Hesekiel 3:3 - Labrador Inuttitut Heritage Bible

³ Oᴋautivângalo: Inûb erninga, nâkkik tatakik, aᴋeartolutillo immûmajomut mattomunga tunijamnut ilingnut. Tagva nerrivara, ᴋanimnelo tippeᴋarpoᴋ igupsaujârtut orᴋsungatut mamaktigilune.

Hesekiel 3:3 Iomraidhean Croise

Hiobe 23:12

Kangasinâkitalo perᴋojangak tunulunginapᴋo ᴋaningatalo oᴋâlaninga torᴋornersarivara illusimnit.

Imgerut 119:103

Oᴋautsitit ᴋannimnut mamanersauvut igupsaujârtut orksunginnit.

Imgerut 119:11

Oᴋautsitit torᴋorpakka ômattimne, idluitullerᴋonanga illingnut.

Imgerut 119:97

Ila angijomik malligaksauᴋojattit ivlerivakka! uvlut tamaita oᴋautigivakka.

Imgerut 19:10

Pivianarnersauvut Goldemit, unuktunnillo Goldenit illaᴋangitunnit; mamarnersauvut igupsaujârtut orksunginnit, tâpkoalo orksungita ingningenit.

Imgerut 19:11

Kivgaittauk tâpkonunga ᴋaumaksartauvok; malliktorlo tamakkoninga angijomik akkilertauvok.

Jeremia 15:16

Oᴋautsitit nagvârtaulauᴋput, nerrilauᴋpakkalo; oᴋautsitillo ᴋuviasûtaulauᴋput serrijûtauvlutiglo ômatimnut; atserartaugama atternut, Nâlagaᴋ, Gude Zebaot.

Jeremia 20:9

Oᴋarumalo: Taijomairpara tâva, oᴋaromairpunga tâpsoma attingane; tagva ômatimnêtoᴋalerpoᴋ sorlo ikomaujârtomik ikoâlajomik palangairsimajojârtomik saunimne; merngortudlarpunga oᴋartailinimnut sapilidlarlungalo.

Jeremia 6:11

Taimaimat tattadlarpunga Nâlakab ᴋaningaumajârninganik; nunnomangudlarpunga; kovileruk sorutsinut apᴋosinernêtunut, inôsuktunullo katimgajunut; tagva angut nuliangalo tigujaujuksauvuk, inuᴋoartoᴋ uvloᴋartorlo unuktunik.

Hesekiel 2:10

Issivipaillo sâmne; aglagviovorlo iluagut ᴋângagullo; tagvanelo ogguarnartut kiksarnartullo ᴋeanartullo aglagutauvut.

Hesekiel 2:8

Igville, inûb erninga, tusarit oᴋauserijamnik ilingnut; tapatoniarnak sorlo ᴋitorngarêt tâpkoa tapatongmatta; aitarsârit nerrilugolo tunijara ilingnut.

Hesekiel 3:4

Okautivângalo: Inûb erninga, aularit, Israêlib ᴋitornganginut ailutit, oᴋâlavigikillo oᴋausimnik.

Johannese 7:38

Uvamnut okpertub timinganit, sôrlo aglaksimangmat, kôt inôgumik imalit kôleromârput.

Kolossamiunut 3:16

Kristûsib oᴋausingit ineᴋartisigik angijomik ilipsingne, ilisimanartunut tamainut (ilingavluse); ajoᴋertortigêgitse erᴋaititsijigêkluselo imgerutinut nertordlerutiksanut, tuksiarutsinullo anernelingnut, imgerluselo tussarnertunut ômatipsigut tuksiarluse Nâlekamut.