Habakûb 1:3 - Labrador Inuttitut Heritage Bible

³ Sôᴋ piungitulinermik takotipingâ, takonârtilungalo nâmangitulinermîk? Asserorsaineᴋ idluitulinerlo sâmnêngmanik; aivaneᴋarporlo, akkerartornerlo perorpoᴋ.

Habakûb 1:3 Iomraidhean Croise

Okaluktok 4:1

Sangulaukpungalo, takkonârlaukpakkalo ilûnaita idluitulliviojut sekᴋerngûb atâne: ahâglo, idluitulliviojut ᴋugvingit tagvanêlaukput, manigoijeᴋalaungilello; idluitullilauktullo tâpkonunga pitsartuluarlaukput manigoijeᴋarungnarᴋonagit.

Okaluktok 5:8

Takkoguvit aklujok idluitulliviongmat, idluarnerlo nâmanerlo aksorôtijauvlutik nussuktaungmat nunamit, kajusimanek tamanna tattaminiaritailiuk; udsertortoᴋarmat suli pôktojomik pôktojut ᴋânginne, pôktonersaᴋarporlo suli tâpkoa maggûk ᴋânginne.

Jesaiase 46:12

Tussalersinga, õmateᴋartose sittijunik, ungasiktose idluarnermit.

Jesaiase 5:7

Imaiporle: Kilangmiugasaksuit Nâlegangata perorsêvia vaineliksatalik tagva Israêlikkut, Jûdablo angutingit tagva illijivigijanga (perortuksanik) ᴋuviagijanga. Idluartullinermik nerriugame, aksorûtjineᴋ takkovâ; idluarnermik nerriugame, ogguarneᴋ tussarpâ.

Jeremia 15:10

Kapianarmêk uvanga, anânak, erniarilauramga angutaujunga akkerartornelik, angullo aivanelik nuname ilûnâne! Attartortitsilauᴋsimangilanga perᴋutiniaromavlunga, inôᴋatimalônêt perᴋutiniaromavlutik attartortisimangilânga; ilûnatigle oᴋarnerlutivânga.

Jeremia 20:18

Sôᴋ anilauᴋingâ igliamit siorniornermik kiksarnermiglo takoᴋovlunga, uvlukkalo nâjauᴋovlugit kangusungnermê?

Jeremia 20:8

Oᴋarangama, ᴋuggudlarpunga; ᴋuggudlarpunga: Oᴋumaiksartitsinermik aᴋsârningnermiglo; Nâlakab oᴋausinga mitautiksangortitaungmat uvamnut, alêkutiksangortitaularmelo uvloᴋ nâvlugo.

Hesekiel 2:6

Igvillo, inûb erninga, erᴋsigijaksarilungilatit, oᴋausingillônêt erᴋsiginiarnagit, kakkidlarnartut kappidlarnartullo akornganêgaloaruvit, inôgaloaruvillo kingupaujârtut akorngane, oᴋausingit erᴋsigijaksaringilatit, kênangillo kapiasûtiginiarnagit, tapatojoᴋsôᴋatigêngongmatta.

Mattêuse 10:16

Ahâk, saukatitut tilivapse amarᴋut akornganut; tamanna pivlugo silatutsiaritse ᴋuglugiangojârtutitut, nalangainaselo taubititut.

II Pêtrusib 2:8

(Idluartoᴋ tâmna, taipkoa akornganêname, uvlut tamaita tarnimigut idluartokut kappiasuktitaulauᴋpoᴋ idluitulininginut takojaminut tussartaminullo):