Hesekiel 13:9 - Labrador Inuttitut Heritage Bible

⁹ Aggamnullo tiglulârpakka nelautaijut uivêrinartunik oᴋâlajut saglonerniglo nelautaijut; inuᴋotikka ᴋaggimiolerpatta najûtijuksaungilat, aglaktaujuksaungilallônêt Israêlib ᴋitorngangita aglaksimaviane, aijuksaungilallônêt Israêlib nunanganut; ᴋaujijuksauvoselo uvangaugama Nâlegaᴋ Nâlegaujoᴋ.

Hesekiel 13:9 Iomraidhean Croise

I Atannit 13:18

Tapsoma oᴋautiva: Uvanga nellautaijôgivungatauk illiktut, Engeliblo oᴋarᴋatigilaukpânga Nâlekab oᴋausingagut, oᴋautilungalo: Uttertitsuk igloᴋotingnut, niaᴋojartorᴋovlugo, immerᴋovlugolo. Sagloᴋipâle.

Esra 2:59

Tapkoalo takpaungarᴋattaugivut: Mithel, Mela, Thel, Harsa, Kerube, Addon, Immerelo; atâtagijamigle kinguvângit sivurlitiglo nallonailijungnarlungilait, Israelemit pingmangata.

Nehemia 7:62

Delajab ᴋitorngangit, Tobiab ᴋitorngangit, Nekodablo ᴋitorngangit, 642 ôlaukput.

Nehemia 7:64

Tapᴋoa sivurlimik abvakungita nippisiorutingit ᴋenerpait; nachvârlungilaillo; tamânna pivlugo ajoᴋertuijoêrotilerput.

Imgerut 101:7

Inuit nallâgôngitut iglumnêtsainarlungilet, saglojut perorsalungilat uvamne.

Imgerut 69:28

Pêjartaulit inôjut aglanginnit makpertanit, idluartullo aglaᴋassiutitauᴋoniarnagit.

Imgerut 69:5

Gûde sillainera ᴋaujimavat, akkiliksakkalo ijersimangilet sângne.

Imgerut 87:6

Nâlekab nippisiorutinne innuᴋattigêksuit taijomârpait: Tâpkoa erniangomavut tagvane, Sêla.

Imgerut 95:11

Ningarlunga oᴋamarilaurama: Merngoêrservimnut tikkituksaungilat.

Jesaiase 4:3

Ivsornaituniglo taijaujomârput amiakôjut Zioneme inôjullo sulle Jerusaleme — illũnatik aglaksimajut inôrᴋojauvlutik Jerusaleme,

Jeremia 14:15

Taimaimat Nâlakab imâk oᴋautigivait nalautaijut nalautaivaktut attimne, tililaungitakkale, oᴋartulle: Saviksoaᴋ kângnartoᴋsoarlo tikilulângilâk nunamut tamattomunga: Saviksoarmulle kângnartoᴋsoarmullo nalautaijut tâpkoa nungutaujomârput.

Jeremia 17:13

Nâlagaᴋ, Israêlib nerriugijangat, ᴋemaijut ilingnik kangusudlaromârput; aviktut uvamnit aglaktaujomârput nuname, Nâlagaᴋ imiub ômanartub puailavinga ᴋemangmatsuk.

Jeremia 23:20

Nâlakab ningaumajârninga uterniatsangilaᴋ piniarsimaᴋârtinago nâmaksititsisimaᴋârtinagolo ômatime kajusimanerijanginik; uvluksane kingorliojune tamanna tukisilârpase nâmaktomik.

Jeremia 4:9

Pijoᴋalârporlo naliutome tâpsomane, Nâlagaᴋ oᴋarpoᴋ, ataniub ômatinga, aulatsijullo ômatingit mungolârmatta; ajoᴋertuijullo kakkilâdlaromârput, nalautaijullo ᴋoaᴋsâromârput.

Hesekiel 11:10

Saviksoarmut oggotiluselo erᴋartoromârpapse Israêlib kiglingane: ᴋaujijuksauvoselo uvanga Nâlegaugama.

Hesekiel 12:20

Iglugasaksuillo inulit asserortaujomârput, nunalo ᴋemaktaujomârpoᴋ; ᴋaujijuksauvoselo uvanga Nâlegaugama.

Hesekiel 13:14

Taimaglo ᴋarmaᴋ nippijuserlauᴋtase maggamut ᴋoajuitoᴋangitomut serᴋomitsomârpara, oggotilugo nunamut, tungavinga takuksauᴋovlugo: oggolârpoᴋ, ilipselo tagvane nungutaulârpose; tukkisijuksauvoselo uvanga Nâlegaugama.

Hesekiel 13:23

Taimaimat mattoma kingorngane takotitjutinik uivêrinartunik takojungnailârpose saglonerniglo nelautaijungnailuse: inuᴋotikkalo piulijomavakka aggapsingnit; ᴋaujijuksaulârposelo uvanga Nâlegaugama.

Hesekiel 20:38

Akunapsingnillo pêjaromavakka nâlegungnaitut tapatojullo uvamnik; anititsomavakka nunamit tujormivigijanginit, itertuksaungilalle Israêlib nunanganut; ᴋaujijuksauvoselo uvangaugama Nâlegaᴋ.

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Hosea 4:5

Oggoinalârpotit uvlôtilugo, nelautaijorlo ilagilutit oggoinalârpoᴋ unnuarme; anânaillo asseroromavara.

Hosea 9:3

Nâlekablo nunangane ineᴋartuksaungilat; Efraimele utertuksauvoᴋ Egiptenemut, nerᴋemiglo ivsornartomik nerrijuksauvut Assiriame.

Migga 3:5

Imâᴋ oᴋarpoᴋ Nâlegaᴋ nalautaijut inuᴋotimnik tamartitsijut pivlugit; kigutimingnut kêsijut, ᴋaigarsuklutiglo: Ulapirᴋsaumik; oᴋomeraksamigle ilijijoᴋangipat ᴋaninginut, tagva unatariartoromavât:

Migga 3:6

Tamanna pivlugo unnuangolârpoᴋ ilipsingnut, takotitjuteᴋarungnaiᴋovluse; tâᴋtoᴋsôlârpoᴋ ilipsingnut, nalautaijungnarᴋonase; seᴋinerlo nipilârpoᴋ nalautaijunut, uvlorlo ᴋernersilârpoᴋ tâpkonunga.

Lukase 10:20

Anernerille (idluiluktut) nâlengmase, ᴋuviasûtiginasiuk; ᴋuviasugitsele, atise aglaksimangmatta ᴋilangme.

Filippimiunut 4:3

Igvittauᴋ nertornartoᴋ ikajoᴋatiga, ᴋenuvigivagit, (arnâk) tâpkoa ikajorniakik, sorsugiaᴋatigilauᴋtâkka oᴋautsit tussarnertut pivlugit, Klemense assingillo piniaᴋatikka illagilugit, atteᴋartut aglaksimajunik aglangne ômanartune.

Ebrêerinut 12:23

Erniangoᴋârtullo illagêngninginut, ᴋilangme aglaksimajunut, Gûdemullo tamainik erᴋartuijomut, idluartullo pijarêrsimajut anerninginut,

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 19:20

Nergjut tagva tigujauvok, tâmnalo illagilugo nelautaijok nelangaitok, tâpsoma takoane tatamnartulidlalauktok, tamakkonunga tamartilaungmagit nergjutsûb nelunaikutanganik tigusimajut, adsingoanganiglo tuksiarveᴋalauktut; tâpkoa magguk ômavlutik egitauvuk ᴋôrᴋumut orᴋsorutelingmik ikomaᴋsoalingmut.

Takotitaunermik 20:12

Toᴋungajullo takogivakka, mikijullo angijullo, Gûdib sângane nangertut. Aglaillo makpertaulerput; aglaillo assingit makpertaulerivut, tagva ômanartut. Toᴋungajullo erᴋartortauvut, piniarningit aglangne aglaksimajut maliklugit.

Takotitaunermik 20:15

Neliat aglaksimanane aglangne ômanartune nagvârtaukpat, tâmna egitauvok ᴋôrᴋumut ikomaksoalingmut.