigarsugvigivait, silatojûblo attît opiginiarpâ; issaᴋaut tusarsiuk, kinaumangâllo taimailiᴋojijoᴋ.

Galâtsiamiunut 6:7

Tammarniarase Gûde mitautigijaujomangilaᴋ; inuk karngasortaminik katersoijomârmat.

Takotitaunermik 20:13

Imarbiublo toᴋungajut iluminêtut ᴋaipait, tâᴋtoksûblo toᴋungajut iluminêtut ᴋaitinivait, ilûnatiglo erᴋartortauvut piniarningit maliklugit.