Hesekiel 27:2 - Labrador Inuttitut Heritage Bible

² Igvillo, inûb erninga, ogguarit Tiruse pivlugo;

Hesekiel 27:2 Iomraidhean Croise

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:16

Siamartitsomavakka inôᴋatigêksuit akornganut, tâpkoalônêt atâtangitalônêt ilitarilaungitanginut; udlartautitsomavakkalo saviksoarmut, nungutsiᴋârtinanga tâpkoninga.

Hesekiel 19:1

Igville Israêlib angajoᴋângit oggorikit,

Hesekiel 26:17

Oggualârpullo pivlutit, oᴋautilutillo: Sinaungamêk asserortaugavit igvit inigijaulauᴋtotit imarbiksiortunut, iglugasaksoangojotit nertugaujoᴋ, imarbingme pitsartulauᴋtotit, igvit inuᴋotitillo kapiasûtiksaulauᴋtose tagvane nunaᴋartunut.

Hesekiel 27:1

Nalekablo oᴋausingata tikilerivânga, oᴋarlune:

Hesekiel 27:32

Keadlarnermingnelo ogguarutelioromârput pivlutit, oggorilutillo, imailijomârput: Kina Tirusetut ilingavâ, tâpsotunaᴋ nipangertitaujotut imarbiub ᴋerᴋânê?

Hesekiel 28:12

Inûb erninga, Tirusib ataninga pivlugo ogguarit, oᴋautiuglo: Imâk oᴋarpoᴋ Nâlegaᴋ Nâlegaujoᴋ: Naᴋitjuteovotit innersimajoᴋ, ilisimanermik tatadlarlutit, adseᴋangitotit ânanaunerme.

Hesekiel 32:2

Inûb erninga, Farao, Egiptenib ataninga, pivlugo ogguarit, oᴋautiuglo; Adsiutitaulauᴋpotit loevemut inôtsumut inôᴋatigêksoarne: ᴋuglugiaᴋsoangojârtotulle imarbiksoarmêtotut ilingavotit; aulajadlalauᴋpotit kôksoarne, ittigangnullo imeᴋ issortipat, kôngit salumaitidlarlugit.

Amos 5:1

Oᴋausek tamanna tigujara ogguarutigijomavlugo pivluse tusarsiuk, ilipse Israêlib ᴋitorngangit.

Amos 5:16

Tamanna pivlugo imâk oᴋarpok Nâlegak, Gûde Zebaot, Nâlegaujok: apᴋosinerne tamaine ogguadlartoᴋaromârpok, apᴋosineâlungnelo tamaine oᴋartoᴋaromârpok: Kappê! Kappê! Perorsêvilerijorlo ᴋaiᴋojomârpât kiksarᴋatauᴋovlugo, ogguarnermiglo ilisimajut ogguarᴋovlugit.