Hesekiel 19:3 - Labrador Inuttitut Heritage Bible

³ Piarᴋamelo ilangat aglisitilauᴋpâ, tâmnalo loevitsiangovoᴋ, ilisimavorlo pinasuarnermik, inuktômalunelo.

Hesekiel 19:3 Iomraidhean Croise

II Atannit 23:34

Faraublo Nechob Eliakime Josiab erninga atanningortipa atâtanga innangêrlugo, atingalo ablatsangortipa Jojakimemut. Joahasele neksarpa, âlâlo Egiptenemut, tagvane toᴋolaukpok.

Hesekiel 19:2

Oᴋarlutillo: Anânavit suna adsigivaûk? Loeve arnaᴋ; loevit akorngane aᴋopivoᴋ, piarᴋane sârliarpait loevearait akorngane.

Hesekiel 19:4

Inôᴋatigêksuillo taimailiorninga tusaumavât; pulatimingnut pulatipât, ᴋingarmiuserlugolo tikiutivât nunamut Egiptenemut.

Hesekiel 19:6

Tâmnalo loevit akorngane utertarpoᴋ, loevitsiangovorlo; ilisimavorlo aliktuinermik inuktômanermiglo.

Hesekiel 22:25

Nelautaijungit tâpsomanêtut idluitomik angiᴋatigêkput, loevetut kalingoartotut aliktuiniartotut ilingalutik: tarnenik nerrivut; tigusivut perᴋutinik ivlernartuniglo; uigarnerillo unuksitipait tagvane.

Hesekiel 32:2

Inûb erninga, Farao, Egiptenib ataninga, pivlugo ogguarit, oᴋautiuglo; Adsiutitaulauᴋpotit loevemut inôtsumut inôᴋatigêksoarne: ᴋuglugiaᴋsoangojârtotulle imarbiksoarmêtotut ilingavotit; aulajadlalauᴋpotit kôksoarne, ittigangnullo imeᴋ issortipat, kôngit salumaitidlarlugit.

Saggaria 11:3

Mianersijut erinaluaᴋijut nipingit tusaksauvok; pinnarijangat aserortaungmat. Loevearait erinaluaᴋijut nipingat tusaksauvok, Jordanib pinnarsautigijanga aserortaungmat.

Deuteronomy 33:22

Danelo pivlugo oᴋarpok: Dane loevearaupok, Bâsanemit tikisâromârpok.