Hesekiel 7:2 - Labrador Inuttitut Heritage Bible

² Igvillo, inûb erninga, imâk, oᴋarpoᴋ Nâlegaᴋ Nâlegaujoᴋ Israêlib nunanganut; Naggatiksaᴋ, naggatiksaᴋ tikipoᴋ nunab terreᴋunginut sittamanut.

Hesekiel 7:2 Iomraidhean Croise

Genesis 6:13

Tagva Gûde Noamut oᴋarpoᴋ; Uvinilît ilûnamatsiatik naggatiksangat nalliutivoᴋ uvamnut, nuna idluitulinermik tatamat, ahâk, asseroromavakka nuna illagivlugo.

II Kronika 34:7

Altarillo nappartullo Gudingoaggit, asserorêramigit, Gudingoallo serᴋalimagamigit, adsingoallo illunaita Israelitit nunanganêlauktut nakᴋarsimagamigit, utterpok Jerusalemut.

Jesaiase 47:7

Issumaᴋarlutillo imâk: Soraijuitomik attaniovunga. Tagva tamakkoa õmamiutaringilattit issumaksarsiorutiginagillo kinguniksangit.

Jeremia 12:4

Kanoᴋ akunêrtigijomik nuna takominaituksauvâ, perortullo nuname ilûnâne ᴋunollertuksauvât? Nunab inungita idluituliningit pivlugit nergjutit tingmiallo nungutauvut; oᴋarmatta: tâmna takojuksaungilaᴋ ilingajomârniptingnik.

Jeremia 5:31

Nalautaijut nalâgôngitomik nalautaivut, ajokertuijullo aggangmingnut ataniolerput, inuᴋotimalo tamakkoa nâmagivait; ᴋanoᴋ ilingajomâlerᴋisê?

Jeremia 51:13

Igvit ineᴋartotit kôᴋatsiartome, perᴋuteᴋadlartotillo, naggatiksat tikisimavoᴋ, pijomatudlarnivit ôktortauviksanga.

Jeremiab Ogguarutigijangit 1:9

Annorâne salumaitilaukpait; erᴋailungilarlo kinguniksaminik; taimaimat tatamnadlartomik oggotitauvok; manigoijuksaᴋangilarlo. Nâlegak, kapiasuktitaunera takosalauruk, ômisuktok angijorortingmat nangminerminik.

Jeremiab Ogguarutigijangit 4:18

Tupjarpâtigut, arvertartailitipâtigullo apᴋosineâluptingne; nâniksavut ᴋanipok; uvluvut nâmavut; naggatiksavut tikisimangmat.

Hesekiel 11:13

Taimaglo nelautailertilunga, Pelatia, Benaiab erninga, toᴋovoᴋ. Pâmakterpunga tagva, nippeᴋortovlungalo ᴋaigarsukpunga: Kappê, Nâlegaᴋ Nâlegaujotit! Israêlib amiakungit nungumarigomavisigîk?

Hesekiel 12:22

Inûb erninga, sunauvâ oᴋausiovaktoᴋ pigijase Israêlib nunangane, oᴋartoᴋ: Uvlut sivitovut, takotitjutillo ilûnatik sulilungilât?

Hesekiel 21:2

Inûb erninga, kênait sâtiuk Jerusalemut, oᴋausîllo kataktiuk ivsornaitovingmut, Israêliblo nunanga nelautaijutigileruk;

Hesekiel 21:25

Igvillo idluitotit toᴋonartomik âniatitaujotit, ataniojotit Israêleme, uvluksat tikisimavoᴋ, naggatiksab pidlartauvingata neliuningane; imâk oᴋarpoᴋ Nâlegaᴋ Nâlegaujoᴋ:

Hesekiel 21:4

Idluartullo idluitullo kipiniaromagapkit ilingnit, tamanna pivlugo saviksoara anijuksauvoᴋ kênailitaminit uvinilingnut tamainut ângat avunga tikidlugo:

Hesekiel 21:7

Aperikpatillo: Sôᴋ anersaumivêt? oᴋartuksauvotit: Unipkautaujut pivlugit, neliutilermat: ômatillo ilûnatik auksijomârput, aggaillo ilûnatik nukingêrutijomârput, anernillo ilûnatik maksuijarsimajomârput, serᴋullo ilûnatik imeᴋtut sangêtigijomârput; ahâk, neliutilerpoᴋ nelautsilârporlo, oᴋarpoᴋ Nâlegaᴋ Nâlegaujoᴋ.

Hesekiel 35:5

Soraijuitomik ômisungneᴋatsainaravit, Israêliblo ᴋitorngangit tunilaurangne saviksûb pitsartuninganut kapiasungningita neliuningane, idluinerub naggatiksangata neliuningane.

Hesekiel 40:2

Takotitjutikut Gudemit pijokut tikiutivânga Israêlib nunanganut, ilivlungalo ᴋaᴋᴋamut poᴋtojomaringmut, tâpsomalo ᴋaᴋᴋaub seᴋerngane iglugasaksoangojârtut senajaulertut takovakka.

Hesekiel 7:1

Nalekab oᴋausingata tikipânga sulle oᴋarlune:

Hesekiel 7:3

Mâna naggatiksab tikilerpâtit, ningaumajârneralo tilijomavara ilingnut, erᴋartoromavagillo iluserijatit maliklugit; maᴋojungnartulinitillo ilunaita tikiutitsomavakka ilingnut.

Joel 1:15

Kapianarmêk uvloᴋ tâmna, Nâlekab uvlunga ᴋanidlarmat, tikilârporlo asserorsaijotut Ajugaᴋangitomit.

Amos 8:10

Uvloksiorviselo ablatsangortitsomârpakka kiksarnartovingortilugit, imgerutiselo ilûnaita ogguarutinut; makitiselo ilûnaita atititsomârpakka pôksajavinernik, niaᴋullo tamaita nujairlugit; ilingatitsomârparalo sorlo ernetuak oggorijaungmattut, nâningalo uvloktut allianaidlartotut.

Amos 8:2

Oᴋarporlo: Amos sumik takovêt? Kiovungalo: Amargaujarmik paungatalingmik aujanitanik. Nâlekab tagva oᴋautivânga: Nâniksak tikisimavok inuᴋotimnut Israêlekunut; kamagingitsertoromangilakkalo kingorngane.

Mattêuse 24:6

Tussaromârposele unatartunik, unatartullo unipkautauninginik; kamatitse erᴋsiniaraselo. Taimaitokartuksaungmat sivorngagut; silaksûble naggatiksanga naliutingilak sulle.

Deuteronomy 32:20

Oᴋarporlo: Kênara ijertoromavara tâpkonangat, takolârpunga ᴋanoelingajomik naggateᴋarmangâta; kinguvângoᴋatigêngongmatta tunganaitut, ᴋitorngaujut okperneᴋangitut.

I Pêtrusib 4:7

Tamaitaᴋsuille naggatiksangat ᴋaglilerpoᴋ.

Takotitaunermik 20:8

Aijomârlunelo nelojut tamartitsartorlugit nunaksûb terreᴋunginêtut sitamane, Goglo Magoglo katitiniardlugit sorsugiartorᴋovlugit, siorᴋatitut imarbiub kiglinganêtutitut unuktigijut.

Takotitaunermik 7:1

Makkoa kingorngatigut Engelit sitamat takogivakka, nangertut nunaᴋsûb terreᴋungine sitamane, tigumiartut nunab anoringinik sitamanik, anore anordlerᴋonago nunamut, imânullônêt, napârtullo nalianut.