Hesekiel 26:8 - Labrador Inuttitut Heritage Bible

⁸ Panitit naternamêtut toᴋotsomârpait saviksoarmut: talulioromârporlo avaluᴋsoalioromârlunelo sapûlutalioromârlunelo sângne.

Hesekiel 26:8 Iomraidhean Croise

II Samuel 20:15

Tikkilutiglo, illumavâllo Abeleme Bethmaachemelo, tallumiglo illijivut iglugasaksuit avatâtigut, avalunullo tikkiput, innugatoksuillo illunatik Joabib illagijangit aksorotjivut avalullo ochotitsomavât.

Jeremia 32:24

Ahâk, talut ᴋanilivaliavut iglugasaksoarnut sâlagijomavlugit; iglugasaksuillo tunijaumavut Kaldêamiut sorᴋsugvigijingita agganginut, saviksoaᴋ, kângnartoᴋsoarlo, nusilingnartorlo pitjutigivlugit; oᴋautigilauᴋtatit nalautsivut, ahâglo takovat.

Jeremia 52:4

Atanioningata jâringita 9ingane, takkit 10ingane, takkiub uvlungita 10ingane, Nebukadnezarib Babilonib ataningata sorᴋsuktoᴋatigêksoamelo Jerusalem opaktoriartorpât, tangmarterpullo nalâne; taluliorpullo avatâne ilûnâne.

Jeremia 6:6

Imâk Nâlagaᴋ Zebaot oᴋarsimangmat: Napârtunik nakatsileritse, talulioritselo Jerusalemib avatâgut; tamadja iglugasaksuit sugiaraksat; tattedlarput oᴋumaiksartitsinermik iluane.

Hesekiel 21:22

Nelautaijût Jerusalemut ilingajoᴋ talerpianêpoᴋ, kautaᴋsoarmik ilijiᴋovlugo, ᴋannerlo angmarᴋovlugo toᴋotsiᴋojinermut, nippillo angijororᴋovlugit ᴋaigarsungnermut, kautaᴋsoarmik ilijiᴋovlugo upkoaᴋsoarnut, taluksat âᴋiktauᴋovlugit, sôngoviksaliortoᴋarᴋovlugo.

Hesekiel 26:6

Paningillo naternamêtut toᴋotaujomârput saviksoarmut; ᴋaujijuksauvullo uvangaugama Nâlegaᴋ.

Hesekiel 26:9

Kautaᴋsoarniglo asserortautinik âᴋiksoijomârpoᴋ avaloᴋsoarnut, ulimautiminullo oggotitsijomârpoᴋ nuvugusingnik.

Habakûb 1:10

Ilâ, atanernik mitauteᴋadlarput, angajoᴋâksoaniglo naggonauteᴋadlarput; ungalujijoᴋsuit ilûnnaita allêᴋutigivait; ibjunik kalerêktitsigamik tigulugillo.

Lukase 19:43

Naliutuksamut tikitaujomârapse, akkerartortipse ilujomârpâse avatipsigut, ᴋitorngaselo illaliudlugit, illuluse anerᴋonase; nanêᴋupselo ilûnâne kappiasuktitsomârpâse,