Habakûb 3:4 - Labrador Inuttitut Heritage Bible

⁴ Âkᴋisungningalo ᴋaumanertun-ipoᴋ; issagutâᴋarpoᴋ agganginit anijunik; tâpkonanelo pitsartuninga ijersimavoᴋ.

Habakûb 3:4 Iomraidhean Croise

Nehemia 9:12

Uvloᴋarningane tessiorlaukpattit nappajome nuvujaujome, unnuaᴋarninganelo nappajome ikᴋomaujome, ᴋaumarlugit apᴋome ingerarvigijangane.

Hiobe 26:14

Ahâk, tamadsa apᴋosiningita illangit; oᴋautsemiglo mikkijoârsutuinarmik tussalaukpogut tamattomangat ila! Kiale pitsartuningata kallungninga tukkisijungnarᴋaûk?

Imgerut 104:2

Annorâᴋotit attortat ᴋaumaniôvok; ᴋillak issivipet tulleraraktut.

Imgerut 18:12

Keblidlarnermut sânganêtomut nuvujangit alliktorput nattarᴋonâlungnut ᴋaumalangnullo.

Exodus 13:21

Nâlekablo sivorlerpait uvlôtilugo nuvujak nappajok innigivlugo, unertûtijomavlugit apᴋomik, unnuakullo ikoma nappajok innigivlugo, ᴋaumarsaromavlugit, ingergajungnarᴋovlugit uvlokullo unnuakullo.

Exodus 14:20

Aivorlo Egiptenemiut tangmârtertut Israêlikullo tangmârtertut ᴋerᴋanut akornganut; nuvujauvorlo tâdlarlarmelo ipkonunga, unnuarmele ᴋaumaivok ukununga: ipkua ukkua ᴋanitanganut pijungnarᴋonagit unnuak nâvlugo.

Salomob Okâl 18:10

Nâlekab atinga sapputsauviksauvok songojok; idluartub akpangervigiva, sapputijaulunelo.

Hesekiel 1:27

Takovungalo sorlo ᴋaᴋorliub ᴋebleridlarninganik, ikomaujârtublo ilumavâ iluanêtilugo okpatîkita saᴋᴋijarnîgingnit ᴋongmullo; okpatîkitalo saᴋᴋijarnîgingnit angmut, takovunga ikomaujârtomik, avatânelo ᴋaumajoᴋsoaᴋadlarpoᴋ.

Hesekiel 43:2

Ahâglo, Israêlib Gudingata ânanauninga tikilerpoᴋ unangat: iktulijângalo ingiulît nunamut ᴋarrâjut iktulijârningititut ipoᴋ, nunalo ᴋeblerpoᴋ tâpsoma ânanauninganut.

Mattêuse 17:2

Ananausijauvorlo sângane, kênangalo seᴋinertut ᴋaumatigilerpok, annorângillo ᴋaᴋorsidlarput ᴋaumaneᴋtut.

I Timôteusemut 6:16

Toᴋosuitotôjok tâmna, ᴋaumajome tikiviksaujungnangitomêtok; inûb atautsiblônêt takolaungitanga takojungnangitangalo, tâmna nertortaunermik pile nâlegauvingmiglo issoᴋangitomik! Amen.

Takotitaunermik 21:23

Iglugasaksuillo seᴋinermut takᴋermullônêt ᴋaumarsartaujariaᴋangilat; Gûdib ânanauningata ᴋaumartingmagit, Saugârsuglo ᴋaumautigivât.

Takotitaunermik 22:5

Tagvane unnuaᴋarniangilak, ᴋaumajutiksamiglo seᴋiniublônêt ᴋaumaninganik pijariaᴋarnianginivut, Gûdib Nâlekab ᴋaumarsarniarmagit, ataniotijomârpullo issoᴋangitomit issoᴋangitomut.