Habakûb 3:16 - Labrador Inuttitut Heritage Bible

¹⁶ Tusarapko iluga aulavoᴋ, ᴋangasinâka sajukpûk nipe pivlugo; auneᴋ iterpoᴋ saunimnut, sajudlarpungalo inimne; merngoêrserviksarsilangatôᴋ uvlorme kapianartovingme, katingajoᴋsôvlutik opagiartortut majorarpatta inuit sorᴋsugomavlugit.

Habakûb 3:16 Iomraidhean Croise

Hiobe 30:17

Unnuarme saunikka uvamne puttortauvut, mikkitikkalo innilalungilet.

Hiobe 30:30

Amera sillatimne ᴋernertaumavok, saunikkalo pannersimavut ᴋiangmut.

Imgerut 119:120

Erksigapkit ᴋêungomivunga idluarijatillo kakkilârutigivakka.

Imgerut 91:15

Nipliavigivânga, tamanna pivlugo tussaromavara; kappianartome najorpara; nussugomavara opinartilugolo.

Salomob Okâl 12:4

Nulle ilusitsiariktok, niaᴋoteovok uiminut; illuserluktorle marnetun-ipok tapsoma sauninginne.

Salomob Okâl 14:30

Omat atsuilijok timib inôgutigiva; annerudsinerle marnektut saunernetotut-ipok.

Jesaiase 21:3

Tamanna pivlugo okpatîkka ãnilakteradlarpuk, siornionermullo tikkitauvunga ernisuktotut, ãnialuarnermut tussarungnairpunga, ᴋoaᴋsâluarnermut takkonârungnairpunga.

Jeremia 23:9

Nalautaijut pivlugit ômatiga ilumne serᴋomisimavoᴋ, saunikkalo ilûnatik sajukput; angutitut talasimajotun-ipunga, angutitut vainemut talatotut; Nâlagaᴋ pitjutigilugo, tâpsomalo oᴋausingit ivlernartut pitjutigivlugit.

Jeremia 30:7

Kappê! Uvloᴋ taimna angijôvoᴋ, adseᴋangilaᴋ; Jakob siorniorvigivâ; piulijaujomârporlo tamattomangat.

Jeremia 4:19

Ergavikka, ergavikka! Omatiga âniadlarpoᴋ; ômatiga auladlarpoᴋ ilumne; inilangajungnangilanga, tusarsimagavit, tarnîk, tiptulautib nippinganik, unatarnerub kamasârininganik.

Jeremia 5:15

Ahâk, Ilipse Israêlib ᴋitorngangit, ilipsingnut tikiutjijomavunga inôᴋatigêksoarnik ungasidlartomit, inôᴋatigêksoarnik sôngojoᴋsoarnik, inôᴋatigêksoarnik itsarsoarnit inôᴋatigêngolauᴋtunik, inôᴋatigêksoarnik oᴋauseᴋartunik ᴋaujimangitarnik, tukkisijungnangitarniglônêt ᴋanoᴋ oᴋarmangâta.

Jeremiab Ogguarutigijangit 1:13

Pângat tiliklilaukpok ikomamik saunimnut, tâmnalo kiblêvok tâpkoninga; issivitsilaukpok nulluanik itikamnut, kingumullo sangutipânga; manigorutiksairutivânga nukkingêrutilungalo uvlok nâvlugo.

Jeremiab Ogguarutigijangit 1:20

Takosalaurit, Nâlegak, kapiasudlarama; ergavikka aulajadlarput; ômatiga mumikpok ilumne; angijomik tapalaurama; silame saviksoak arᴋtaivok, toᴋo iglomêpok.

Hesekiel 3:14

Anerneruble ᴋangatartipânga aularutilungalo: ingerarpungalo kassêvlunga, anernimalo ilungertorningane, Nâlekablo aggangita pitsartudlarlutik ᴋolangiarpânga.

Daniel 10:8

Inutôvlunga ᴋimaktauvunga tagva, takotitjullo tamanna angijoᴋ takovara, nukingêrutivungalo; nukiᴋarnira assirotaumarikpoᴋ, pitsartuniᴋarungnaipungalo.

Daniel 10:9

Oᴋâlaningalo tusarpara, tusarapkolo oᴋâlaninga pâmâkivunga, siningmullo itijomut tikitaugama, kênara nunamut pûlugo sinikpunga.

Daniel 8:27

Uvangalo Danieli ᴋaujimangipunga, uvlullo ᴋapsit nâvlugit ᴋanimavunga; kingornganili makipunga, atanimullo suliangoᴋojaujut suliarivakka; takotitjulli tataminiarutigivara, tamannali malugijaulungilaᴋ kimut.

Habakûb 3:2

Nâlegaᴋ, oᴋautaunît tusarpara, erᴋsivungalo; Nâlegaᴋ suliaksat ômartilaungmiuk jârit ᴋerᴋane; nelonaijaruk jârit ᴋerᴋane; ningarnermelo nâpkiningneᴋ erᴋaumalauruk.

Lukase 21:19

Soᴋoserlugase tarnise piulisigik.