Hesekiel 22:4 - Labrador Inuttitut Heritage Bible

⁴ Auk ilipsingne kovijoᴋ pivlugo pidlaraksautipose, ivsornartitauvoselo gudingoarnut senajapsingnut; taimaidluse uvluse ikitlitipase, jâriselo nâlertipase; tamanna pivlugo allêkutiksangortipapse inôᴋatigêksoarnut, mitautiksangortiluselo nunane ilûnaine.

Hesekiel 22:4 Iomraidhean Croise

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

II Atannit 21:16

Manasselo kovisilaurivoktauk aungnik passijaksaungitunik unnuktunik, nâmatitsilerkârtinnago Jerusalemik tamattomunga; idluitulliningita senniatigut idluitullititsijutigijangita Judakunik, pinniarᴋovlugit Nâlekab idluigijanginik.

II Kronika 7:20

Tagva nutsungniarpakka nunaᴋotimnit, tunnilauktamnit tapᴋonunga, iglolo tamna ivsornaiviotilauktara attimnut, eginiarpara kênama sânganit, oᴋausiovaktungortiniarparalo oᴋangoarutingortiniarlugolo innuᴋattigêksuit illunatik akkorngane.

Imgerut 79:4

Sillaliptingnut kangusuktitaksangorpogut, mittautiksangorlutalo, allêᴋutiksangorlaptalo avatiptingnêtunnut.

Jeremia 18:16

Nunangat tataminiarutiksauᴋovlugo mitautiksauᴋovlugolo soraijuitomik; ilûnatik apᴋusârtut tagvunga tataminialârput ileᴋetamârlutiglo.

Jeremia 24:9

Unertûtigijomavakka egiorᴋatângorᴋovlugit nunaᴋsûb ataniovingine tamaine idluiᴋutauvlutik; oᴋarnerlutiksauᴋovlugit allêᴋutiksauᴋovlugillo, mitautiksauᴋovlugillo, ômigijaksauᴋovlugillo nunane tamaine ajaktortauvigijomârtangine uvamnut.

Jeremia 44:8

Taimaidluse ningarsârpapsinga aggapse sanajanginut, tipigiksautinik isserluanititsigapse gudingoanut assimnut nuname Egipteneme nunagijartortapsingne; nakartauᴋovluse, oᴋarnerlutauᴋovluselo mitautauᴋovluselo inôᴋatigêksuit nunamêtut tamaita akorngane.

Hesekiel 16:57

Idluitulinît nelonaijartauᴋârtinago, sorlo taipsomanetut Siriab paningita mitautigingmatit, avalingitalo ilûnatik, Filisterillo paningita naggogingmatit ilûnâne.

Hesekiel 21:28

Igvillo, inûb erninga, nelautailerit oᴋarlutillo: Imâk oᴋarpoᴋ Nâlegaᴋ Nâlegaujoᴋ Ammonib ᴋitorngangit pivlugit, mitauteᴋarningillo pivlugit; oᴋarillo: saviksoaᴋ, saviksoaᴋ amujauvoᴋ, ᴋebleriksartauvoᴋ toᴋorainermut, nungutsiᴋovlugo, ᴋaumalaᴋtut ilingaᴋovlugo;

Hesekiel 22:2

Igvit, inûb erninga, erᴋartuilutit iglugasaksuit aungmik kovisiviotsainartut erᴋartoromangilatît? maᴋojungnartuliningillo unertûtigijomangilatît tâpkonungâ?

Hesekiel 23:32

Imâk oᴋarpoᴋ Nâlegaᴋ Nâlegaujoᴋ: Angajuvit ᴋajûtanganit, itijomit nerrotojomillo, imertuksauvotit: ijoralautigijaudlalârpotit mitautigijauvlutillo ajornarmariktomik.

Hesekiel 23:7

Tâpkoa assiniaᴋatigilauᴋpait Assiriab angutingit erᴋanarnerpât tamaita, ivsornartiporlo nangminerminik assiniaᴋatigijangita gudingoanginut ilûnainut.

Hesekiel 24:7

Aunga iluanêngmat; ᴋairtotuinarmut kovilauᴋpâ, ivjomut kovilaungilâ sanningnut saujaujungnarᴋovlugo;

Hesekiel 24:8

Kaningaumajârneᴋ ᴋagvertitsomavlugo akkiniarutigijomavlugo, aunga kovijautilauᴋpara ᴋairtotuinarmut, saujauᴋonago.

Hesekiel 36:15

Kingornganelo tusartitsomângilagit nelojut kangusuktitsininginik, nangmariaᴋaromângilatillo inôᴋatigêksuit mitauteᴋarninginik kingorngane, inôᴋatigêksoaᴋotitillo kingormgujijoêrutijaksarilungilatit kingorngane, oᴋarpoᴋ Nâlegaᴋ Nâlegaujoᴋ.

Daniel 9:16

Nâlegaᴋ, idluarnit tamât pitjutigivlugo, ningarnît ningaumajârnîllo sangutikiktôᴋ iglugasaksoaᴋotingnit Jerusalimit, ᴋaᴋᴋarnit ivsornaitomit; idluitulinivut, atâtaptalo idluituliningit pivlugit, Jerusalem inuᴋotitillo naggonarsivut avatiptingnêtunut tamainut.

Leviticus 26:32

Nunalo asserornilukungortitsomârpara: ômigijipselo tagvane nunalit tataminiarutigilârpât.

Numbers 32:14

Ahâglo, ilipse makipose atâtase inangerlugit, inuit idluitut unuksisimajose, Nâlekab ningarninga ilungertortoᴋ Israêlikunut aglititsomavlugo.

Deuteronomy 28:37

Igvillo ᴋoaᴋsângajutiksangoromârpotit, alêᴋutiksangorlutillo, mitautiksangorlutillo inôᴋatigêksuit, Nâlekab tikiviotitangita ilingnik, akorngane.

Deuteronomy 29:24

Inôᴋatigêksuit ilûnatik oᴋaromârput: Suna pivlugo Nâlekab nuna tamanna taimailiorvigivaûk? Ningaumajârninga tamanna sôᴋ taimak ilungertortigivâ?

I Tessalônikamiunut 2:16

Uvaptingnik oᴋâlaᴋojingitut nelojunut piulijaujutiksanganik, taimaidlutik ajornitik ᴋalerêktulugit ilûnaitigut pivait; ningautsiblo ᴋolangialerêrpait,