Habakûb 2:16 - Labrador Inuttitut Heritage Bible

¹⁶ Nertornaumik pinak naggonaumik ilumertauvotit; igvittauᴋ imerit, kipimaneᴋangitotullo îlerit; ᴋajûtaᴋ Nâlekab talerpingmiutanga ilingnut sangutitaulârpoᴋ, nertornautigijallo saujaulârpoᴋ kangusungnermut mamaidlartomut.

Habakûb 2:16 Iomraidhean Croise

Imgerut 75:8

Nâlegak ermgusiarsungmik tigumiarmat aggangminut, Weinelingmik pitsartujomik aituilunelo tâpsomangat; Gûdeᴋangitulle nuname illunatik puvjupsautingit alluktoraksarivait, imeraksarilugillo.

Salomob Okâl 3:35

Ilisimajut opigijaunermik kingormgujijomârput; silaitulle pingijaijutiksarsikpattalonêt, kangusuktitauniarput sulle.

Jesaiase 20:4

Taimak Assiriamiut attaningata aulartitsomârpait Egiptenemiut tigujaujut Etiopiamiullo aularᴋojaujut, inôsuktullo inutoᴋaujullo, annorâᴋartinnagit ittigaguteᴋartinnagillo, nullungit ussingatillugit, Egiptenemiut kangusûtigijaksangit.

Jesaiase 47:3

Kangusûtiksat saᴋᴋijârtuksauvoᴋ, kangunarnit takuksaurᴋovlugo. Akkiniaromavunga, inuit nalliallõnêt nikkaginago.

Jesaiase 49:26

Aksorôtjijut illingnik nerrerᴋojomârpakka uvinimingnik, aungmingnullo tallatitaurᴋojomârpakka sôrlo vainemut nutâmut, uviniggillo illũnamatsiatik tukkisijuksauvut, uvanga Nâlegaugama piulijit, ᴋellujit, ajugaᴋangitôjoᴋ Jâkokkune.

Jeremia 25:15

Imâk Nâlakab, Israêlib Gudingata, oᴋautingmanga: Kajûtaᴋ ᴋaningaumajârnima vaininganik imalik tiguguk aggamnit, inôᴋatigêksuillo tiliklervigijakka ilingnik tamaita imertikit tâpsomangat.

Jeremia 25:17

Kajûtaᴋ tagva tigulauᴋpara Nâlakab agganginit, inôᴋatigêksuillo Nâlakab uvamnik tiliklervigijangit imipakka:

Jeremia 51:57

Angajoᴋâᴋsoangillo, ilisimajungillo, atanerusingit, aulatsijungillo, pitsartujungillo tallatitsomârpakka; sinigomârpullo siningnermik sorainiangitomik, tupaniarungnailutiglo, oᴋarpoᴋ Ataneᴋ, atteᴋartoᴋ Nâlakamik Zebaotemik.

Jeremia 51:7

Babilone ᴋajûtaulauᴋpoᴋ goldeojoᴋ Nâlakab aggangine, silaᴋsoarmiunik tamainik tallatitsijomik; inôᴋatigêksuit imilauᴋput vaininganik; taimaimat inôᴋatigêksuit issumairutivut.

Jeremiab Ogguarutigijangit 4:21

Erᴋiertorit ᴋuviasudlarlutillo, igvit Edomib paninga, nunaᴋartotit nuname Uzeme; ᴋajûtak ilingnuttauk pijomârpok; tallalârpotit, ussingatilârpotillo nangminernik.

Hesekiel 23:33

Tatadlalârpotillo talanermik kiksarnermiglo, tatamnadlarnerub asserorsimanerublo ᴋajûtanganit, angajuvit Samariab ᴋajûtanganit.

Hosea 4:7

Angijororpalianingit maliklugit, idluitulivaliavigivânga; nertornautigijangat mumiklugo naggonautiksangortitsomavara.

Hosea 7:5

Atanipta uvlungane angajoᴋâᴋsuit ᴋanimatiput vainib ônarsititsininganut; tagva tâpsoma aggane issagolukpait mitauteᴋartut ilagilugit.

Habakûb 2:10

Inûᴋotivît kangusûtigijaksanganik atuinaruterivotit, inôᴋatigêt unuktut kipigangne, tarnîllo idluitulivigivat.

Habakûb 2:15

Kapianarmêk inuk inôᴋatiminik imertitsijoᴋ, toᴋonartomiglo akkulugo, talatitsijorlo tâpsominga, kangusûtigijanga takojomavlugo.

Filippimiunut 3:19

Taipkoa asserornermik naggateᴋaromârput, natjatik Gûdigivlugo pijut, kangusûtiksaujunik nertornauteᴋardlutik nunab pinginik pinasuartut.

Takotitaunermik 18:6

Akkiniarsiuk, sorlo akkinialaungmase, magguertorluse piniarninginik; ermgusiarsuk imertitsijutigijanga ilipsingnik magguertorlugo ullipkitârtisiuk akkiniarlugo.