Hesekiel 7:16 - Labrador Inuttitut Heritage Bible

¹⁶ Anigoijulle anigoilârput, ᴋaᴋᴋanêlârpulle sorlo naᴋsab tingmiangititut, ilûnatik ogguarlutik idluitulinermingne.

Hesekiel 7:16 Iomraidhean Croise

Esra 9:15

Nalegak, Israelib Gudinga, igvit idluarpotit, uvagut amiakogapta, annigoimavlutalo, sorlo uvlorme tamattomane illingangmat. Ahâk, nangerpogut sângne passijaksauniptingne; tamannale pivlugo nangertoᴋarungnangilak sângne.

Imgerut 55:2

Kamagilaunga tussarlungalo, ᴋannok ârusungnimne maksoasuêrama ᴋêadlarlungalo;

Jesaiase 1:9

Kilangmiugasaksuit Nâlegangata ikkitunik amiakoᴋartingipattigulle, Sodomatut-inajarpogut Gomorratullo illinganajarpogut.

Jesaiase 37:31

Jûdakkullo piulijaumajut amiakôjullo amma amâᴋaromârivut attimikkut paungaᴋaromârlutiglo ᴋollimikkut.

Jesaiase 38:14

Alavunga tullugârsutut, akpingevaksoatut; taubetut anersaumivunga; ijîkka sangẽdlarlutik ârlorpuk: Nâlegaᴋ, ãniadlarpunga, inûlilaungminga!

Jesaiase 59:11

Illũnata aklaᴋtitut ᴋallingoarpogut, taubititullo anersaumivogut: idluarsartauviksaᴋ nerriugigalloaraptigo, saᴋᴋingilaᴋ, piulijauviksarlo (nerriugigalloaraptigo) ungasidlarpoᴋ uvaptingnit,

Jesaiase 59:12

Idluitullinivut unuluadlarmatta sângne, idluiniptalo passingmattigut. Idluitullinivut uvaptingnẽput, idluinivullo ikpigivavut.

Jeremia 3:21

Nippe tusartauvoᴋ ᴋaᴋᴋane merᴋuᴋangitune, Israelib ᴋitorngangita ᴋeaningit ᴋenuningillo, mumiktitsisimangmatta apᴋotigijamingnik, puigorsimangmattalo Nâlakamik Gudemingnik.

Jeremia 31:9

Keavlutik tamaungaromârput, ᴋenutilugillo tassioromârpakka; ingerartitsomârpakka kôt imalît saningine, apᴋome naggojome nâkliveᴋangitome; atâtaugama Israêlimut, Efraimelo ernerivara angajuklerpâk.

Jeremia 44:14

Judab amiakunginit nunamut Egiptenemut aisimajunit taikane nunaᴋaromavlutik, aulartoᴋarᴋonago, amiakoᴋarᴋonagolo Judab nunanganut utertuksauvlutik, kajungilâraloarpatta tâvunga uteromavlutik nunagijomangmilugo; utertoᴋarniatsangimat ᴋemâjut kissimik.

Jeremia 44:28

Saviksoarmullo pijaungitut uteromârput nunamit Egiptenemit Judab nunanganut ikitôvlutik; Judablo inungit ilûnatik aisimajut nunamut Egiptenemut taikane nunaᴋaromavlutik ᴋaujijomârput kia oᴋausinga tagvanêngmangât, uvangalônêt tâpkoalônêt.

Jeremia 9:19

Nippe ogguadlartoᴋ tusartaungmat Zionemit: Adjai! asserortaumadlarpogut! Sunairudjaudlarpogut, nunab ajaktorpâtigut, iglupta pingujarpâtigut.

Hesekiel 14:22

Sullele, ahâk, amiakoᴋartuksaulârpoᴋ anigoijunik ᴋemâjomârtunik, ernerniglo, paningniglo; ahâk, tikitsomârput ilipsingnut, takolârposelo ilinganinginik piniarninginiglo: manigortaulârposelo idluitoᴋ Jerusalemut tikiutijara pivlugo, tamaita tâpsomunga tikiutijakka pivlugit.

Hesekiel 34:6

Saugakka arvertartuinarput ᴋaᴋᴋaᴋsuit akorngane, ᴋaᴋᴋanelo poᴋtojune tamaine: ilâ, saugakka siamangalauᴋput nunaᴋsoarme ilûnâne, apertsortoᴋangilarlo ᴋenertoᴋangilarlo tâpkoninga.

Hesekiel 36:31

Tagva erᴋaumalârpose apᴋotipsingnik idluitunik, piniarnipsingniglo idluangitunik; maᴋojugilârposelo ilipsingnik takojapsingne idluitulinerilauᴋtase maᴋojungnartulinerilauᴋtaselo pivlugit.

Nahum 2:7

Huzzalo matuêrtauvok, aularutijauvok, kivgangillo arnat anersaumivut tingmiatitut nippeᴋarlutik, sagvitik tigluklugit.

Sefania 1:14

Nâlekab uvloᴋsoanga ᴋanidlarmat, ᴋanidlarpok ᴋaglisaraidlarporlo, Nâlekab uvlungata ᴋikergalijarninga; pitsartudlartut ᴋasilinadlartomik nipliadlaromârput tagva.