Hesekiel 32:4 - Labrador Inuttitut Heritage Bible

⁴ Kemagomârpagillo nuname, egitsomârpagillo nunab ᴋânganutuinaᴋ, tingmiallo ilûnatik ᴋilaub ikkianganêtut mititsomârpakka ilingnut, nunaᴋsûblo nergjutingit ilûnaita aᴋᴋeartortitsomârpakka ilingnik.

Hesekiel 32:4 Iomraidhean Croise

Jesaiase 18:6

Tamakkoa illũnatik ᴋemaktauvlutik inniksaujomârput tingmitjanut ᴋaᴋᴋanẽtunut nergjutinullo nunamẽtunut. Tingmitjat aujêviᴋaromârput tagvane, nergjutillo nunamẽtut okkêviᴋaromârput tagvane.

Hesekiel 29:5

Kemagomârpagillo egitauguvit sunaᴋajuitomut, igvillo kôksoavillo mingeriangit ilûnatik; katagomârpose nunab ᴋânganut; katitaujomângilase kiviktaugaselônêt; nerᴋiksautipapse nunab nergjutinginut, kilaublo ikkiangata tingmianginut.

Joel 3:19

Egipten asserornerlukungoromârpoᴋ, Edomelo sunaᴋajuitungoromârpoᴋ asserorsimanelik, idluitulineᴋ piniarutaujoᴋ Jûdab ᴋitornganginut pivlugo, auk passijaksaungitoᴋ kovilaungmatsuk nunangane.

Jeremia 25:33

Nâlakablo toᴋotangit naliutome tâpsomane nallajomârput nunab kiglinganit nunab kiglinganut aipânut; oggorijauniangilat, katersortauniangilallo, iluvertauniangilallo; aᴋtarnerlukkôjomârpulle nunab ᴋângane.

Jeremia 8:2

Siamartiniarpaillo seᴋiniub, taᴋᴋiublo, ᴋilangmiugasaksuillo (uvloritjat), ungagilauᴋtangita, kivgartulauᴋtangitalo, malilauᴋtangitalo, aperᴋutigilauᴋtangitalo, pamaktervigilauᴋtangitalo, sângine; katersortaujomângilat, iluvertaujomângilallônêt; aᴋtarnilukotuinaujomârput nuname.

Jesaiase 66:24

Annijomârpullo takojartorlugit toᴋungajut uvamnut idluitullijut timingit; taipkoa ᴋuglugiangat toᴋoniatsangimat, ikkomangalo ᴋamminiatsangimat; uvinilingnullo illũnainut maᴋojugijaujomârput.

Jesaiase 14:19

Igville egitauvotit illuviksarnit akkerotut nachogijaujotut, mattujauvlutit toᴋotaumajunut, saviksoarmut kappijaumajunut, kannungartunut itersâlub nattinganut, ᴋellortut tullerartaumajotut.

Imgerut 74:14

Igvit arvit niaᴋungit avârlugit serᴋomipâttit, tunnilugillo nerᴋiᴋsautilugit innugasaksoarnut sunaᴋajuitomêtunnut.

Imgerut 63:10

Tunnijauniarput sâviksoarmut, terrianianut illinganiarput.

Hesekiel 35:8

Kaᴋᴋangillo tatatsomârpakka toᴋungajunik: ᴋaᴋᴋangne naᴋsarnelo kôngnelo tamaine saviksoarmut toᴋotaumajut oggojomârput.