Hesekiel 1:1 - Labrador Inuttitut Heritage Bible

¹ Jarit 30ingita taᴋᴋingita sittamangita uvlungita tellimangane, aularutijaujut akornganêtilunga kôngme Kêbareme, ᴋilaᴋ angmarpoᴋ, takovungalo takotitjunik Gudemit pijunik.

Hesekiel 1:1 Iomraidhean Croise

Genesis 15:1

Pijoᴋartut tamakkoa kingorngatigut Nâlekab oᴋausinga Abramut pivoᴋ takotitjutikut, oᴋarlune: Sivôraniarnak, Abra, uvanga tagva sapputjauvît, amigangitomiglo akkilertauvît.

Genesis 46:2

Gûdiblo Israêle oᴋarvigivâ takotitjutikut unnuarme, oᴋarlune: Jako, Jako! Kiovorlo: Tamânêpunga.

Imgerut 137:1

Babelib kôngine iksivalaukpogut, ᴋêalutalo Zione erᴋaumalaurangaptigo.

Exodus 24:10

Israêliblo Gûdinga takovât: itigangitalo atâne pitaᴋarpok sorlo ujarᴋanik ᴋeblâlâjunik, sorlolo ᴋilaktut allaᴋidlartilugo.

Jesaiase 1:1

Tamadja Jesaiasib, Amosib erningata takkotitaunerilauᴋtangit Jûda Jerusalemelo pivlugik, Usia Jôtamelo Ahaselo Hiskialo attaniotillugit Judame.

Jesaiase 6:1

Jareme taipsomane, attaneᴋ Usia toᴋongmat, Nâlegaᴋ takkovara iksivajoᴋ iksivautaᴋsoarme ᴋotsiktome poᴋtojomelo, annorângatalo siningata igloᴋsoaᴋ ullikpâ.

Jeremia 29:15

Oᴋarsimagapse: Nâlakab Babiloneme nalautaijut uvaptingnut makitipait.

Hesekiel 1:3

Nâlekab oᴋausinga tikipoᴋ Hesekielemut Busib erninganut ajoᴋertuijomut Kaldêamiut nunangane kôngme Kêbareme; tagvanelo Nâlekab aggangita ᴋolangiarpât.

Hesekiel 10:1

Takosarpungalo, ahâglo, aulangitome kerubit niaᴋungita ᴋolânêtome takuksaujoᴋarpoᴋ sorlo ujaraᴋ pivianartoᴋ ᴋeblâlâjoᴋ, ilutseᴋartoᴋ iksivautaᴋsoangojârtotut.

Hesekiel 10:10

Takonârlugillo tâpkoa sittamat ilutseᴋarput adsigêktomik, sorlo aksaloaᴋ aksaloab tâpsoma assiata iluane.

Hesekiel 10:15

Kerubillo ᴋangatarput: tamannauvoᴋ ômajoᴋ takolauᴋtara kôngme Kêbareme.

Hesekiel 10:20

Tamannauvoᴋ ômajoᴋ takolauᴋtara kôngme Kêbareme; ᴋaujivungalo kerubiongmatta.

Hesekiel 10:22

Kênangitalo tautungit tâpkoangovut kênat takolauᴋtakka kôngme Kêbareme, tautungillo ilutsingillo; ilûnatiglo sivumut ingerarput.

Hesekiel 11:24

Anernerublo ᴋangatartipânga, tikiutilungalo takotitjutikut Gudib Anerninganit pijokut Kaldêamut, aularutijaulauᴋtunut.

Hesekiel 3:15

Tikipungalo tâpkonunga aularutijaujunut Tel-Abibemêtunut, nunaᴋartunut kôngme Kêbareme, ingipungalo tâpkoa ingivigijangine; iksivavungalo tagvane tâpkoa akorngane uvlut 7 nâvlugit, issumakut ilaᴋemavlunga.

Hesekiel 3:23

Makipungalo ailungalo naᴋsarmut: ahâglo, Nâlekab ânanauninga tagvanêpoᴋ, sorlo kôngme Kêbareme takolaurapko: pâmakpungalo kênara pulugo.

Hesekiel 40:2

Takotitjutikut Gudemit pijokut tikiutivânga Israêlib nunanganut, ilivlungalo ᴋaᴋᴋamut poᴋtojomaringmut, tâpsomalo ᴋaᴋᴋaub seᴋerngane iglugasaksoangojârtut senajaulertut takovakka.

Hesekiel 43:3

Ilingavoᴋ takotitjutib takolauᴋtama tautungatut, ilâ, takotitjutitut takojaptut tikinama iglugasaksuit asseroromavlugit; takotitjutillo ipoᴋ takotitjutitut takojaptut kôngme Kêbareme: pâmangalerpungalo.

Hesekiel 8:3

Issakpaillo aggaujârtut, tiguvângalo niaᴋuma nujangitigut; anernerublo ᴋangatartipânga nunab ᴋilaublo akorngangnut, takotitjutikullo Gudemit pijokut âpânga Jerusalemut, avaluliorsimajub iluliub itertarvingata upkoanganut avunga sangmijomut; idluigosungnerub adsingoangata inigijanganut, tâmna idluigosuktitsivoᴋ.

Hosea 12:10

Nelautaijut oᴋarvigilauᴋpakka, takotitjutillo unuksitilauᴋpakka; adsiujuniglo atorpunga nelautaijut kivgartorningitigut.

Joel 2:28

Pijomarporlo tamattoma kingorngane, anernera kovijomârapko uvinilingnut tamainut; erniselo paniselo nelautaijomârput, ituselo sinnartomajomârput, inôsuktoselo takotitjutinik takojomârput;

Numbers 12:6

Tâmnalo oᴋarpoᴋ: Oᴋausikka tusarsigik; nelautaijoᴋarpat akunapsingne, uvanga Nâlegaujunga nelonaijaromavunga uvamnik tâpsomunga takotitjutikut, oᴋarvigijomavara sinnartomanekut.

Numbers 4:3

Jâreᴋartunit 30nik ununersaniglo jâreᴋartut 50nik tikidlugit, ilûnatik kivgartorᴋataujungnartut, piniarᴋovlugit pijarialingnik ilagêktut tupingane.

Mattêuse 17:9

ᴋakᴋamillo atersâramik, Jêsusib inerterpait oᴋarlunalo: Takojase taimna oᴋautiginiarasiuk inungnut, Inûb Erninga toᴋungajunit makerᴋârtinago.

Mattêuse 3:16

Jêsuse baptitaugame, tuavidlune kôngmit ᴋakᴋivok; ahâglo, ᴋilak ᴋolâne angmalerpok. Johannesiblo Gûdib Anerninga takovâ, tingmiatut taubetut akᴋartok, Jêsusemullo pijok.

Markuse 1:10

Tuavidlunelo ᴋaᴋᴋingmat, ᴋilak angmartoᴋ takovâ, anernerlo ajungineᴋ tingmiatut taubetut aᴋᴋartoᴋ, Jêsusemullo pijoᴋ.

Lukase 3:21

Taipsomane inuit ilûnatik baptitaungmatta, Jêsusetauk baptitaungmat tuksiarlarmelo, ᴋilak angmalerpok;

Lukase 3:23

Jêsuselo jârime 30 inganêlerpok, ernionasugijauvlunelo Jôsefemut; tâmna Elib ernerilauktanga (ningaugilauktanga);

Johannese 1:51

Oᴋautivlugolo: Âhamarik, âhamarik oᴋautivapse: Mattoma kingorngagut ᴋilak angmajoᴋ takoniarpase, Gûdiblo Engelingit ᴋangatartut akᴋartullo Inûb Erninganut.

Apostelit Piniarningit 10:11

Kilaglo angmajok takovâ, ilitjiviglo akᴋarvigijine, sorlo tingegautaksoatut, terreᴋongitigut ᴋelaksorsimajok, nunamullo ningititaujok;

Apostelit Piniarningit 10:3

Tâmna takotineᴋarpok uvlub stundingita 9 ingane; tagva Gûdib Engelinga itertok ômunga takovâ, tâpsoma oᴋautivâ: Kornêliuse!

Apostelit Piniarningit 7:56

Oᴋarporlo: Ahâk, ᴋilak angmajok takovara, Inûblo Erninga nangertok Gûdib talerpiane.

II Korintemiunut 12:1

Nertôtinek atornangigalloarpoᴋ uvamnut, takotitjutille nelonarungnaititaunerillo Nâlekamit pijut oᴋautigijomavakka.

Takotitaunermik 19:11

Kilaglo angmartok takovara, ahâglo horse ᴋaᴋortak, tâpsomalo ᴋângane iksivajok nertornarnermik mikseᴋârnermiglo ateᴋartok, idluartomik erᴋartuivlunelo sorsuklunelo.

Takotitaunermik 4:1

Tamattoma kingorngagut takovunga, ahâk, upkuamik upkuêrtaujomik ᴋilangme; nippelo sivorlek tussalauktara uvamnut sorlo tiptulaut oᴋartok, tâmna oᴋarivok: tamaunga majorarit takotitsomagapkit mattoma kingorngane pijomârtuksanik.