Hesekiel 26:3 - Labrador Inuttitut Heritage Bible

³ Tamanna pivlugo imâk oᴋarpoᴋ Nâlegaᴋ Nâlegaujoᴋ: Ahâk, akkerartorpagit, Tiruse, inôᴋatigêksuillo unuktut majuartitsomârpakka ilingnut, sorlo imarbiksûb maliksoarne ᴋagvertingmagit.

Hesekiel 26:3 Iomraidhean Croise

Imgerut 107:25

Oᴋalaurangame akᴋonaksoaᴋartitsilunelo, makkitatitsijomik mallingnik.

Jesaiase 5:30

Nalliutomelo tamattomane iktullijâdlaromârput (Israêlitinut), sôrlo imarbiksoaᴋ iktullijârmat. Nuna ullernaigijaulerpat, ahâk tâᴋtoᴋ kappianartoᴋ, ᴋaumajorlo takpânẽtoᴋ ᴋaumajungnairpoᴋ nuvujanut.

Jeremia 21:13

Ahâk, akkerartorpapse, naᴋsamiojose, naternaublo ᴋairtunganêtose, oᴋarpoᴋ Nâlagaᴋ; oᴋartose: Kina atersârungnarᴋâ uvaptingnût? Kinalônêt itârungnarᴋâ igluptingnût?

Jeremia 25:22

Tiriusiblo ataningit tamaita, Sidoniblo ataningit tamaita, sidjablo imarbiub akkianêtub ataningit;

Jeremia 50:31

Ahâk, akkerartorpagit, igvit piojoridlartotit, oᴋarpoᴋ Nâlagaᴋ, Nâlagaᴋ Zebaot, uvluksat tikisimangmat, nalipsartauviksat uvamnut.

Jeremia 50:42

Tigumiarput pitiksinik ᴋalugiaᴋsoarniglo; takopsoajuiput, nâpkiningneᴋangilallo; nippingit iktulijarput imarbiksoatut, horsine ablangavut; ilûnatik opalungaijarsimavut sorᴋsugomajutitut unatarvigijomavlutit, Babilonib paninga.

Jeremia 51:42

Imarbik majuarpoᴋ Babilonemut; uliktauvoᴋ malliksoangita unurninginut.

Jeremia 6:23

Pitiksinik ᴋalugianiglo tigumiarput; takopsoajuiput nâpkigosujuitôlarmiglo; nippingit pervaludlarput imarbiktut, horsine ablangavut; siakput sorᴋsugomajutitut unatarvigijomavlutit, Zionib pania.

Hesekiel 21:3

Israêliblo nunanga oᴋautiuk: Imâk oᴋarpoᴋ Nâlegaᴋ: Ahâk, sâdlaromavagit, saviksoaralo amujomavara kênailitanganit, idluartullo idluitullo kipiniaromavlugit ilingnit.

Hesekiel 26:19

Imâk oᴋarmat Nâlegaᴋ Nâlegaujoᴋ: Iglugasaksoangortikpagit inuêrutjaujunik, iglugasaksoatitut inuᴋarungnaitutitut; itinersoaᴋ ilingnut ᴋagvertikupko imaksuillo mattukpatit;

Hesekiel 27:26

Eputoᴋotiville tikiutivâtit imaᴋsoarnut angijunut; kanangâble serᴋomipâtit imarbiub ᴋerᴋâne.

Hesekiel 28:22

Oᴋarillo: imâk oᴋarpoᴋ Nâlegaᴋ Nâlegaujoᴋ: ahâk, akkerartorpagit, Sidon, nâlengnarsijomârpungalo ilingnut, tukkisijuksauvullo uvangaugama Nâlegaᴋ, idluarsainikka nâmâksitikupkit tâpsomane, tâpsomanelo ivsornailititauleruma.

Hesekiel 29:10

Tamanna pivlugo, ahâk, sâvigivagit, kôksoatillo sâvigivlugit, nunalo Egipten asserornilukungortitsomârpara sunaᴋajuitungordlugolo, Sevennib nuvugusinganit Etiopiab kiglinga tikidlugo.

Hesekiel 38:3

Oᴋarlutillo: Imâk oᴋarpoᴋ Nâlegaᴋ Nâlegaujoᴋ; Ahâk, sâdlaromârpagit, Goge, Mesekib Tubaliblo angajoᴋâᴋsoangak:

Hesekiel 5:8

Taimaimat imâk oᴋarpoᴋ Nâlegaᴋ Nâlegaujoᴋ: Ahâk, uvanga, ila, uvanga nangmineᴋ sâpagit; erᴋartuinikkalo piniaromavaᴋᴋa ilingnut inôᴋatigêksuit takoane.

Migga 4:11

Mânale inôᴋatigêksuit unuktut katimavut ilingnut, oᴋartut: Sujuktaudlarle, ijivullo takolit katjârijamingnik Zioneme.

Nahum 2:12

Loeve aliktuilaukpok piarᴋame nâmaginiartanginik, toᴋotsilunelo arname piksanginik, sittinelo tatapait aᴋsârnigarminut, inigijanelo aliktortaminut.

Nahum 3:5

Ahâk, sâvigijomârpagit, oᴋarpok Nâlegak Zebaot, annorâtit ᴋongmuartitsomârpakka, kênarnut pitilugit; ussinganîllo takojautitsomârpara inôᴋatigêksoarnut, kangunarnîllo atanioviᴋatigêngnut.

Saggaria 14:2

Inôᴋatigêksuit tamaita Jerusalemut katersoromârapkit sorᴋsungnermut; iglugasaksuillo tigujaulârput, iglullo kongmarudjaujomârput, arnallo naggonarsartauvlutik; iglugasaksoarmiullo abvangit anijomârput aularutijauvlutik, inuillo amiakungit kipijaunialungilat iglugasaksoarnit.

Saggaria 9:4

Ahâk, Nâlekab piksairutijomârpâ, annauniklunelo pitsartuninganik imarbingme; ikomamullo nungutaujomârpok.

Lukase 21:25

Seᴋinerlo, takᴋerlo, uvloritjallo nelunaikutaᴋaromârput; inuillo nunamêtut erᴋsinermut sivôradlaromârput; imarbiksoarlo malliksuavaksuillo iktulijâromârput.