Habakûb 2:8 - Labrador Inuttitut Heritage Bible

⁸ Asseroilauravit inôᴋatigêksoarnik unuktunik, inuit amiakungita ilûnnatik asseroromârpâtit, inuit aungit pivlugit, idluitulinerillo pivlugit piniarutaujut nunamut, iglugasaksoarnullo, tagvanelo igloᴋartunut tamainut.

Habakûb 2:8 Iomraidhean Croise

Imgerut 137:8

Babelib pannia asserortaumajotit, pilloringmêk akkiniarte illingnik pinnialauktarnik uvaptingnut.

Salomob Okâl 22:23

Nâlekab tapᴋoa iliornerijangit âkigomârmagit, arktaijingillo aksartautitsomârpait tarninginik.

Jesaiase 33:1

Kappianarmek igvit asserorsaijotit, nangmineᴋ asserortaulungigalloartotit sulle; igvillo aksorôtjijotit, nangmineᴋ aksorôtijaulungigalloartotit sulle. Asserorsainit pijarêrungne, igvittauᴋ asserortaujomârpotit; aksorôtjineᴋ nãmaksigungne, igvittauᴋ aksorôtijaujomârpotit.

Jesaiase 33:4

Aᴋsârnigarijase nungutaujomârput, sôrlo piglertaujârtut nungutsivangmatta, piglertatitut pangaliktutitut (akkerartortise) pangaligomârput tagvane.

Jesaiase 47:6

Inuᴋotikka ningaumavigivlugit kingormgutijakkalo ivlerijungnairlugit aggangnut tunigapkit, takopsoajuipotit taipkonunga, inutoᴋaujut oᴋumailuartomik perᴋovattit.

Jeremia 27:7

Inôᴋatigêksuillo ilûnatik kivgartortuksauvut tâpsominga, erninganiglo, erningatalo erninganik, tâpsoma nunangata naliuninga tikerᴋârtinago; taipsomanalo tagva inôᴋatigêksuit unuktut atanersuillo kivgartortautilârput nangminermingnik tâpsomunga.

Jeremia 30:16

Taimaimat nungutsijut ilingnik nungutaujomârput; akkerartortitit ilûnamasiatik aularutijaujomârput; aᴋsârniktut ilingnik aᴋsârnigaujomârput, tamaitalo ilingnik unangmik lertut unangmijautitsomârpakka.

Jeremia 50:14

Babilonemut siangmaritse avatânut pitiksertose; pitiktârsiuᴋ, ᴋargjutise ikinârnagit; Nâlagaᴋ idluitulivigilaungmago.

Jeremia 50:28

Kemâjut aulartullo nunamit Babilonemit nippingat, Zioneme unipkautigijomavlugo Nâlakab Gudipta akkiniarninga, katimaviksoarne akkiniarutigingmago.

Jeremia 50:37

Saviksûb horsingit ᴋamutingillo aksaloalit, inuillo tamakluartut tagvanêtut ilûnaita ᴋolangiarpait, arnatitullo tâpkoa ileromârput; saviksûb ᴋematulivingit ᴋolangiarpait, tâpkoalo tigligviojomârput.

Jeremia 51:13

Igvit ineᴋartotit kôᴋatsiartome, perᴋuteᴋadlartotillo, naggatiksat tikisimavoᴋ, pijomatudlarnivit ôktortauviksanga.

Jeremia 51:24

Babilonalo Kaldêamiullo ilûnaita akkiniarvigijomavakka idluituliningit tamaita pinialauᴋtangit Zioneme maliklugit, oᴋarpoᴋ Nâlagaᴋ.

Jeremia 51:44

Belelo Babilonemêtoᴋ nalipsaromârpara, oᴋomiartangalo anititsomârpara ᴋaninganit; inôᴋatigêksuillo takpaungaᴋatigêtsungnairomârput tâpsomunga, ila, Babilonib ᴋarmanga oggojomârpoᴋ.

Jeremia 51:48

Kilaglo nunalo tâpkonangnêtullo ilûnatik serridlaromârput Babilone pitjutigilugo; asseroijut tikitsomârmatsuk avangat, oᴋarpoᴋ Nâlagaᴋ.

Jeremia 51:8

Babilone okpikaliaᴋilauᴋpoᴋ asserortauvlunalo; ᴋeagisiuk; tigusileritse mangiptaksanik ânianganut, âᴋiktaunajangimangât.

Hesekiel 28:16

Niuverniarnivit unurningit maliklugit, ilumerlauᴋpâtit idluinermik, idluitulivotillo: tamanna pivlugo ivsornartotut ajaktorpagit Gudib ᴋaᴋᴋanganit; pêjarpagillo Kerubiojotit mattojijoᴋ, ujarᴋat ikomalit akornganit.

Hesekiel 39:10

Kejuktariaᴋarᴋonagit naternamit, nakatsigiaᴋarᴋonagillônêt napârtolingme; sakkut unatautit ᴋejuksarilârmagit; kongmarutjimariklutik kongmarutijimingnik, arᴋtailârput arᴋtaijimingnik, oᴋarpoᴋ Nâlegaᴋ Nâlegaujoᴋ.

Amos 3:10

Ilisimalungimatta idluartulinermik, oᴋarpok Nâlegak, torᴋuivut aksorotjinermik arᴋtainermiglo igloksoamingne.

Obadia 1:15

Nâlekab uvlunga ᴋaglimat inôᴋatigêksoarnut tamainut; sôrlo igvit piniaravit, taimâk piniarviolârpôtit; piniarnît utilârpoᴋ niaᴋungnut.

Habakûb 2:10

Inûᴋotivît kangusûtigijaksanganik atuinaruterivotit, inôᴋatigêt unuktut kipigangne, tarnîllo idluitulivigivat.

Habakûb 2:17

Idluitulinerub Libanonemit pijûb ulilârmatit, nergjutillo nungutauningita kaggailârpâtit; inuit aungit pivlugit, idluitulinerillo pivlugit piniarutaujut nunamut, iglugasaksoarnullo, tagvanelo igloᴋartunut tamainut.

Saggaria 1:15

Inôᴋatigêksuillo nipungajut angijomik nâmaksingijutigivakka: angijôngitomik nâmaksingilaurama, tâpkoa ikajorput nangminermingnik ajortomut.

Saggaria 14:12

Makoangovullo sugiarutit Nâlekab annautarijomârtangit inôᴋatigêksoarnik tamainik unatariartolauᴋtunik Jerusalemik: uvinêrutijomârput sulle itigamingne nikovitilugit, ijingillo nunguvaliajomârput ijeᴋarvingmingne, oᴋangillo nunguvaliajomârput ᴋaningine.

Takotitaunermik 6:10

Nippersoarmut nipliadlarput oᴋarlutiglo: Nâlegak, hailigiojotit mikseᴋârtôvlutillo, ᴋanok akkunêrtoksoarmik erᴋartuingilatît, auvut akkiniarutiginago taipkonunga nunamêtunût?