Hesekiel 2:4 - Labrador Inuttitut Heritage Bible

⁴ Kitorngarêllo tiliklervigijakka ilingnik, kênaᴋarput sittijunik, ômateᴋarpullo mangaidlartunik, oᴋautijaksarivatillo: Imâk oᴋarpoᴋ Nâlegaᴋ Nâlegaujoᴋ.

Hesekiel 2:4 Iomraidhean Croise

I Atannit 22:14

Micha oᴋarpok: Sorlo Nâlegak mikseᴋârtomik inôngmat, oᴋaromavunga Nâlekab oᴋauseriniartanginik uvamnut.

II Kronika 30:8

Tagva tappatôniarase manna atâtagijapsetut, aggassele tunnissigik Nalekamut, ᴋaititselo ivsornaitoviᴋotinganut ivsornaitilauktanganut issoᴋangitomut, Nalegarlo Gudise kivgartorsiuk, ningarninga illungertortok sangulerᴋovlugo illipsingnit.

II Kronika 36:13

Nalagungnaipâlo Nebukadnezar Babelemiut attanningat, angermaringnermik Gudeme tigusilauktok tapsomangat, tappatôsilunelo, omattinelo mangaitipa, sâlerᴋonago Nalekamut Israelib Gudinganut.

Imgerut 95:8

Omattise mangaitinassigik, sorlo Meribame pijoᴋalaungmat, sorlolo Massame sunaᴋajuitome;

Salomob Okâl 21:29

Gûdeᴋangitub iktoriktailune pijomajane kissiat pinniarutigiva; idluartuble apᴋotinga soᴋosijuiniarpok.

Jesaiase 48:4

Mangaidlarnit ᴋaujimagapko ᴋollêkiglo nukkeᴋartuk kikkiangojunik, ᴋaullo kannujaujoᴋ,

Jeremia 1:7

Nâlakable oᴋautivânga: Oᴋarniarnak inôsuluadlarnernik; namullônêt tiligupkit aijuksauvotit, sumiglônêt perᴋogupkit oᴋâlajuksauvotit.

Jeremia 3:3

Tamanna pivlugo silaluk operngâme noᴋᴋarᴋojauvoᴋ, silaluglo kingorliojoᴋ tikiᴋojaungilaᴋ; igville ᴋauᴋarpotit assiniarpaktûb ᴋaungatut, kangusugungnangilatillo.

Jeremia 36:21

Ataniublo Jehuda tilivâ aiklerᴋovlugo aglangnik immûmajunik; tâpsomalo tiguvait Elîsamab aglakpaktub ininganit. Jehudiblo atuarpait ataneᴋ tusâtilugo, angajoᴋâᴋsuillo ataniub saniane nangertut tusâtilugit.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremia 6:15

Kangusulaukât piungitulisimatilugît? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremia 8:12

Kangusulauᴋât piungitulilauramîk? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Hesekiel 3:11

Aularillo, aularutijaumajunut inôᴋativit ᴋitornganginut ailutit, oᴋarvigikillo, oᴋautilugillo: Imâk Nâlegaᴋ Nâlegaujoᴋ oᴋarpoᴋ; nâlamangâtalônêt nâlangimangâtalônêt.

Hesekiel 3:27

Oᴋarvigigupkille ᴋanît angmaromavara, oᴋautijaksarivatillo: Imâk oᴋarpoᴋ Nâlegaᴋ Nâlegaujoᴋ: Nâlagomajoᴋ nâlakle, nâlagomangitorlo nâlangile: ᴋitorngarêngongmatta tapatojut.

Hesekiel 3:4

Okautivângalo: Inûb erninga, aularit, Israêlib ᴋitornganginut ailutit, oᴋâlavigikillo oᴋausimnik.

Hesekiel 3:7

Israêlible ᴋitorngangita tusarniangilâtit; tusaromangimatta uvamnik; Israêlib ᴋitorngangit ilûnatik ᴋauᴋarmatta sittijunik ômateᴋarlutiglo mangaidlartunik.

Amos 7:15

Nâlekable tiguvânga mianersinermit nergjutinik, Nâlekablo oᴋautivânga: Inuᴋotikka Israêlekut nalautaivigijartorkit.

Saggaria 7:12

Ilâ, ômatitik aligoᴋtut ilingatipait, tusarᴋonagit perᴋojanik oᴋautsiniglo Nâlekab Zebaotib tilijanginik anernermigut nalautaijutigut sivorlertutigut; tamanna pivlugo ningarnek angijok tikipok Nâlekamit Zebaotemit.

Mattêuse 10:16

Ahâk, saukatitut tilivapse amarᴋut akornganut; tamanna pivlugo silatutsiaritse ᴋuglugiangojârtutitut, nalangainaselo taubititut.

Deuteronomy 10:16

Taimaimat ômatipse uviningat kipiniarsiuk, ᴋeratajuniglo ᴋongaseᴋarniarase.

Deuteronomy 31:27

Nelunginapko tapajoksônît, ᴋongaseᴋarnîllo ᴋerratajomik; ahâk, uvlome sulle inôᴋatigigapse Nâlegak tapagiᴋattarpase; imaᴋa anginersamik tokuma kingorngane taimailârpose.