Hesekiel 21:3 - Labrador Inuttitut Heritage Bible

³ Israêliblo nunanga oᴋautiuk: Imâk oᴋarpoᴋ Nâlegaᴋ: Ahâk, sâdlaromavagit, saviksoaralo amujomavara kênailitanganit, idluartullo idluitullo kipiniaromavlugit ilingnit.

Hesekiel 21:3 Iomraidhean Croise

Hiobe 9:22

Atausiôvok, oᴋautigijara: Tâpsoma tammarmik idluitailijok, Gûdeᴋangitorlo asserorpak.

Imgerut 17:13

Nâlegak oppalungairit, ingiariartoruk, manigotitilugolo Nâlegâk; tarniga piulilauruk Gûdeᴋangitunnit saviksoaᴋotingnut.

Imgerut 80:17

Aggakpît, ᴋollangiarlitsuk tallerpikpît angutinga, innub erninga soᴋᴋosijuitomik annerilauktat.

Imgerut 83:15

Taimak unangmikit sillarnerluᴋotingnut, ᴋoaᴋsârtilugillo aᴋᴋonaksoaᴋotingnut.

Exodus 15:9

Omisuktok oᴋarpok: Udlanigomavunga, angusijomavunga, aksârnigaujut aitortûtigijomavakka; ikligunera nâmaksititaujuksauvok tâpkonunga; saviksoara amujomavara, aggamalo nungutaksarivait.

Okaluktok 9:2

Ilûnatik adsigêktomik illiorneᴋarput, pijoᴋarpaktut tikkiput adsigêktomik idluartomut Gûdeᴋangitomullo, ajungitomut ivsornaitomullo ivsornartomuttut, tâpsomunga tunnergutiksamik tunnijijomut, tunnergutiksamik tunnijilungitomuttut. Sôrlo ajungitok illiormat taimailingavoktauk ajortok. Sôrlo saglovlune angertok illiormat, taimâk illingavoktauk angernermik sivôrajok.

Jesaiase 10:5

Kappianarmêk Assure, ningautsima issaᴋautigijanga, ningaumajârnera ajaupiauvoᴋ tâpkoa agganginut.

Jesaiase 34:5

Saviksoara ᴋilangme tallatotut illingavoᴋ; takkuitse, aᴋᴋaromârpoᴋ Edomemut nunaᴋatigêksoarnullo unertûtigijamnut sugiartauviksamut.

Jesaiase 57:1

Idluartok perlerpoᴋ, õmammiutarᴋsijoᴋangilarlo; inuit idluitailijut pêrtaulerput, mallugosuktoᴋangilarlo, idluartut pêrtaungmatta kappiasugvingmit.

Jeremia 17:27

Nâlagomangikupsingale Sabbate ivsornaititsomavlugo, adjarsitailijomangikupselo oᴋumaitunik iterniarluse Jerusalemib itertarvingitigut Sabbateme; tagva ikomamik ikitsijomavunga itertarvingine, nungutsilârporlo Jerusalemib igloᴋsoanginik, ᴋamitauniarungnaivlune.

Jeremia 21:13

Ahâk, akkerartorpapse, naᴋsamiojose, naternaublo ᴋairtunganêtose, oᴋarpoᴋ Nâlagaᴋ; oᴋartose: Kina atersârungnarᴋâ uvaptingnût? Kinalônêt itârungnarᴋâ igluptingnût?

Jeremia 21:14

Sugiaromavapselo piniarnipse saᴋᴋertangit maliklugit, oᴋarpoᴋ Nâlagaᴋ; ikitsijomavungalo ikomamik napârtungine, nungutsijomârporlo tamainik avatânêtunik.

Jeremia 50:31

Ahâk, akkerartorpagit, igvit piojoridlartotit, oᴋarpoᴋ Nâlagaᴋ, Nâlagaᴋ Zebaot, uvluksat tikisimangmat, nalipsartauviksat uvamnut.

Jeremia 51:20

Igvit kautarivagit sakkogilutillo unatarnerme; ilingnullo inôᴋatigêksuit katjorpakka; ilikkullo ataniovît asseroromavakka.

Jeremia 51:25

Ahâk, ᴋaᴋᴋaᴋsoangojotit asseroijotit, silaᴋsoarmik ilûnânik asseroijotit, akkerartorpagit, oᴋarpoᴋ Nâlagaᴋ; aggakkalo issagomârpakka ilingnut; imnanillo aksakâtitsomârpagit, ᴋaᴋᴋaᴋsoangortitsômârpagillo ikisimajoᴋ.

Hesekiel 13:8

Taimaimat imâk oᴋarpoᴋ Nâlegaᴋ Nâlegaujoᴋ: Uivêrinartunik oᴋarapse, saglonerniglo nelautaigapse, tamanna pivlugo suadlaromârpapse oᴋarpoᴋ Nâlegaᴋ Nâlegaujoᴋ.

Hesekiel 14:17

Saviksoarlônêt tikiutinajarupko nunamut tâpsomunga, oᴋarlungalo: Saviksoaᴋ, nuna ingerarvigiuk; kipisiᴋovlunga inungnik nergjutiniglo tagvangat;

Hesekiel 14:21

Imâk oᴋarmat Nâlegaᴋ Nâlegaujoᴋ: Kanoᴋ anginersautigilârᴋât akkiniarutikka sugaluluartut sittamat tiligupkit Jerusalemut: saviksoaᴋ, kângnerlo, ômajullo erᴋsinartut, nûsilingnartorlo, pêjaiᴋovlugit inungnik nergjutiniglo tagvangât?

Hesekiel 21:19

Omât, inûb erninga! Titerkik apᴋutiksâk maggûk, Babilonib ataningata saviksoangata apᴋutigijungnartâgik; tamarmik nunamit atautsimit apᴋutiksaujuksauvuk; tikoartûserlugolo, torauseruk apᴋosiniub iglugasaksoarnut sangmijûb issuane.

Hesekiel 24:9

Taimaimat imâk oᴋarpoᴋ Nâlegaᴋ Nâlegaujoᴋ: Kappianarmêk iglugasaksuit auliksuit! ᴋejuksat ᴋalerêt angijorortitsomavakka.

Hesekiel 26:3

Tamanna pivlugo imâk oᴋarpoᴋ Nâlegaᴋ Nâlegaujoᴋ: Ahâk, akkerartorpagit, Tiruse, inôᴋatigêksuillo unuktut majuartitsomârpakka ilingnut, sorlo imarbiksûb maliksoarne ᴋagvertingmagit.

Hesekiel 29:10

Tamanna pivlugo, ahâk, sâvigivagit, kôksoatillo sâvigivlugit, nunalo Egipten asserornilukungortitsomârpara sunaᴋajuitungordlugolo, Sevennib nuvugusinganit Etiopiab kiglinga tikidlugo.

Hesekiel 5:12

Aviksimajavit pingajuangit toᴋojuksaulârput nûsilingnartomut, perlernermullo nungulârput ilingne; pingajuangillo amatoᴋolârput avatingne; amalo pingajuangit siamartilârpakka anorenut tamainut, kingorninginelo saviksoaᴋ amujomavara.

Hesekiel 5:8

Taimaimat imâk oᴋarpoᴋ Nâlegaᴋ Nâlegaujoᴋ: Ahâk, uvanga, ila, uvanga nangmineᴋ sâpagit; erᴋartuinikkalo piniaromavaᴋᴋa ilingnut inôᴋatigêksuit takoane.

Leviticus 26:25

Tikiutjijomârpungalo saviksoarmik ilipsingnut, akkinialârtomik angerutaujûb ningadlarninganik; katimgatitaulârposelo iglugasaksoapsingne, nusilingnartorlo tililârpara akunapsingnut; unertutijaulârposelo ômigijipse agganginut.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Amos 5:6

Nâlegak ᴋenersiuk, inôjomârpose tagva; ikomatut ikoâlaliaᴋiᴋonago Josefib ᴋitornganginut, nungûtsilune, ᴋamitisijoᴋarungnartinago Beteleme;

Amos 7:4

Imaitomik Nâlekab Nâlegaujub takotilaukpânga: ahâglo, Nâlekab Nâlegaujub ikoma ᴋaiᴋovâ pidlautigijomavlugo; tâpsomalo itinersoak angijok nungupâ, nunalo nungunajalaukpâ.

Nahum 2:13

Ahâk, sâvigijomârpagit, oᴋarpok Nâlegak Zebaot, ᴋamutingillo unatautit ikitsomârpakka isserlungme, saviksûblo nungulârpait loevearatit; aᴋsârnigarijatillo kipijomârpakka nunamit, aᴋpârtitavîllo nippingit tusaksaujungnairomârput.

Nahum 3:5

Ahâk, sâvigijomârpagit, oᴋarpok Nâlegak Zebaot, annorâtit ᴋongmuartitsomârpakka, kênarnut pitilugit; ussinganîllo takojautitsomârpara inôᴋatigêksoarnut, kangunarnîllo atanioviᴋatigêngnut.

Sefania 2:12

Ilipsetauk Etiopiamiojose saviksoarmut toᴋotaujuksauvose.

Saggaria 13:7

Saviksoak tupalerit, mianersijiga pâvigilugo, angullo inôᴋatigijara, oᴋarpok Nâlegak Zebaot, mianersijoᴋ annauleruk, saukallo siamartitaulârput; aggakkalo sâtitsomârpakka piarangnut.