Haggai 2:16 - Labrador Inuttitut Heritage Bible

¹⁶ Naliutomi tâpsomani tikitoᴋarpat katitsortaumajunut 20nik oktutetalingmut, nutti, 10tuinauvut; vainiliksat iptijattauvinganut pijoᴋarpat ᴋalusijomavluni ôktûtinik 50nik, nutti, 20tuinnanik tagvanittoᴋappoᴋ.

Haggai 2:16 Iomraidhean Croise

Jesaiase 5:10

Perorsêvik vaineliksatalik, tuktuvâk makpiterarpaktangaktut angitigijoᴋ uvlune tallimaujortune, vaineᴋaromârmat ᴋattamik attautsemik, karngasûtiksallo ᴋattaujaᴋsoatut tallimaujortut unuktigijut paungaᴋaromârmatta ᴋattamik attautsemik.

Jeremia 48:33

Serrinerlo ᴋuviasungnerlo aularutijauvuk perorsêvingmit paungaᴋtalingmit Moabiblo nunanganit; vainalo sorairtipara iptêjaivingne; nipliatsiartuniglo tukkarniktoᴋarniangilaᴋ; niplianeᴋ nipliatsiarnioniangilaᴋ.

Haggai 1:6

Unuktunik karngasoivosi, ikittunigli itârᴋaivosi; nerrivose, nâmaksilungilasili; imerposi, imerugungnailungilasele; annorârposi, ᴋiujajungnailungilasili; akkiliutiksarsijûblo akkiliutiksane pôᴋpait pôrmut killalingmut.

Haggai 2:15

Mânnalo omamiutariniarsigiktôᴋ uvlub tamattoma sivornganinit pijut, ujagaᴋ ᴋaligêktitaukᴋârtinnago ujaᴋamut Nâlekab katimaviksoangani;

Haggai 2:17

Annaulauᴋpapsi paniliᴋovlusi, sapᴋamullo nataᴋonanullo aggapsi suliangini tamaini; sullili utilungilasi uvamnut, oᴋarpoᴋ Nâlegaᴋ.

Mâlaki 2:2

Tusâjomangikupse, ômamiutarijomangikupsiuglo attera opigijaksarigapsiuk, oᴋarpoᴋ Nâlegaᴋ Zebaot, tagva ôminarsijautiksaᴋ tililârpara akunapsingnut, saimanartoᴋotigijaselo ôminarsititsomavakka; ilâ, ôminarsititsarêrpakka, ômamiutarilaunginapsiuk.