Hesekiel 7:7 - Labrador Inuttitut Heritage Bible

⁷ Erᴋartortaunivit tikipâtit, igvit nunamiojotit, neliuneᴋ neliutilerpoᴋ, uvloᴋ ᴋanipoᴋ; uvloᴋ perajalungnelik, ᴋuviasungneliungitorlo ᴋaᴋᴋane.

Hesekiel 7:7 Iomraidhean Croise

Genesis 19:15

Kaulermalle, engelîk Lote tuaverᴋovâk oᴋautilâllo: Parngnaisâlerit, nuliallo pannîkiglo magguk tamânêtuk naksakkit, asserortaudlaroaravit iglugasaksoarmiut idluitulininginut.

Genesis 19:24

Tagva Nâlegaᴋ orᴋsorumik ikomamiglo sillalurᴋojivoᴋ Sodomamut Gomorramullo ᴋilangmit Nâlekamit.

Jesaiase 13:22

Terrianiangajullo miugûromârput iglutsiangine ᴋingmillo nujuartut iglugasaksoangine allianartune. Piviksangat ᴋaglilerpoᴋ uvlungillo mullutsangilat.

Jesaiase 16:10

Serrineᴋ ᴋuviasungnerlo sorairpuk perorsêvingme, ᴋaᴋᴋanelo vaineliksatalingne serrijoᴋangilaᴋ nipliajoᴋangilarlõnêt. Vainemik tukkarniktoᴋangilaᴋ iptêjaivingme, nipliadlarningat sorairtipara.

Jesaiase 17:14

Unnulerpat, ahâk, ᴋoaᴋsârnartoᴋarpoᴋ, ᴋaulerᴋârtinagole saᴋᴋijârungnaipoᴋ. Tamadja arᴋtaijipta akkilertauningat, asserorsartipta nerriugijaksangat.

Jesaiase 22:5

Uvlorme taipsomane aulajâdlartitsijoᴋarmat asserorsaijoᴋarlunelo ᴋoaᴋsârtitsijoᴋarlunelo Nâlekamit, ᴋilangmiugasaksuit Nâlegangannit pijomik naᴋsame takkotitauviojome. Avaloᴋsuit nakkapait, nippeᴋadlarput ᴋaᴋᴋanut.

Jeremia 20:7

Nâlagak, kajungersâlauᴋparma, kajungersârtaulauᴋpungalo; sôngonersauvotit uvamnit, sâlaᴋarpotillo; ijoralautiksangorsimavunga uvloᴋ nâvlugo, ilûnatik mitautigivânga.

Jeremia 50:27

Tuktuvaᴋotingit ilûnaita toᴋosigik, toᴋotsivingmut atersârtisigik; kapianarmêk tâpkoa, uvlungat tikisimangmat, nalipsartauviksangat.

Hesekiel 12:28

Tamanna pivlugo oᴋautikit: Oᴋausima neliallônêt akunêrtitauniangilaᴋ mânamit, oᴋauserle oᴋauserijara nelautsilârpoᴋ, oᴋarpoᴋ Nâlegaᴋ Nâlegaujoᴋ.

Hesekiel 30:3

Uvloᴋ ᴋanipoᴋ, Nâlekab uvlunga ᴋanipoᴋ, uvloᴋ nuvujalik: nelojut uvluksangat neliutilerpoᴋ.

Hesekiel 7:12

Neliuneᴋ neliutilerpoᴋ, uvloᴋ ᴋanipoᴋ: pisiniartoᴋ ᴋuviasungniarane, aulaijorlônêt kiksarniarane: ningaumajârnerub inugiartoᴋsuit tâpkoa tamaita nelaungmagit.

Joel 1:15

Kapianarmêk uvloᴋ tâmna, Nâlekab uvlunga ᴋanidlarmat, tikilârporlo asserorsaijotut Ajugaᴋangitomit.

Amos 4:13

Tagva ahâk, tâmna ᴋakᴋanik sanajok, anoremik pingortitsijok, inungnullo nalonaijaijok issumagijanginik, uvlâmik tâktungortitsijok, nunablo poktoningine tullerajarijok: ate ᴋarpok Nâlekamik Gûdemik Zebaotemik.

I Pêtrusib 4:17

Neliutingmat erᴋartuinerub pigiarvinga Gûdib iglungane. Uvaptingnele pigiarᴋârpat, okperomangitut Gûdib oᴋausinginik tussarnertunik ᴋanoêtomik naggateᴋaromârᴋât?