Hesekiel 6:3 - Labrador Inuttitut Heritage Bible

³ Ilipse, Israêlib ᴋaᴋᴋangit, Nâlekab Nâlegaujûb oᴋausinga tusarsiuk; imâk oᴋarpoᴋ Nâlegaᴋ Nâlegaujoᴋ ᴋaᴋᴋaᴋsoarnut ᴋaᴋᴋanullo, kôrunullo naᴋsanullo: Ahâk, uvanga, ila uvanga nangmineᴋ, tikiutjijomavunga saviksoarmik ilipsingnut, poᴋtoniselo asseroromavakka.

Hesekiel 6:3 Iomraidhean Croise

I Atannit 14:23

Sanalaukpullotauk ingmingnut poktôjunik, nappajuniglo, napârtuniglo, ᴋakᴋarulangne pôktojune ilûnnaine, napârtullo tungojortut ilûnnatik atâne.

Jesaiase 27:9

Taimaimat Jâkob idluitoᴋsôningit tamattomûnaluatsiaᴋ mattujauvut, tamadjalo ajortoerutijauningata malliktingit, tunerguservît ujaraᴋtangit tamaita illingatitsomârmagit ujarᴋatitut serᴋalimajutitut, Astartingoallo napajullo seᴋinermut tagvanẽtsungnairtillugit.

Jesaiase 30:25

Kaᴋᴋanelo poᴋtojune tamaine ᴋaᴋᴋârulangnelo angijune tamaine kôᴋaromârpoᴋ imeᴋadlartunik unatadlarnerub angijovaksûb nalliuningane, nuvugusersuit ocholerpatta.

Jeremia 2:20

Itsarsoarmit nangmautat serᴋomiᴋattarangne ᴋelarutillo kiktorarlugit; oᴋarpotillo: Kivgartoromangilanga; ᴋaᴋᴋane poᴋtojune tamaine, napârtullo tungujortut ilûnatik atâne ukuᴋattalauᴋpotit assiniarᴋattarlutillo.

Jeremia 22:29

Nuna, nuna, nuna, Nâlakab oᴋausinga tusaruk.

Jeremia 3:23

Nalautsivoᴋ ila, ikajorneᴋ nerriugijaujoᴋ ᴋaᴋᴋanit, inugasaksuit pervaludlarningat ᴋaᴋᴋane, sulitsangimat. Nalautsivoᴋ ila, Israêlib piulijauningat Nâlakamêngmat Gudiptingne.

Jeremia 3:6

Ataniublo Josiab naliuningane Nâlakab oᴋautivânga: Takogaloarᴋêt Israêlib kingupiarlorsimajub piniarninginîk? Majorarsimavoᴋ ᴋaᴋᴋanut poᴋtojunut tamainut, napârtullo tungujortat ilûnatik atânut, tagvanalo assiniarᴋattarpoᴋ.

Hesekiel 36:8

Ilipsele, Israêlib ᴋaᴋᴋangit, nuititsijuksauvose akkerᴋupsingnik, tunitjijuksauvoselo paungapsingnik inuᴋotimnut Israêlikunut, neliutijaraklilermatta.

Leviticus 26:25

Tikiutjijomârpungalo saviksoarmik ilipsingnut, akkinialârtomik angerutaujûb ningadlarninganik; katimgatitaulârposelo iglugasaksoapsingne, nusilingnartorlo tililârpara akunapsingnut; unertutijaulârposelo ômigijipse agganginut.

Leviticus 26:30

Poktojoᴋotiselo asseroromârpakka, seᴋiningoaᴋotiselo oggotitsomârpakka, timiviniselo êgilârpakka Gûdingoaᴋotipse timingoavininginut, tarnimalo maᴋojugilârpâse.

Amos 7:9

Israêliblo poᴋtoningit sunairutijomârput, Israêliblo ivsornaitovingit asserortaulârput; saviksoalijarlungalo Jerobeamib ᴋitorngangit pigiaromârpakka.

Migga 6:1

Tusaritse mâna Nâlekab oᴋausinganik: Nikovigit, annârtorit ᴋaᴋaᴋsuit sângine, ᴋaᴋallo tusarlit nippingnik.

Migga 6:2

Nâlekab annârtorutinga tusarsiuk, ᴋaᴋaᴋsoangojose, ilipselo nunaᴋsûb tungavingit aulajuitut; Nâlegaᴋ annârtorutiksaᴋarmat inôᴋatiminut, Israêlikullo annârtoᴋatigijomârpait.