Hesekiel 7:8 - Labrador Inuttitut Heritage Bible

⁸ Mânakut ilungertornera kovijomavara ilingnut, ningaumajârneralo nâmaksititsomavlugo ilingnut, erᴋartoromavagillo iluserijatit maliklugit; maᴋojungnartulinitillo tamaita tikiutitsomavakka ilingnut.

Hesekiel 7:8 Iomraidhean Croise

II Kronika 34:21

Nalegak apperiartorsiuk pivlunga, Israelitillo amiakungit pivlugit, Judakullo pivlugit, aglait nachvartaumajut pitjutigallugit; Nalekab ningarninga kovijaumajok uvaptingnut angijovaksôngmat, atâtagijapta Nalekab oᴋausingit mallilaungimagit, pinniartaililutik sorlo aglaksimangmat aglangne tapᴋonane.

Imgerut 79:6

ᴋaningajârnît nâviuk nallojunnut illitarksingitunnut illingnik, attaniovingnullo niplialungitunut atternut.

Jesaiase 42:25

Taimaimat ningautsine erᴋsinartoᴋsoaᴋ kovivâ taipkonunga unatadlarnersoarlo; avatâtigut ikkoalagalloarpuk, kissianele tamanna tukkisingilât, ikkitsigalloarpuk, kissianele tamanna õmamiutaringilât.

Jeremia 36:31

Tâmnalo kinguvângillo kivgangillo sugiaromavakka idluituliningit pivlugit, tikiutjijomavungalo tâpkonunga, Jerusalemiunullo, Judablo inunginut, idluitunik tamainik oᴋautigilauᴋtamnik tâpkonunga, tusaromatinagit.

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremiab Ogguarutigijangit 2:17

Nâlekab kajusijutigilauktane piniarpâ; oᴋausine, itsaksoarme oᴋautigilauktane, nâmaksitipâ; asseroivok naiperᴋutigosulugane; ômisuktorlo ᴋuviasuktilaukpâ pivlutit, ômigijivît nakjunga ᴋagvertipâ.

Jeremiab Ogguarutigijangit 2:4

Omisuktotut pitiksine ᴋeluvâ, nangerporlo aggane talerpît issaklugit akkerartortotut, takominartut tamaita toᴋodlugit; ningarninelo kovivâ ikomatut Zionib paningata tuppinganut.

Jeremiab Ogguarutigijangit 4:11

Nâlekab ningaumajârnine nâmaksitilaukpâ, ningarnersoane kovilaukpâ; Zionemelo ikitsivok ikomamik nungutsijomik tungavinginik.

Hesekiel 11:21

Ipkoale arvertartut naggonartut maᴋojungnartullo ômatingita tussugijangit maliklugit, tâpkoa apᴋotingit tikiutijomavakka niaᴋunginut, oᴋarpoᴋ Nâlegaᴋ Nâlegaujoᴋ.

Hesekiel 14:19

Nûsilingnartorlônêt tilinajarupᴋo nunamut tâpsomunga, ningaumajârneralo kovilugo tâpsomunga aukkut, inuit nergjutillo pêjarlugit tagvangat;

Hesekiel 16:43

Inôsungnivit uvlungit erᴋaumalunginangne, ningartinamgale tamakkonane tamaine; tamanna pivlugo, ahâk, apᴋutigijatit tikiutijomârpakka niaᴋungnut, oᴋarpoᴋ Nâlegaᴋ Nâlegaujoᴋ: kangunartulineᴋ tamanna piniarnerilaunginangnê maᴋojungnartulinerijarnit tamainît?

Hesekiel 16:59

Imâk oᴋarmat Nâlegaᴋ Nâlegaujoᴋ: Piniarvigijomavagit sorlo igvit piniaravit, angermaringneᴋ naggogigangne angiᴋatigêngneᴋ uniorlugo.

Hesekiel 18:30

Tamanna pivlugo erᴋartoromavapse, ilipse Israêlib ᴋitorngangit, atunit apᴋutine maliklugit, oᴋarpoᴋ Nâlegaᴋ Nâlegaujoᴋ. Sâgiaritse, tapanerilauᴋtaselo tamaita tunusigik, idluitulineᴋ piniartauᴋonago ilipsingnut.

Hesekiel 20:13

Israêlible ᴋitorngangita tapagilauᴋpânga sunaᴋajuitome; arvertalaungilat maligaksauᴋojamne ajaktuivulle perᴋojamnik, inûb tamakkoa piniarpagit inôjûtigilârpait; sabbatikkalo sôngojomik ivsornaijungnaitipait: oᴋarpunga tagva ningaumajârnera kovijomagapko tâpkonunga sunaᴋajuitome, nungutsomavlugit.

Hesekiel 20:21

Kitorngalletauᴋ tapagivânga; arvertalaungilat maligaksauᴋojamne, perᴋojakkalo nâlengilait piniaromavlugit, inûb tamakkoa piniarpagit inôjûtigijangit; sabbatikka ivsornaijungnaitipait, oᴋarpunga tagva ᴋaningaumajârnera kovijomagapko tâpkonunga, ningaumajârnera tâpkoninga nâmaksijomavlugo sunaᴋajuitome.

Hesekiel 20:33

Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, aggangnut pitsartujunut, talingmullo issamijomut, ᴋaningaumajârnermullo kovijaujomut, ataniojomavunga ilipsingnut:

Hesekiel 20:8

Tâpkoale tapagilauᴋpânga nâlegomanangalo; egitsijoᴋangilaᴋ ijingita maᴋojungnarutigijanginik, iperaingilallônêt Egiptenemiut gudingoanginik: oᴋarpunga tagva, kovisivigijomavakka ᴋaningaumajâdlarnimnik, nâmaksijomavlugo ningaumajârnera tâpkoninga tagvane Egipteneme.

Hesekiel 22:31

Tamanna pivlugo ningaumajârnera ilivara tâpkonunga; nungutipakka ᴋaningaumajârnima ikomanganut: apᴋutingit ilivakka niaᴋunginut, oᴋarpoᴋ Nâlegaᴋ Nâlegaujoᴋ.

Hesekiel 24:14

Uvanga Nâlegaujunga tamanna oᴋautigivara, nelautsilârpoᴋ piniaromârparalo; uteromangilanga, anajagosugomanangalo, ᴋaᴋᴋialeromangilangalônêt; apᴋutigijatit piniarnerijatillo maliklugit erᴋartoromârpâtit, oᴋarpoᴋ Nâlegaᴋ Nâlegaujoᴋ.

Hesekiel 30:15

Kaningaumajârneralo kovijomârpara Sinemut, Egiptenib sôngojoᴋautinganut; Nôblo inugiartoᴋsoangit kipijomârpakka.

Hesekiel 33:20

Sullele oᴋarpakpose: Nâlekab apkotinga naggolungilaᴋ. Ilipse, ᴋitorngaujose Israêlimut, idluarsaromavapse ilûnase atunit apᴋotise maliklugit.

Hesekiel 6:12

Ungasiktoᴋ toᴋojomârpoᴋ nûsilingnartomut; ᴋanitoᴋ toᴋojomârpoᴋ saviksoarmut; amiakôjorlo piulimajaujoᴋ toᴋojomârpoᴋ perlernermut; taimak ningaumajârnera nâmaksititsomârpara tâpkonunga.

Hesekiel 7:27

Ataneᴋ kiksaromârpoᴋ, ataniksallo attisilârput ᴋeungominermik, nunablo inungita aggangit mungolârput; piniarvigilârpakka iluserijangit maliklugit, pijaksauningillo maliklugit erᴋartoromârpakka; missigijuksauvullo uvanga Nâlegaugama.

Hesekiel 7:9

Ijîkkalo anajagosungniangilâk, naiperᴋutigosungneᴋaromangilangalônêt: tikitautitsomavagit iluserijatit maliklugit, maᴋojungnartulinivîllo nelipsalârpâtit; missigijuksauvoselo uvanga Nâlegaujunga annaunigama.

Hesekiel 9:10

Taimaimat ijîkkatauᴋ nâpkigosungniangilâk, naiperᴋutigosungniangilangalo, piniarnerijangille tikiutijomavakka niaᴋunginut.

Hesekiel 9:8

Annaunilertilugillo, uvangalo inutôtilunga, kênara pulugo pâmakpunga, nipliarlungalo oᴋarpunga: Kappê, Nâlegaᴋ Nâlegaujotit, Israêlemit amiakôjut tamaita asseroromavigît, ningaumajârnît pitikangne Jerusalemût?

Daniel 9:11

Ilâ, Israêlitit ilûnamaritik piᴋojatit tapagivait, ᴋalusirialutik aglât nippît tusaromanago; tamanna pivlugo ôminarᴋojiniᴋ kovijauvoᴋ uvaptingnut, angimaringnerlo aglaᴋsimajoᴋ Mosesib Gudib kivgangata piᴋojangine, idluitulivigigaptigo.

Daniel 9:27

Tâmnalo unuktunut angisimaniliolârpoᴋ aulangitomik vôgi atausiᴋ nâvlugo; vôgiblo ᴋitiᴋangani tunigutit toᴋotaksat tunigutillo niᴋiksat sorairtitsomârpait; maᴋojungnartulinirublo nuvugusingani assirosaijoᴋsoaᴋalârpoᴋ; nâmaksititauninga kajusijutaujoᴋ tikidlugo ningarnisoaᴋ kovijaulârpoᴋ assirosaijunut.

Hosea 12:3

Igliarmetillugu angajune tigumiarpâ kingmingagut; pitsartunerminelo Gude pâvâ:

Hosea 5:10

Jûdab angajoᴋâᴋsoangita adsigivait nûtitsijut nunab kiglingata nelunaikutanganik; ningarnera kovijomavara tâpkonunga imeᴋtut.

Nahum 1:6

Kina nangerungnarᴋâ tâpsoma ningarningata sânganê? Kina sapilungilâk ᴋaningaumajârninga katsungailerpât? Kaningaumajârninga ikoâlavok ikomatut, ᴋairtullo ᴋoplortauvut tâpsomunga.

Takotitaunermik 14:10

Tâmna imeromârpok Gûdib ningausingata vaininganik illaᴋangitomik ningausingata ermgusiarsunganut kovijaujomik; naiatitauniarlunelo ikomamut orᴋsorutelingmut, Engelit ivsorânitut Saugârsûblo takoane.