Hesekiel 15:8 - Labrador Inuttitut Heritage Bible

⁸ Nunalo sunaᴋangitungortitsomârpara, idluituliningit pivlugit; oᴋarpoᴋ Nâlegaᴋ Nâlegaujoᴋ.

Hesekiel 15:8 Iomraidhean Croise

Exodus 21:8

Nâmaksititsilungipat angajoᴋâminik tigujiminik nangminerijomavlugo, tâpsoma utertitaksarivâ akimut: niorvgutiksarilugole inôᴋatigênut takorngartanut pitsartuneᴋartuksaungilak, uivêrilauramiuk.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Hesekiel 16:1

Nalekablo oᴋausingata tikipânga ama, oᴋarlune:

Hesekiel 17:20

Nuluakkalo issipteromavakka tâpsomunga, nigamnullo nigartitaujomârpoᴋ, tikiutijomavaralo Babilonemut, tagvanelo erᴋartoromavara uvamnut idluitulinerijangit pivlugit.

Hesekiel 33:29

Kaujijuksaulârpullo uvangaugama Nâlegaᴋ, nuna sunaᴋarungnaitigupko tataminiarutiksangortilugolo, maᴋojungnartuliningit piniarnerijangit tamaita pivlugit.

Hesekiel 39:26

Kangusungnermingniglo idluitulinermingniglo idluitulijutigijamingnik uvamnut nangmalârput, terliklutik nunaᴋalerpatta nunamingne kimullônêt kapiasuktitaugatik,

Hesekiel 6:14

Aggakkalo issagomârpakka tâpkonunga, nunalo sunaᴋarungnaitungortitsomârpara asserornilukungortilugolo, inuᴋajuitomit Dibla tikidlugo, inigijangine tamaine; ᴋaujijuksauvullo uvanga Nâlegaugama.

Sefania 1:18

Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.