Hesekiel 10:4 - Labrador Inuttitut Heritage Bible

⁴ Nâlekablo ânanauninga ᴋangatarpoᴋ kerubimit, iglub sânganut nûlune; iglolo tatatauvoᴋ nuvujamut, avaluliorsimajorlo tatatauvoᴋ Nâlekab ânanauningata ᴋaumajoᴋsôninganut.

Hesekiel 10:4 Iomraidhean Croise

Exodus 40:34

Tagva nuvujab ilagêktut tupingat ulikpâ, Nâlekablo ânanauningata tupek ilumavâ.

Exodus 40:35

Moseselo iterungnangilak ilagêktut tupinganut, nuvujab ᴋânganêngmat, Nâlekablo ânanauningata tupek ilumangmago.

Jesaiase 6:1

Jareme taipsomane, attaneᴋ Usia toᴋongmat, Nâlegaᴋ takkovara iksivajoᴋ iksivautaᴋsoarme ᴋotsiktome poᴋtojomelo, annorângatalo siningata igloᴋsoaᴋ ullikpâ.

Hesekiel 1:28

Ajagutab nuvujanêtub silalungnerub uvlungane tautuatut, taimak ᴋaumajoᴋsoaᴋ avatâne tautuᴋarpoᴋ. Tamanna tagva Nâlekab ânanauningata adsingata tautua. Takogapkolo pâmangalerpunga, tusarpungalo oᴋartub nippinganik.

Hesekiel 10:18

Nâlekablo ânanauninga anivoᴋ iglub sânganit, noᴋarlunelo kerubit ᴋolâne.

Hesekiel 43:2

Ahâglo, Israêlib Gudingata ânanauninga tikilerpoᴋ unangat: iktulijângalo ingiulît nunamut ᴋarrâjut iktulijârningititut ipoᴋ, nunalo ᴋeblerpoᴋ tâpsoma ânanauninganut.

Hesekiel 43:5

Anernerublo ᴋangatarpânga pitilungalo avaluliorsimajomut ilullermut, ahâglo, iglub Nâlekab ânanauninga ilumigivâ.

Hesekiel 44:4

Tikiutilerivânga ama iglub sânganut itertarviub avunga sângajub apᴋutâgut; takosarpungalo, ahâglo, iglub Nâlekab ânanauninga ilumigivâ; pâmangalerpungalo.

Hesekiel 9:3

Israêliblo Gudingata ânanauninga ᴋangatarpoᴋ kerubib ᴋânganêvigijangata ᴋânganit, iglub sânganut nûlune; inuglo imna ᴋaᴋortamik annorâlik, aglaktublo pôᴋtanganik ᴋeterumiutalik, ᴋaiᴋovâ.

Haggai 2:9

Iglûb tamattoma ânanaunitsoanga kingorliᴋ anginitsaujuksauvoᴋ sivullimit, oᴋarpoᴋ Nâlegaᴋ Zebaot: inimelo tamattomani ulapitsaumik tunitjijomârpunga.

Numbers 16:19

Korablo ilagêktut ilagijane katimatipait ilagêktut tupingata upkoangane; Nâlekablo ânanauninga saᴋᴋerpoᴋ ilagêktoᴋsoarnut ilûnainut.

Takotitaunermik 15:8

Tempelelo iserlungmik tattalerpok Gûdib ânanauninganut pitsartuninganullo. Tempelemullo itertokarungnangilak, kappianarnerit 7 it Engelit 7 it najortangit nâmaksititauᴋârtinagit.