Habakûb 2:4 - Labrador Inuttitut Heritage Bible

⁴ Ahâk, tarninga pingijaidlarpoᴋ, nelâgôrlungilaᴋ iluane; idluartûble okpernine inôtiginiarpâ.

Habakûb 2:4 Iomraidhean Croise

Imgerut 49:18

Tarnine saimartigalloaruniuk inosermine, nertoralloarpattillo ajungitullivigilauravit.

Jesaiase 13:11

Sillaᴋsoarmiullo sugiaromavakka idluitulliningit pivlugit, idluitullo sugiaromavakka piungitulliningit pivlugit, pingijaitullo piojoriningat nungutitsomavara pimmariutertullo pingijainingat serᴋomitsomavara.

Hesekiel 18:9

Maligaksauᴋojamne arvertartoᴋ, nâlektorlo perᴋojamnik nelâgôrtomik piniarlune, tâmna idluartôvoᴋ, tâmna inôjuksauvoᴋ, oᴋarpoᴋ Nâlegaᴋ Nâlegaujoᴋ.

Daniel 11:12

Sorᴋsuktoᴋatigêksuillo aularutijaujomârput, tâpsomalo ômatinga piojorijomârpoᴋ; tausendioᴋâtartuniglo oggotitsijomârpoᴋ, sâlaᴋaromângilarli.

Daniel 4:30

Atanilo niplipoᴋ oᴋarlunilo: Mânna tâmnaungilâᴋ Babiloni angijoᴋ, atanimut igluksaliarijara ajugaᴋanginima pitsartuninganut, inornarnimalo nitornautiksanganût?

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Lukase 18:14

Oᴋaupapse: tâmna aipaminit ajornerminit issumagijaujungnainersauvlune atersârpok iglominut. Ingminik angijorortitok miklilertitaujomârpok, ingminiglo miklilertitok angijorortitaujomârpok.

Johannese 3:36

Erninganut okpertok nungusuitomik inôseᴋarpok. Erninganut okpingitub inôsek takoniangilâ, Gûdible ningausingata ᴋolangiangînarpâ.

Rômiunut 1:17

Tamakutigûna nalonarungnaititaungmat idluarsititauneᴋ, nâmagijaujoᴋ Gûdib sângane, tamanna okpernermit okpernermut pijoᴋ, sorlo aglaksimangmat: Idluartub okpernine inôtiginiarpâ.

Galâtsiamiunut 2:16

Kaujimagaptale, inuk idluartitaujungnangimat perᴋojat piniarᴋojanginut, okpernermulle Jêsuse Kristusemut; uvaguttauᴋ Jêsuse Kristuse okpervigivavut, idluartitaulerᴋovluta okpernermut Kristusemut, perᴋojallo piniarᴋojanginu-ungitoᴋ; uvinilik idluarsijungnangimat perᴋojat piniarᴋojanginut.

II Tessalônikamiunut 2:4

Akkerartortoᴋsoaᴋ, ingminiglo nâlegautitoᴋ tamainut Gûdemik kivgartornermiglônêt Gûdemik taijaujunut, Gûdetullo ingitsartorlune Gûdib iglunganut, Gûdeovlune oᴋartoᴋ.

Ebrêerinut 10:38

Idluartuble okperneᴋ inôtiginiarpâ. Kemâniartorlo, taimna tarnima ᴋuviasûtiginiangilâ.

I Pêtrusib 5:5

Taimaktauᴋ ilipse inôsuktôjose inutoᴋaujut nâleksigik. Ilûnase nâlektigêgitse, piojorijuinermik ataruilititse. Pimariutertut Gûdib akkerartormagit, piojorijuitulle nâpkigivait.