Haggai 1:11 - Labrador Inuttitut Heritage Bible

¹¹ Ipterilingnerlo ᴋaikᴋolauᴋpara nunamut ᴋakᴋanullo, senaugaksanullo, vainiksanullo, orᴋsuksanullo, nunablo saᴋᴋititanginut, inungnullo, nergjutinullo, aggaillo suliarijanginut tamainut.

Haggai 1:11 Iomraidhean Croise

I Atannit 17:1

Elialo Tisbitemiok Gileademiut illangat oᴋarpok Ahabemut: Sorlo mikseᴋârtomik Nâlegak Israelitit Gûdingat, sângiartara inôngmat, jârine tamakkonane mitsungniangilarlonêt, sillalungniangilarlonêt, kisiane uvanga oᴋaruma.

II Atannit 8:1

Elisablo arnak tamna oᴋarvigiva, omartilauktame ernerub anânanga, oᴋarlunelo: Parngnailerit iglomioᴋattitillo ilagilugit aularit, tujormijangolutillo sappingitarne; Nâlegak kâvingmik ᴋaiᴋojiniarmat, tamanna nunamut tikkiniarpok Jârit 7 it nâlugit.

Hiobe 34:29

Tâmna ullapirsauteᴋartitsileraikpat, kina tagva Passiklerungnarᴋa? Tâpsomalo kênane ijerangago, kia Takkojûngnarᴋaûk? Inûᴋattigêksuit illuitut pivlugit pikpallônêt, inuglonêt atausek pivlugo.

Jeremia 14:2

Juda kiksadlarpoᴋ, upkoaᴋsoangit ᴋaggimioviojungnaiput, nunamêtut ogguadlarput, ᴋuggudlarnerillo ᴋongmuarput Jerusalemit.

Jeremiab Ogguarutigijangit 1:21

Anersauminera tusartaugaloarpok; manigoijomajoᴋangilarle uvamnik; ômigijima ilûnatik kiksauteᴋarnera tusaumavât, ᴋuviasutuinarpulle taimailaurama. Uvlok oᴋautigilauktat neliutititsomârpat, tâpkoalo uvaptut-ilârput.

Amos 5:8

ᴋenersiuk uvloritjanik killulerektunik siaktuniglo sanajok, toᴋub tagganganik ablatsangortitsijok uvlângordlugo, uvlorlo unnuaᴋtut tâᴋtungordlugo; ᴋaiᴋojijok imarbiub imanginik nunablo ᴋânganut kovilugit; Nâlekamik ateᴋartok;

Amos 7:4

Imaitomik Nâlekab Nâlegaujub takotilaukpânga: ahâglo, Nâlekab Nâlegaujub ikoma ᴋaiᴋovâ pidlautigijomavlugo; tâpsomalo itinersoak angijok nungupâ, nunalo nungunajalaukpâ.

Amos 9:6

Tâmnauvok ingminut iniksarsoaliortok ᴋilangme, katigoliunganinelo tungatipâ nunamut; imarbiub imangit ᴋaiᴋovait kovilugillo nunab ᴋânganut; Nâlekamik ateᴋarpok.

Haggai 2:17

Annaulauᴋpapsi paniliᴋovlusi, sapᴋamullo nataᴋonanullo aggapsi suliangini tamaini; sullili utilungilasi uvamnut, oᴋarpoᴋ Nâlegaᴋ.

Haggai 2:19

Kimatulivingmi sulli kangasûtiksaᴋakᴋâ? Ilâ, vainiliksalit, paungatannalillo, kimminaujatsoalillo, orᴋsuksalillo paungaᴋalauᴋsimalungilat; uvlorli manna kigligilugo saimarsaromavapsi.

Mâlaki 3:11

Pivluselo nerrijiniktoᴋ inerteromârpara, asseroiᴋonago nunapse perortunginik; vaineliksataliselo kataiᴋonagit paungamingnik perorsêvingme neliutiᴋârtinago, oᴋarpoᴋ Nâlegaᴋ Zebaot.

Mâlaki 3:9

Ôminarsijauvose ôminarsiᴋojinermut; arᴋtarapsinga, ilâ, inôᴋatigêksuit tamakkoa iluengartut.

Deuteronomy 28:22

Nâlekab annaulârpâtit uvinêrutinermut, olingnartoksoarmullo, kiaksoarmullo ikomaujârtotut, imairutinermullo, anoremullo toᴋonartomut, sapᴋarmullo; tâpkoalo unangmilârpâtit nungutauᴋârtinak.