Hesekiel 2:6 - Labrador Inuttitut Heritage Bible

⁶ Igvillo, inûb erninga, erᴋsigijaksarilungilatit, oᴋausingillônêt erᴋsiginiarnagit, kakkidlarnartut kappidlarnartullo akornganêgaloaruvit, inôgaloaruvillo kingupaujârtut akorngane, oᴋausingit erᴋsigijaksaringilatit, kênangillo kapiasûtiginiarnagit, tapatojoᴋsôᴋatigêngongmatta.

Hesekiel 2:6 Iomraidhean Croise

II Atannit 1:15

Tagva Nâlekab Engelingata Elia oᴋautivâ: Atersarᴋattigiuk, erksiginiarnagolo. Tagva parngnailerpok atersarᴋatigivâlo atannermut.

Jesaiase 51:12

Uvanga, uvanga manigorpapse. Suvêt, inungnik toᴋojomârtunik erᴋsigavit? inuit ᴋitornganginik iviktitut nungujomârtunik?

Jesaiase 51:7

Tussalersinga illipse idluarnermik illitarᴋsijose, nunaᴋatigêktose perᴋojamnik õmamiutaᴋartose. Sivoraniarase, inuit suangadlarpasse, ᴋoaᴋsârniaraselo oᴋauserludlarningit pitjutigivlugit.

Jesaiase 9:18

Idluitullineᴋ ikkomatut ikkoalangmat ukpiganik perornerdluktuniglo kakkilautilingnik nungutsivlune ikkitsivlunelo ukpiganik napârtoliksoarmẽtunik, iserluksoarmik ᴋongmuartitsivlune.

Jeremia 1:17

Igville makkitikut tapserusijarit, nikovilutillo, oᴋâlavigikillo tamainik perᴋojamnik ilingnut; sivôraniarnak tâpkoninga, uimâlatitsiᴋonanga ilingnik tâpkoa sângine.

Jeremia 1:8

Sivoraniarnak taipkoninga; ilingnênama piulijomavlutit, oᴋarpoᴋ Nâlagaᴋ.

Jeremia 18:18

Tapkoale oᴋarput: Attê, ᴋaileritse, issumaksarsioᴋatigêkta Jeremia pitjutigilugo; perᴋojat pijungnainiangimatta ajoᴋertuijomit, atanertuinerlônêt ilisimajomit, oᴋauserlônêt nalautaijomit. Kaileritse, oᴋarnerlutigilavut oᴋaptingnut, kamaniaratalo oᴋausingita nalianiglônêt.

Jeremia 6:28

Ilûnatik tapatojoᴋsôvut, terliarᴋataiᴋattarlutik arvertarput; ᴋaᴋᴋorleovut kikiangovlutiglo; ilûnamasiatik nalâgôngitulivut.

Hesekiel 24:3

Kitorngarêllo tapatojut oᴋarvigikit adsiujomik, oᴋautikillo: Imâk oᴋarpoᴋ Nâlegaᴋ Nâlegaujoᴋ: Ukkusik iliuk, iliuk imerlugolo:

Hesekiel 28:24

Kingornganelo kakkilauteᴋalulângilaᴋ Israêlib ᴋitornganginut, kapinartoᴋalulângilarlônêt tâpkonangat avatânêtunit pagvisalauᴋtunit tâpkoninga; ᴋaujijuksauvullo uvangaugama Nâlegaᴋ Nâlegaujoᴋ.

Migga 3:8

Uvangale ilumertaudlarpunga pitsartunermik Nâlekab anerninganut, idluarsainermiglo, sôngonermiglo, Jâkomut nalonaijaiᴋovlunga tapaninganik, Israêlemullo idluitulininganik.

Migga 7:4

Idluarnerpângat kapianartotut ipoᴋ; nalâgôrnerpâk piungiluarpoᴋ avalunit kakilautelingnit; pigârtivît uvlungat, tamadja nalipsartauvît, tikisimavoᴋ; mâna uimâladlalârput.

Mattêuse 10:28

Erᴋsiginiarasigiglo timinik toᴋotsijut, tarninigle toᴋotsijungnangitut. Anginersamigle taimna erᴋsigisiuk, timiniglo tarniniglo asserortitsijungnartok ânianartovingme.

Lukase 10:19

Ahâk, pitsartunermik tunitjivigilaukpapse, ᴋuglugiarâluit kingupaujârtulllo tullerarlugit, akkerartortiblo pitsartuninganut ilûnânut nâlegautipapse, sumullônêt akᴋunartauniangilase.

Lukase 11:12

Manningmiglônêt tuksiarvigikpago, kingupaujârtimik tunitjiviginajarpaûk?

Lukase 12:4

Oᴋaupapsele ilannârijakka: Erᴋsiginiarasigik timinik toᴋotsijut, kingornganelo sumik piniarungnarungnaitut.

Apostelit Piniarningit 4:13

Pêtrusiblo Johannesiblo sivôrajuinîgik takovakit, tataminiarpullo, ᴋaujimatsiaramik, tâpkoa aglangnik ilisimatsiangimanik, ilinnialaungimaniglo, nâmaktomiglo illitarivakittauk, Jêsuse ilagilaungmakko.

Apostelit Piniarningit 4:19

Pêtrusible Johannesiblo kiovait oᴋautivlugillo: Nangminek kiglisiniaritse, Gûdib sângane idluarmangât, ilipse uvaptingnut nâlektaunersaugupse Gûdemit.

Apostelit Piniarningit 4:29

Mânalo Nâlegak, silungninginik takusarit, kivgatillo sivôranatik oᴋâlatikit oᴋausernik.

Efêsusemiunut 6:19

Uvangatauᴋ pivlunga, tunitsivioᴋovlunga oᴋâlanermik sivôrananga ᴋanera angmarlugo, oᴋautsit tussarnertut nelonarningat oᴋautigivlugo;

Filippimiunut 1:28

Koaᴋsângatailititselo akkerartortunut sunalônêt pivlugo; tamanna nalunaikutauvoᴋ pidlartaujomârmatta taipkoa, ilipsele piulijaujomârapse, tamadalo Gûdemit pivoᴋ.

II Timôteusemut 1:7

Anernermik sivôrajomik Gûdib tunitsivigilaungimatigut, pitsartunelingmigle, naglingniktomiglo, idluartomiglo.

Ebrêerinut 11:27

Okpernermut Egiptene ᴋemakpâ, ataniviksûb ningarninga sivôraginago; takuksaungitoᴋ atavigigamiuk, tautuklugo sorlo.

I Pêtrusib 3:14

Kappiasuktitaugalloarupselônêt idluarneᴋ pivlugo, pilorikpose. Sivôranaritsininginigle sivôraniarase, kakkilârtailititselo.

Takotitaunermik 9:10

Pamioᴋarpullo kingupaujârtutitut, pamiungillo kakilauteliovut; tâpkoalo pitsartuneᴋarput inuit kappiasuktidlarlugit, takᴋit tallimat nâvlugit.