Haggai 1:6 - Labrador Inuttitut Heritage Bible

⁶ Unuktunik karngasoivosi, ikittunigli itârᴋaivosi; nerrivose, nâmaksilungilasili; imerposi, imerugungnailungilasele; annorârposi, ᴋiujajungnailungilasili; akkiliutiksarsijûblo akkiliutiksane pôᴋpait pôrmut killalingmut.

Haggai 1:6 Iomraidhean Croise

II Samuel 21:1

Davidib nalliuningane kângnartoᴋalaurivoktauk Jarine tuglerêne pingasune. Davidiblo Nalekab kênanga ᴋennerpa. Nalegarlo oᴋarpok: Saule pivlugo, iglolo aulik pivlugo Gibeonemiut toᴋᴋolaungmagit.

I Atannit 17:12

Arnak oᴋarpok: Sorlo mikseᴋârtomik Nâlegak inôngmat, igamajoᴋalungilanga sumiglonêt, tigumiakamik sanaugamik kisiane ᴋatangme, orksuârsungmiglo publaujarme. Ahâglo ᴋejuit illanginik katersimavunga, itterlungalo, âkᴋiksoromavlugo pivlunga, erneralo pivlugo, nerriᴋovlunuk, toᴋolunuglo.

Nehemia 5:2

Ilangillo tagvanêtut oᴋarput: Ernivut panivullo unuktôvut, tamânna pivlugo ᴋakᴋojaksanik pinasuarta, nerrijungnarᴋovluta inôlutalo.

Hiobe 20:22

Pittaᴋalorigalloarune aksigalloarunelo, sulle kappiasulerniarpok; siorniornartut sunatuinait tikkiniarpât.

Hiobe 20:28

Iglungata ᴋematulliosimajungit ingerarniarput, siamartitauvlutik Gudib ningarningata uvlungane.

Imgerut 107:34

Nunalo perutsianartok naksangortipâ sioraujalingmut, tâpkoa nunaᴋartut tagvane kassêningit pivlugit.

Salomob Okâl 11:24

Ilangat aitortuijongovok, peᴋarpalliatsainarlunelo, assia kippilukpok pijuksaungigalloarnermine, aklupallialunelo.

Jesaiase 5:10

Perorsêvik vaineliksatalik, tuktuvâk makpiterarpaktangaktut angitigijoᴋ uvlune tallimaujortune, vaineᴋaromârmat ᴋattamik attautsemik, karngasûtiksallo ᴋattaujaᴋsoatut tallimaujortut unuktigijut paungaᴋaromârmatta ᴋattamik attautsemik.

Jeremia 12:13

Sanaugaksanik karngasoilauᴋput, kakkilautelingnigle katersoisimavut; ilungertorasualauᴋput, sulisimatsangilalle; katersortaselo kangusûtigijomârpase, Nâlakab ningaumajârninga ilungertudlartoᴋ pivlugo.

Jeremia 14:4

Ibjo panertoᴋ silalugviolaungitoᴋ pivlugo, perorsêvilerijut kangusukput, niaᴋôtiglo ulikpait.

Jeremia 44:18

Taimangalle isserluanititsijungnairaptanit arnamut ᴋilaub ataninganut, kovisijungnairlutalo tunergutinik imiksanik tâpsomunga, ajoᴋsarpogut tamainik, nungutaulerlutalo saviksoarmut kângnartoᴋsoarmullo.

Hosea 4:10

Nerrilârpullo, aᴋeartoratigle; assinialârpullo, unuksivalialugatigle; Nâlegaᴋ kamagijungnairamitsuk.

Hosea 8:7

Anoremik karngasoivut, katersilârpulle ulajujaᴋsoarmik; iviksukaᴋangilaᴋ senaugaksanik; sulugainingit senaugaksatârnialungilat; pitârajaraloaruniglo, takorngartat ênajarpait.

Leviticus 26:20

Nukkiselo sulinatik nungujomârput, nunase sakᴋêlulângimat perorsiaminik, nunablo napârtungit sakᴋêlulângimatta paungamingnik.

Leviticus 26:26

Niaᴋôjaksase amigartikupko, arnat tenit niaᴋôjioromârput niaᴋôjiorvingme atautseme, ᴋaitsivigilârpâselo niaᴋôjapsingnik ôktortautilugo kiktitautingnut; nerrijomârposelo akᴋeartorasele.

Haggai 1:10

Tamanna pivlugo ᴋilak mitsuksoaᴋartailititauvoᴋ, nunalo saᴋᴋêtailivoᴋ paungaminik.

Haggai 1:5

Taimaimmat imâk oᴋarpoᴋ Nâlegaᴋ Zebaot: Apᴋutisi issumagiummijâsigik.

Haggai 1:7

Imâᴋ oᴋarpoᴋ Nâlegaᴋ Zebaot: Apᴋutisi issumagiumijârsigik.

Haggai 1:9

Angijunik ᴋinilauᴋposi, sunaubvalo ikitlivut; angirautigapsigiglo supôrpakka. Sôᴋ? oᴋarpoᴋ Nâlegaᴋ Zebaot. Igluga asirorsimaningortoᴋ pivlugo, ilipsilo ilûnnasi igloᴋotipsingnut aᴋpangittilusi.

Haggai 2:16

Naliutomi tâpsomani tikitoᴋarpat katitsortaumajunut 20nik oktutetalingmut, nutti, 10tuinauvut; vainiliksat iptijattauvinganut pijoᴋarpat ᴋalusijomavluni ôktûtinik 50nik, nutti, 20tuinnanik tagvanittoᴋappoᴋ.

Haggai 2:17

Annaulauᴋpapsi paniliᴋovlusi, sapᴋamullo nataᴋonanullo aggapsi suliangini tamaini; sullili utilungilasi uvamnut, oᴋarpoᴋ Nâlegaᴋ.

Saggaria 5:4

Aulartitsomârpara, oᴋarpok Nâlegak Zebaot, iteromârporlo tigliktûb iglunganut, angiluktûblo atera taivlugo iglunganut: iglungatalo iluanêtuartuksauvok, nungulârpâlo ᴋejuktangit ujaraktangillo ilaliullugit.

Saggaria 8:10

Uvlut tâpkoa sivorngane inuit ikajûseᴋalaungilat, nergjutillônêt ikajûseᴋalaungilat; anijullo itertullônêt ulapirksauteᴋalaungilat, ômisukte pivlugo; inuit ilûnaita ômigijigêktilaurapkit.

Mâlaki 2:2

Tusâjomangikupse, ômamiutarijomangikupsiuglo attera opigijaksarigapsiuk, oᴋarpoᴋ Nâlegaᴋ Zebaot, tagva ôminarsijautiksaᴋ tililârpara akunapsingnut, saimanartoᴋotigijaselo ôminarsititsomavakka; ilâ, ôminarsititsarêrpakka, ômamiutarilaunginapsiuk.

Deuteronomy 28:17

Ominarsijaulârpuk amârgaujat akutsivîllo senaugarmik.