Hesekiel 26:16 - Labrador Inuttitut Heritage Bible

¹⁶ Ataniojut ilûnatik imab tungânêtut aᴋᴋaromârput iksivautaᴋsoarmingnit, uliksoatik pêrlugit, annorâtiglo pinnarnarsautelit mattarlugit: attisilârpullo sajungnermik; iksivajomârput nuname, sajuktailijungnaratik, tataminiarutigilârpâtillo.

Hesekiel 26:16 Iomraidhean Croise

Hiobe 8:22

Illingnigle illuluktut kangusuktitaunermut imusertauniarput, Gûdeᴋangitullo iglugijangit nipangniarpok.

Imgerut 109:18

Ominaullo attilaukpâ uvinerungmitut; itterporlo illuanut immektut orksutullo sauninginnut.

Imgerut 109:29

Akkerartortikka mamailisartaunermik attititaulit; kangusuktitaunermiglo annorârtitaulit ullingmik sorlo.

Imgerut 132:18

Omigijingit kangusuktitaunermik annorâromavakka; tâpsomale ᴋângane niaᴋotâ nuvugolârtârtuksauvok.

Imgerut 35:26

Kangusulerlît, kangusuktitaulillo illunaita ᴋanoênimnik ᴋuviasuteᴋartut; kangusuktitaunermik kangunartomiglo anorartitaulît angutauservigijikka!

Exodus 15:15

Edomib angajoᴋângit kakkilâdlalârput; Moabib pitsartujungit sajudlalârput; Kânaaniblo inungit ilûnnatik auksilârput nuvujatut.

Jesaiase 3:26

Zioniblo upkoaᴋsoangit kiksadlaromârput ogguarlutiglo, ᴋemaktauvlunelo (Zione) iksivajomârpoᴋ nuname.

Jesaiase 41:5

Kikkertat takogamitsuk, erᴋsilerput, nunaᴋsûb kiglingit sajukpilukput, ᴋaglivlutik aggerput.

Jesaiase 47:1

Akkarit sanningnullo ingitit, uigasuk igvit, Bâbelib pannia; iksivautaᴋarungnairlutit ivjomut ingitit, Kaldêarit panningat. Maitomik nikkanartomiglo taijaksaungilatit kingorngagut.

Jesaiase 52:2

Sanningnik kattaraigit, makkilerit ingidlutillo, Jerusaleme; ᴋellarutjâlerit ᴋongaserpit ᴋellarutinginit, Zionib panninga parngnanairsortaujotit.

Jeremia 48:39

Kappê, serᴋomitaudlarpoᴋ! Kappê, ᴋorᴋsudlarput! Kappê, Moabib tunune sâtipâ kangusuklune! Taimaidlune Moabe mitautiksangorniarpoᴋ ᴋoaᴋsârutiksangorlunalo avaliminut tamainut.

Jeremiab Ogguarutigijangit 2:10

Zionib paningata angajoᴋângit iksivavut nuname nipangerdlutik; egitsivut sanningnik niaᴋomingnut; pôᴋsajaniglo attivut: Jerusalemib uigasungit niaᴋotik okungatipait nunamut.

Hesekiel 16:10

Annorâtsiartârpagit nuilapaujaksajanik, kammiktârlutillo ᴋissijanik, ᴋeteruserlutillo ilupâᴋsajamik ᴋaᴋᴋoriktomik, uliklutillo saidemut.

Hesekiel 26:21

Asserornilukungortitsomârpagit itsungnaijomârpotillo: ᴋenertaugaloaruvit nagvartauniatsangilatit issoᴋangitomut, oᴋarpoᴋ Nâlegaᴋ Nâlegaujoᴋ.

Hesekiel 28:17

Omatit piojorivoᴋ ânanaunît pivlugo, ilisimanîllo asserorpat pinnarnarsinît pivlugo: uvangale egipagit nunamut, pitipagit atanit sânginut takoᴋovlugit ilingnik.

Hesekiel 31:15

Imâk oᴋarpoᴋ Nâlegaᴋ Nâlegaujoᴋ: Uvlorme tâpsomane tâmna kanungarmat kapianartovingmut ogguartoᴋartitsilauᴋpunga; tâmna pivlugo itinersoaᴋ matulauᴋpara, kôksoangillo noᴋᴋartilaita, imaksuillo palangairlugit; Libanonelo ogguartilauᴋpara tâmna pivlugo, napârtullo naternamêtut ilûnatik ᴋunolerput tâmna pivlugo.

Hesekiel 32:10

Ilâ, inôᴋatigêksuit unuktut kakilârtitsomârpakka pivlutit, ataningillo angijomik sivôradlaromârput pitjutigivlutit, saviksoara senervartartigupko sângine; sajukpâdlaromârpullo ilûnamaritik inôsitik pivlugit uvlorme oggovigijarne.

Hesekiel 7:27

Ataneᴋ kiksaromârpoᴋ, ataniksallo attisilârput ᴋeungominermik, nunablo inungita aggangit mungolârput; piniarvigilârpakka iluserijangit maliklugit, pijaksauningillo maliklugit erᴋartoromârpakka; missigijuksauvullo uvanga Nâlegaugama.

Hesekiel 7:8

Mânakut ilungertornera kovijomavara ilingnut, ningaumajârneralo nâmaksititsomavlugo ilingnut, erᴋartoromavagillo iluserijatit maliklugit; maᴋojungnartulinitillo tamaita tikiutitsomavakka ilingnut.

Daniel 5:6

Tagva ataniub tautua ablatsangorpoᴋ, iᴋarsautingitalo ulapipât; okpatîgiglo ᴋassuvuk, siᴋûgiglo apukalâgutivuk.

Hosea 11:10

Nâlegaᴋ maligomârpât, tâmnalo loevetut kalingoaromârpoᴋ; tamna kalingoaromârmat, ᴋitorngaujullo sajudlarlutik tikitsomârput pângat.

Jona 3:6

Oᴋautaujullo tamakkoa tikiutivut Ninivib ataninganut, tâmnalo nikovipoᴋ iksivautaksoaminit, annoarânelo iperarpâ, uliklunelo pôksajavinernik ingipoᴋ argjane.

Haggai 2:22

Ataniovîllo iksivautaᴋsoangat oggotitsomârpara, inôᴋatigêksuillo ataniovingita pitsartuningit assiroromârpakka; ᴋamutillo aksaloalit unatautit oggotitsomârpakka, ikimajingillo; horsillo ikimajingillo oggotuksauvut, ilûnatik aipamik saviksoanginut.

I Pêtrusib 5:5

Taimaktauᴋ ilipse inôsuktôjose inutoᴋaujut nâleksigik. Ilûnase nâlektigêgitse, piojorijuinermik ataruilititse. Pimariutertut Gûdib akkerartormagit, piojorijuitulle nâpkigivait.

Takotitaunermik 18:9

Atanîllo nuname tâpsominga arnarnialauktut ikligudlarvigilugo, ᴋeaniarpât kappiaktoadlarutigivlugolo, ikomangata iserlunga takogamitsuk.