Habakûb 2:3 - Labrador Inuttitut Heritage Bible

³ Takotitjutib neliuniksane tikitsiaringmago, naggatiksamullo aisâdlarpoᴋ sagloniangilarlo; muludlaraloarpat utaᴋituinaruk; neliutidlalârmat, nelautsinginiangilarlo.

Habakûb 2:3 Iomraidhean Croise

II Atannit 6:33

Taimaglo oᴋartillugo sulle, ahâk, tagva tillijak tikkipok unnunga tapsomunga, oᴋarlunelo: Ahâk, ᴋanoêtok taimaitok pivok Nâlekamit; sunamik sulle nerriuktuksauvik Nâlekamit?

Imgerut 102:13

Igvit makkilaurittôk, Zionelo nâpkigilugo; nalliutingmat saimarvigilugo perᴋovlutit; nalliutok kajusimaviojok tikkisimavok.

Imgerut 27:14

Nâlegak nerriugiuk; maksoalerit, tâpsomalo ômattit pitsartutiliuk, Nâlegarlo nerriugiuk.

Exodus 12:41

Pijoᴋarporlo, jârit 430 nângmata, uvlorme tâpsomanetsainak Nâlekab katimagajoksoaᴋotingit iluêngartut anivut nunamit Egiptenemit.

Jesaiase 30:18

Taimaimat Nâlegaᴋ utaᴋᴋijomârpoᴋ saimarvigijomavluse, ᴋannitsomângilaᴋ nâpkigijomavluse, Nâlegaᴋ Gûdeongmat erᴋartuijoᴋ. Pillorikput illũnatik tâpsominga nerriuktut.

Jesaiase 7:4

Oᴋarvigiuglo: Utjertorit nipporlutillo! Erᴋsiniarnak õmativillo nangiariniaranigit ukkoa ikkoalanikûk iserluktûk, Rêtsiniblo Siriamiullo Remaliablo erningata ningaumajâdlarningit,

Jesaiase 8:17

Uvangale Nâlegaᴋ nerriugivara, kênaminik ijersijoᴋ Jâkokkunit, tattigivlugolo.

Jeremia 27:7

Inôᴋatigêksuillo ilûnatik kivgartortuksauvut tâpsominga, erninganiglo, erningatalo erninganik, tâpsoma nunangata naliuninga tikerᴋârtinago; taipsomanalo tagva inôᴋatigêksuit unuktut atanersuillo kivgartortautilârput nangminermingnik tâpsomunga.

Hesekiel 12:25

Uvanga Nâlegaugama; oᴋaromârpunga, oᴋauserlo oᴋauserijara nelautsilârpoᴋ, akunêromângilarlo: uvlupsingne, ilipse ᴋitorngaujose tapatojosôᴋatigêngojose, oᴋauseᴋ oᴋauserijomavara nelautsitilugolo, oᴋarpoᴋ Nâlegaᴋ Nâlegaujoᴋ.

Hesekiel 30:9

Uvlorme tâpsomane aᴋpârtut aulalârput uvamnit umiaᴋsoatigut Etiopiamiut erᴋasungitut ᴋoaᴋsârtitsartorlugit; kapiasungneᴋadlalârporlo tâpkonane, sorlo Egiptenib uvlungane; ahâk, tikilerpoᴋ.

Daniel 10:14

Tikipungali mâna ajoᴋitoromavlutit naliutijomârtunik inuᴋotingnut uvluni kingorliojuni: takotitjut uvlut unuktut ᴋângipatta kissiani nalaulârpoᴋ.

Daniel 11:27

Atanîglo tâpkoa tamarmik ômatitik ajortomik issumalugomârpuk, nirrivingmilo atautsimi iksivavlutik sagloninik oᴋaromârpuk; sulijomângilagli; naggatiksaᴋ naliutilârmat naliutomi kajusijutaujomi.

Daniel 11:35

Silatujullo ilangit oggojomârput sujungaititauᴋovlugit, ivsornaititauᴋovlugillo, ᴋaᴋorsartauᴋovlugillo, naggatiksab naliuniksanga tikidlugo; naliutomut kajusijutaujomut sulli ilingangmat.

Daniel 8:17

Nangivingma ᴋanitanganôrpoᴋ tagva; tikingmallo iᴋsilipunga, pâmaklungalo kênara pûlugo; oᴋautivângali, Tukkisilirit, inûb ininga, naggatiksab naliuniksanganut ilingangmat takotitjut tamanna.

Daniel 8:19

Oᴋarporlo: Nalonaijaivigijomavagit pijomârtuksanik ningarnirub naggatiksangata tungâni; naggatiksab naliuninganut kajusijutaujomut ilingangmat.

Daniel 9:24

Vôgit 70 kititaumavut inôᴋatingnut iglugasaksoarnullo ivsornaitoᴋotingnut, tapatoniᴋ sorairᴋovlugo, nâmangitulinilo noᴋarᴋovlugo, idluitulinilo pêjartauᴋovlugo, idluarnilo nâksaungitoᴋ itititauᴋovlugo, takotitjutillo nalautainilo nâmaksititauᴋovlugit, ivsornainipâglo mingoartauᴋovlugo.

Migga 7:7

Uvangale Nâlegaᴋ arlorvigijomavara; Gude piulijigijara nerriugijomavara; Gudima tusaromavânga.

Sefania 3:8

Tamanna pivlugo tikitsiarisinga, oᴋarpok Nâlegak, uvlok neliutiᴋârtinago nikovivigilârtara pinniniaromavlunga; kajusigama inôᴋatigêksuit katersoromavlugit, ataniovillo ilagêktitsomavlugit, ᴋaningaumajârnera kovijomavlugo tâpko nunga, ilâ, ningaumajârnersoara katsungaitok tamât; nunaksoak ilûnât nungutaujomârmat ilungertornima ikomanganut.

Numbers 23:19

Gûde inôlungilaᴋ saglosômik, erniolungilarlo inungmut ᴋaᴋialersômik: oᴋarsimangilâᴋ, piniarnialungilaûglô? Oᴋauseᴋalauᴋâlônêt nelautsitinialungitaminîk?

Lukase 2:25

Ahâglo, anguteᴋalaukpok Jerusaleme Sîmeonemik atilingmik; angullo tamna idluarlunelo Gûdemik nâlekpok, Israêliblo manigortaujutiksanganik nerriukpok, Anernerublo ajunginerub inigivâ.

Apostelit Piniarningit 1:7

Oᴋautivaille: Naliunermik stundemiglônêt ᴋaujijuksaungilase Atâtab ajugaᴋanginerminut ilingatitanganik.

Apostelit Piniarningit 17:26

Inugasaksuillo kinguvângoᴋatigêt tamaita pingortilaukpait aungmit atautsemit, nunaksoak ilûnât inuᴋalertilugo, sivorngagullo isumasimatigivait naliuningita sivitujariangit, ᴋanorlo ᴋaningitigijomut nunaᴋariangit;

Galâtsiamiunut 4:2

Ajoᴋertuijulle pairsijullo atanerivait neliutsiarivlugo atâtame perᴋojanga.

II Pêtrusib 2:3

Pijomatudlarnermullo ilipsingnit perᴋutiniarasuaromârput, oᴋautsinut mikseliungitunut piniarlutik. Taipkoa pidlartautiksangit oᴋautauᴋammerungnairtut noᴋᴋarniangilat, erᴋartortautiksangillo sininginivut.

II Pêtrusib 3:9

Nâlekab angersimanine mulutingilâ, illangita mulutitaunasugigalloarmatsuk; ᴋenuersârvigitigulle, assioniartoᴋarᴋojinginame, ilûnaitale sâgiarᴋovlugit.