Hesekiel 7:11 - Labrador Inuttitut Heritage Bible

¹¹ Aksorotjineᴋ sôngosivlune sukkangorpoᴋ idluitulinermut; tâpkonangallo nangmineᴋ unurninginillônêt akluininginillônêt manigornartoᴋarniangilaᴋ tâpkonunga.

Hesekiel 7:11 Iomraidhean Croise

Imgerut 125:3

Gûdeᴋangitut ajaupianget opigijautiksak idluartut imernautinganut attanniôtitsainaromângimat, idluartut aggamingnut issaᴋonagit idluitullinermut.

Imgerut 73:8

Tamainik asseroivut, kassêlutiglo oᴋauseᴋarput aksorornermik; sôngojunnik oᴋauseᴋarput.

Imgerut 78:64

Ajochertuijungit ochotitauvut saviksoarmut, uigarningillo ᴋêajungnalaungilat.

Jesaiase 14:29

Filisterit nunangat, ᴋuviasungniarnak, issaᴋautik illingnut issaᴋautiojoᴋ naviksimangmat. Kuglugiab amânganit ᴋugligiarâluk saᴋᴋijâromârmat, kingorlerijangalo tagva ᴋuglugiaᴋ ᴋassilinartoᴋ sukkalidlartorlo.

Jesaiase 5:7

Imaiporle: Kilangmiugasaksuit Nâlegangata perorsêvia vaineliksatalik tagva Israêlikkut, Jûdablo angutingit tagva illijivigijanga (perortuksanik) ᴋuviagijanga. Idluartullinermik nerriugame, aksorûtjineᴋ takkovâ; idluarnermik nerriugame, ogguarneᴋ tussarpâ.

Jesaiase 9:4

Nangmautit nangmagaksangit, issaᴋautit ᴋollêgingnut attortut, aulatsijingitalo annautangit navigangne, sôrlo Midianib nalliuningane.

Jeremia 22:18

Taimaimat imâk Nâlagaᴋ oᴋarpoᴋ Jojakim, Josiab erninga Judab ataninga, pivlugo: Oggoriniatsangilât oᴋarlutik: Amêk, ᴋatangutiga! imâglônêt: Amêk, najara! Oggoriniatsangilât oᴋarlutik: Amêk, nâlagara! imâglônêt: Amêk, opinarninga!

Jeremia 25:33

Nâlakablo toᴋotangit naliutome tâpsomane nallajomârput nunab kiglinganit nunab kiglinganut aipânut; oggorijauniangilat, katersortauniangilallo, iluvertauniangilallo; aᴋtarnerlukkôjomârpulle nunab ᴋângane.

Jeremia 6:7

Sorlo puailaviub imangit puilangmatta, taimak idluitulineᴋ puilavoᴋ tâpsomangat; nâmangitulineᴋ asserorsainerlo tusartauvut tâpsomane; inuarneᴋ annauningnerlo sâmnetsainarput.

Jeremia 7:34

Judablo iglugasaksoangine Jerusalemiblo apᴋosineâlungine sorairtitsomavakka ᴋuviasuktut serrijullo nippingit, nulianiktublo uiniktublo nippîgingnik; nuna sunairutisimajungoromârmat.

Hesekiel 45:9

Imâk oᴋarpoᴋ Nâlegaᴋ Nâlegaujoᴋ: Tamanna nâmagisiuk, ilipse angajoᴋaujose Israêleme; oᴋumaiksartitsineᴋ aksorotjinerlo pêjarsigik, idluartomiglo ajungitomiglo piniaritse; aᴋsârningniselo inuᴋotimnit sorairtisigik, oᴋarpoᴋ Nâlegaᴋ Nâlegaujoᴋ.

Hesekiel 5:11

Tamanna pivlugo, sorlo nelâgut inôgama, oᴋarpoᴋ Nâlegaᴋ Nâlegaujoᴋ, sujuilauravit ivsornaitoviᴋotimnik maᴋojungnartulinernut tamainut, naggonartulinernullo tamainut, uvanga allaromagivagit; ijîkkalo napkigosungniangilâk, uvangalo naiperᴋutigosungniangilanga.

Hesekiel 5:4

Tâpkoalo ilangit ama tigujaksarivatit egilugillo ikomamut, ikomamut nungulugit; tagvangat ikoma anijomârpoᴋ Israêlib ᴋitornganginut tamainut.

Hesekiel 6:11

Imâk oᴋarpoᴋ Nâlegaᴋ Nâlegaujoᴋ: Aggaktit pattaktorkit, ittigarnullo tukkartorit, oᴋarlutillo: Kappê, Israêlib ᴋitorngangita idluituliningit maᴋojungnartut tamaita pivlugit; toᴋoraromârmatta saviksoarmut, kângnartoᴋsoarmullo, nûsilingnartomullo.

Hesekiel 7:16

Anigoijulle anigoilârput, ᴋaᴋᴋanêlârpulle sorlo naᴋsab tingmiangititut, ilûnatik ogguarlutik idluitulinermingne.

Hesekiel 7:2

Igvillo, inûb erninga, imâk, oᴋarpoᴋ Nâlegaᴋ Nâlegaujoᴋ Israêlib nunanganut; Naggatiksaᴋ, naggatiksaᴋ tikipoᴋ nunab terreᴋunginut sittamanut.

Hesekiel 7:23

Kelaumgujaliorit: nuna nâmamat aungmik kovisijunik, iglugasaksuillo tatamatta oᴋumaiksartitsinermik.

Hesekiel 8:17

Oᴋautivânga tagva: Tamanna takoviûk, inûb erningâ? Judab ᴋitorngangita oᴋigivatsûk maᴋojungnartuligamik tamânê? nuna tatangmatsuk idluitulinernik, sangulerivullo ningarsâromavlunga; ahâglo, ᴋessertutit ᴋingarmik sânginut aklairautigivait.

Amos 3:10

Ilisimalungimatta idluartulinermik, oᴋarpok Nâlegak, torᴋuivut aksorotjinermik arᴋtainermiglo igloksoamingne.

Amos 6:3

Ilipse ungasiktitsijose ilipsingnit uvlormik idluitomik, iksivavingmiglo idluituliviksamik ᴋanilertitsijose;

Migga 2:2

Perorsêvingnik uningârput, arᴋtautigilugillo; igluniglo, aᴋsârnigarilugillo; oᴋumaiksartitsivullo inungmik iglungalo tigulugo, kinatuinaᴋ taimailivât kingormgutijangalo.

Migga 3:3

Inuᴋotimalo uviningat nerrivase; amêjarpaillo, sauningillo naploarlugit; ilâ, serᴋalivait, sorlo ukusingmut ilingatilugit, sorlolo nerᴋe ukusingmêtoᴋ.

Migga 6:12

Akluitungit tataput aksorotjinermik, inungit saglovlutik oᴋarput, oᴋangillo ᴋanermingne nalangaiput.

Sefania 1:18

Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.

Jâkobusib 2:13

Nâpkigosujuitorle nâpkigosujuitomik erᴋartortaujomârmat; nâpkigosungnerle nertôtivok erᴋartuinermut pijaunane.