Haggai 2:7 - Labrador Inuttitut Heritage Bible

⁷ Inôᴋatigêksuillo ilûnnaita sajukpilâtitsomârpakka, inôᴋatigêksuillo ilûnatik ᴋilanârijangat tikitsomârpoᴋ, iglolo tamanna ilumilârpara ânanaunersoarmik, oᴋarpoᴋ Nâlegaᴋ Zebaot.

Haggai 2:7 Iomraidhean Croise

Genesis 22:18

Kinguvâksakkullo inôᴋatigêksuit ilûnamatsiatik nuname saimausertaujomârput, nippiga nâlagangne.

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Genesis 49:10

Attaniub ajaupianga Judamit pêraksaungilaᴋ, opigijautiksarlônêt ittigangita akornganit, Silo (ullapirᴋsaijoᴋ) tikkilerᴋârtinago; tâmnalo inôᴋatigêksuit nâlegaksarivât.

I Atannit 8:10

Ajuᴋertuijulle annilertillugit ivsornaitovingmit nuvujab Nâlekab iglunga nâmalerpa;

I Atannit 8:11

Ajuᴋertuijullo nangerungnarlaungilet tagvane pinniaraksatik pinniarlugit, nuvujak pivlugo. Nâlekab ânanauningata Nâlekab iglunga nâmangmago.

II Kronika 5:14

Ajochertuijut nangerungnarlaungimatta kivgartorlutik nuvujak pivlugo; Nalekab ânanauningata Gudib iglunga illunât nâmangmago.

Imgerut 80:1

Igvit Israelib mianerijinga tussalaurit Josefekunik pairᴋsijotit saukatitut; sakᴋijâlaurit iksivajotit Kêrubit ᴋângine.

Imgerut 85:9

Ila ikajorninga ᴋannipok sivôrajunnut tâpsominga; nunaptingne opinarneᴋarᴋovlugo;

Jesaiase 2:19

Kairtut ᴋairosunginut nunablo ittersanginut aijomârput, Nâlekab sivoranarninganit pitsartujoᴋsôninganillo opinadlartomit (ᴋemâvlutik), nikkovilerpat, nunaᴋsoaᴋ sajukpiluktitsomavlugo.

Jesaiase 60:4

Ijîkik uitarlugik avatingnẽtunik takonârit; tâpkoa illũnatik kattimgavlutik tikkipâtit, ernitit ungasiktomit aggerput, panitillo erᴋsuktauvut.

Jesaiase 60:7

Kêdarib saugaᴋotingit illũnatik kattersortaujomârput illingnut, Nebâjublo angusalluᴋotingit attoraksaujomârput illingnut. Tunergutiksaujomârput ᴋuviagijaujut tunerguserviᴋotimnut, iglugalo takorannertoᴋ ânanausititsomârpara.

Hesekiel 21:27

Mumiklugo, mumiklugo, mumidlaromavara: tamanna taimailingajungnailârivoᴋ, tâpsominga peᴋartuksaᴋ tikerᴋârtinago, tâpsomungalo tunijomârpara.

Hesekiel 31:16

Oggoningata pervalungninganut inôᴋatigêksuit sajuktilauᴋpakka, egigapko kapianartovingmut tâpkoa ilagivlugit itersamut atersârtut; Edeniblo napârtungit ilûnatik, Libanonib pioluarningit ânanauningillo, ilûnatik imermik miluartut, manigortauvut nunane allerpâne.

Hesekiel 38:19

Ilungertornimne ningaumajârnimalo neliuningane oᴋarsimagama, ahamarik, uvlorme tâpsomane sajukpiludlartoᴋaromârmat Israêlib nunangane;

Hesekiel 44:4

Tikiutilerivânga ama iglub sânganut itertarviub avunga sângajub apᴋutâgut; takosarpungalo, ahâglo, iglub Nâlekab ânanauninga ilumigivâ; pâmangalerpungalo.

Haggai 1:8

Kakᴋalialusi, ᴋijungnik aikleritsi, iglomiglo iglolioritse; ᴋuviagilârpara tagva opinatsijomârpungalo, oᴋarpoᴋ Nâlegaᴋ.

Mâlaki 3:1

Ahâk, sivorlerijara tilivara, tâpsomalo apᴋutiksaᴋ âᴋiksolârpâ sivunamne: Nâlegarlo, ᴋenertase, tikiaᴋilârpoᴋ katimaviksoaᴋôtiminut: angiᴋatigêngnerub sivorlerijanga, ᴋuviagidlartase, ahâk, tâmna ᴋaivoᴋ, oᴋarpoᴋ Nâlegaᴋ Zebaot.

Lukase 19:47

Uvlullo tamaita katimaviksoarme ajoᴋertuivok. Ajoᴋertuijoksuille, aglangniglo ilisimajut, inuillo angajoᴋângit pinasuarput toᴋotsomavlugo.

Lukase 2:27

Tâmna Anernerub ajunginerub kajungersaininganut katimaviksoarmut pivok. Jêsusiblo angajoᴋâᴋita nutarârsuk âmakko, piniarutigilugo, sorlo pivangmatta perᴋojat maliklugit,

Lukase 2:46

Uvlullo pingasôlermatta, naipipâk katimavingme iksivajok ajoᴋertuijut akorngane, tâpkoalo nâleklugit apersorpait.

Lukase 20:1

Uvlullo taipkoa ilangane, inuit katimaviksoarme ajoᴋertormagit, oᴋautsit tussarnertut oᴋâlatigivlugit, ajoᴋertuijoksuit aglangniglo illisimajut tikipât inuit angajoᴋângit ilagilugit.

Lukase 21:38

Uvlâkullo inuit illûnatik tikipât, katimavingme nâlegiarlugo.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Galâtsiamiunut 3:8

Aglaille sivorngagut nelonaititsilauramik, Gûdib nelojut okpernermut idluarsitingmagit, Abrahâ ᴋaujitipât, ilikut kinguvârêt ilûnamatsiatik saimausertaujomârput.

Kolossamiunut 2:9

Gûdionek ilûnane tâpsomanêmaringmat timeᴋardlune.