Hesekiel 21:4 - Labrador Inuttitut Heritage Bible

⁴ Idluartullo idluitullo kipiniaromagapkit ilingnit, tamanna pivlugo saviksoara anijuksauvoᴋ kênailitaminit uvinilingnut tamainut ângat avunga tikidlugo:

Hesekiel 21:4 Iomraidhean Croise

Hesekiel 20:47

Napârtoliksuillo ânêtut oᴋautikit: Tusarsiuk Nâlekab oᴋausinga; Imâk oᴋarpoᴋ Nâlegaᴋ Nâlegaujoᴋ: Ahâk, ikomamik ikitsijomârpunga ilingne, napârtullo ômat ilûnaita, napârtullo pannait ilûnaita ilingnêtut nungutsomârpait: ikoma ikoâlajoᴋ ᴋamitaululângilaᴋ, kênallo ilûnatik ângat avunga tikidlugo tâpsomunga ôtaujomârput.

Hesekiel 7:2

Igvillo, inûb erninga, imâk, oᴋarpoᴋ Nâlegaᴋ Nâlegaujoᴋ Israêlib nunanganut; Naggatiksaᴋ, naggatiksaᴋ tikipoᴋ nunab terreᴋunginut sittamanut.

Deuteronomy 32:40

Aggakka isâkpakka ᴋilangmut oᴋarlungalo: Sorlo issoᴋangitomut inôtsainarama,

Jeremia 12:12

Asserorsaijut tikisimavut ᴋaᴋᴋanut merᴋuᴋangitunut tamainut sunaᴋajuitome, Nâlakab saviksoanga nungutsilermat nunab kiglingata aipânit nunab kiglingata aipanga tikidlugo, uvinilîllo naliallônêt ulapirᴋsauteᴋangilat.

Jeremia 25:27

Oᴋautijaksarivatillo: Imâk oᴋarpoᴋ Nâlagaᴋ Zebaot, Israêlib Gudinga: Imeritse, tallavluselo, meriaritselo, pâlakluselo, makiniarungnailuse, saviksoaᴋ akunapsingnut tilijomajara pitjutigivlugo.

Hesekiel 14:17

Saviksoarlônêt tikiutinajarupko nunamut tâpsomunga, oᴋarlungalo: Saviksoaᴋ, nuna ingerarvigiuk; kipisiᴋovlunga inungnik nergjutiniglo tagvangat;

Hesekiel 20:46

Inûb erninga, kênait sâtiuk seᴋᴋinermut, oᴋausîllo kataktiuk seᴋinermut, naternablo ânêtub napârtoᴋotingit nelautaijutigikit;

Hesekiel 21:9

Inûb erninga, nelautailerit, oᴋarlutillo: Imâk oᴋarpoᴋ Nâlegaᴋ: Oᴋarit, Saviksoaᴋ, saviksoaᴋ, kênaksartauvoᴋ kiligartaulunelo:

Hesekiel 21:10

Kênaksartauvoᴋ toᴋoraiᴋovlugo, kiligartauvorlo ᴋaumalaktun iᴋovlugo: ᴋuviasuktuksauvitâ tagva? Ernerma issaᴋautinga naggovoᴋ napartunik tamainik.