Genesis 8:21 - Labrador Inuttitut Heritage Bible

²¹ Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama.

Genesis 8:21 Iomraidhean Croise

Genesis 3:17

Adamemullo oᴋarpoᴋ: Nuliavit nippinga nâlagangne, nirivlutillo napârtomit perᴋojijutigijamnit, oᴋarlunga: ômangat nerrijuksaungilatit; tagva nuna ôminarsile pivlutit, siorniorlutit inôgutiksarsiorvigijaksarivat uvluksatit nâvlugit.

Genesis 4:12

Perorsêvileriguvit, nunab pijungnartaminik tunitjivigijaksaringilâtit kingorngagut. Saksârtuksauvotit ᴋemâjuksauvlutillo nuname.

Genesis 5:29

Tâmna Noamik atserarpâ oᴋarlune: Tâpsoma manigoromârpâtigut kappiasungniptingne aggaptalo sulijaksaᴋarningane nuname ôminarsijaujome Nâlekamut.

Genesis 6:13

Tagva Gûde Noamut oᴋarpoᴋ; Uvinilît ilûnamatsiatik naggatiksangat nalliutivoᴋ uvamnut, nuna idluitulinermik tatamat, ahâk, asseroromavakka nuna illagivlugo.

Genesis 6:17

Ahâk, ullitornivaksoarmut nuna tikkitaurᴋojomavara, asseroromavlugit uvinilît tamaita ômanartomik anernelît ᴋilaub atânêtut. Ilûnamatsiatik nunamêtut nungutaksauvut.

Genesis 6:5

Nalegarle takovoᴋ inuit uivêtoᴋsôninginik nuname, ômatingitalo issumangita sanajangit idluênarmatta ᴋaut tamât.

Genesis 6:7

Nâlegarlo oᴋarpoᴋ: Inuit pingortitakka pêjaromavakka nunamit inuillo nergjutillo pâmgortullo tingmitjallo aglât ᴋilaub atânêtut, ᴋaᴋᴋialerama pingortigapkit.

Hiobe 14:4

Kia ivsornaitok atausek nachvârungnarᴋaûk, Ivsornaitoᴋangitunne?

Imgerut 51:5

Ahâk kinguvângnit ajortolingnit ernertarijaulaukpunga anânamalo ajorneᴋarlune erniarilaukpânga.

Imgerut 58:3

Gûdeᴋangitut mumiksimavut anânab timinganit; saglojullo tammarput anânab timinganit.

Imgerut 58:4

Toᴋᴋonartunget ᴋuglugitsab toᴋᴋonartungatut-îpok; otteretut (ᴋuglugiak) tussajuitotut siutitik simikpait;

Exodus 29:18

Angusâloklo ilûnât ôtitaksarivat tunerguservingme: tunergutiksauvok ôtaksak Nâlekamut: tamadja tipigiksautauvok, tunergut ôtâk Nâlekamut.

Exodus 29:25

Tigujaksarivatillo agganginit ôtilugillo tunerguserviub ᴋângane tunergutautilugillo ôtaksamik, tipigiksautiksautilugit Nâlekab sângane: tunergutauvok ôtâᴋ ikomakut Nâlekamut.

Salomob Okâl 20:9

Kina oᴋarungnarᴋâ: Ivsornaipunga ommatimne, Epᴋêjarsimalungalo ajornimnit?

Okaluktok 7:20

Inuk atauserlonêt nuname taimâk idluartigijolungimat, idluartullînarlune idluitullinanelo.

Jesaiase 47:12

Attê! saᴋᴋijâtuinarit elisêniartoᴋotitit angakkoᴋotitillo unuktovaksuit illagivlugit, taipkoa inôsungnernit illungertûtigigangne! Sullitsiarungnarpalukpotit imaᴋâ ajugauvlutit.

Jesaiase 47:15

Taimailingavut illungertûtigijattit taipkoa. Tujormiat niuvervigijatit inôsungnernit attunit ᴋemâvut inniksamingnut, piuliklerteᴋangilatit.

Jesaiase 48:8

Tamanna tussalungilat, ᴋaujimalungilallo, siutîkiglo angmalungilak sivorngane, ᴋaujimagapkit nallâgôlunginavit, nutaraunernillo tappatojoᴋsôjomik taijaugavit.

Jesaiase 53:6

Illũnatale saukkatitut tammarpogut, ingmikôrluta apᴋutigijomajavut kamagituinarlugit. Nâlekable idluinivut illũnamatsiatik pitipait tâpsomunga.

Jesaiase 65:6

Ahâk, (idluitulliningit) aglaksimavut kênama sângane. Nippangeromângilanga akkiniaromârpungale, illa sânginut akkiniaromârpakka,

Jeremia 17:9

Omate nalangaitoᴋsôluarpoᴋ assinginit tamainit, ᴋanimadlartoᴋsôvorlo; kia ilitarijungnarᴋaûk?

Jeremia 18:12

Tâpkoale oᴋarput: Tamanna nerriungnalungilaᴋ; issumaptingnik arvertaromagapta piniaromavlutalo ilûnata atunit ômatipta mangaitisimajut kajusimaningit maliklugit.

Jeremia 8:6

Nâlalauᴋpunga tusarlungalo, idluartomigle oᴋartoᴋangilaᴋ; ᴋaᴋᴋialertoᴋangilaᴋ idluitulinerminit, oᴋarlune: Sumik piniarsimavingâ? Ilûnatik aᴋpangerput aᴋpangervingmingne, horsetut kajusijotut sorᴋsungnermut.

Hesekiel 20:41

Tippe naimajominartoᴋ naivlugo ilalioromavapse, anitikupse inôᴋatigêksuit akornganit, katersorupselo nunanit siamarvigijapsingnit; ivsornaititaujomavungalo ilipsigut inôᴋatigêksuit takoane.

Leviticus 1:13

Erᴋaville niullo ergortoraksarivait imermut: ajoᴋertuijûblo tunergutigijaksarivâ ilûnât, ôtilugolo tunerguservingme: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:17

Isarokullo ᴋopijaksarivâ avgornagole: ajoᴋertuijûblo ôtitaksarivâ tunerguservingme, ᴋejuit ikomamêtut ᴋângane: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:9

Erᴋavingille niungillo ergortoraksarivait imermut; ajoᴋertuijûblo ôtitaksarivâ ilûnât tunerguservingme, tunergutautilugillo ôtaksamik, tunergut ikomakut, tipitsiariktoᴋutaujok Nâlekamut.

Leviticus 26:31

Iglugasaksoaselo sunaᴋarungnaititsomârpakka, ivsornaitoviᴋotiselo asserorniluᴋungortitsomavlugit, naijomangilanga tipitsiariksautigijapsingnik.

Leviticus 4:31

Tunnungalo ilûnât pêjaraksarivâ, sôrlo tunnok pêjartaungmat tunergutinit ᴋujaliutiksanit; ajoᴋertuijûblo ôtitaksarivâ tunerguservingme tipitsiariktoᴋutauᴋovlugo Nâlekamut; ajoᴋertuijûblo ulapirᴋsaraksarivâ, isumagijungnaiviolârporlo.

Leviticus 8:28

Mosesiblo tigulerivait agganginit ôtilugillo tunerguservingme tunergutautilugit ôtâk; ivsornaititauvut tipitsiariktut; tunergutauvut ikomakut Nâlekamut.

Numbers 15:3

Tunerguseromavluselo ikomakut Nâlekamut, tunergutiksamik ôtaksamik, toᴋotaksamiglônêt angerviviksiorutiksamik, tujutiksamiglônêt, uvloᴋsiorutiksamiglônêt, tipigiksaijomavluse Nâlekamut tuktuvangnillônêt saukanillônêt;

Mattêuse 15:19

Omamit erᴋarsautikulluit pingmatta, inuarnerlo, nuliarêngnermik asserorsainerlo, assiniarnerlo, tiglingnerlo, sagluterᴋarnerlo, mitauteᴋarnerlo.

Johannese 3:6

Uviningmit erniangojok uviniovok; Anernermille erniangojok anerniovok.

Rômiunut 1:21

Gûdeᴋartomik ᴋaujimagalloarlutik, nertornagolo ᴋujagilaunginamitsuk Gûdetut, issumamikut piungitoᴋsôlerput, ômatingillo silaitut tâᴋtoᴋsôlerput.

Rômiunut 3:23

Adsigêngitoᴋangimat; ilûnatik idluitulilaungmatta, Gûdemullo nertortaujuksaunitik ajulerdlugo;

II Korintemiunut 2:15

Kristûsib tippigiksautigingmatigut Gûdemut, piulijaujomârtunelo assiojomârtunêlô:

Efêsusemiunut 5:2

Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

Filippimiunut 4:18

Tamainigle peᴋarpunga, peᴋaluarlunga aglât; ununârviovlunga neksartitaunipsingnik pigama Epafroditusemit, tamadja tipitsiariksautiksaᴋ, tunergut takominartoᴋ, ᴋuvianartorlo Gûdemut.

I Johannesib 5:19

Kaujimavogut, Gûdemit pigapta, silaᴋsûblo inungit ilûnamassiatik ajortomut ilingavut.

I Samuel 26:19

Taimak tussarittôk manna, nalegâk attanek, kivgame oᴋausinginik: Nalekab kajungertipattit akkerartorlunga, tagva tunnergutiksamik nerᴋiksamik naimalerle; innuble ᴋittorngangit taimailiorpatta, tagva ominarsijaulit Nalekab sângane, uvlome ajiktoraminga, Nalekab kingormgutijanganêtsungnanginama, oᴋarlutiglo: Ailerit kivgartorlutillo Gudib assinginik.