Genesis 7:7 - Labrador Inuttitut Heritage Bible

⁷ Noalo umiaᴋsoarmut ikkivoᴋ ernine nulianelo ernimelo nuliangit illagivlugit, ullitornivaksûb sivorngagut.

Genesis 7:7 Iomraidhean Croise

Genesis 6:18

Igville angervigivagit, umiaᴋsoarmullo ikijariaᴋarpotit igvit, ernitillo, nuliallo, ernivit nuliangillo illagivlugit.

Genesis 7:1

Nalekablo Noa oᴋautivâ: Umiaᴋsoarmut ikkilerit, igvit inuᴋotitillo ilûnatik idluartorigapkit sâmne kinguvarêt ukkua akornganne.

Salomob Okâl 22:3

Silatuneᴋartub pijaksaungitok mallugiva ijerlunelo; ilisimaitut mattomunârput akkunartaulutiglo.

Mattêuse 24:38

Sorlo uvlune taipkonane, ulitornivaksûb sivorngagut ilaungmat: nerrivut, imilarmiglo, nulianikpullo, uinikpullo, uvloᴋ tâmna tikidlugo, Nôab itervia umiaksoarmut.

Lukase 17:27

Ipkoa nerrivut imilarmiglo, nulianikput uinilarmiglo, uvlok taimna tikidlugo Nôab itervia umiaksoarmut; ullitornivaksûb tâva tikipait, nungudlugillo tamaita.

Ebrêerinut 11:7

Okpernermut Noa, Gûdemut oᴋautjaugame sulle takuksaungitunik, Gûde naipertorlugo umiaᴋsoarmik senavoᴋ, illame piulijauviksanganik; tamattomunga silaᴋsûb inungit erᴋartorpait kingormgutilerlugolo idluarsineᴋ, okpernermit pijoᴋ.

Ebrêerinut 6:18

Maggungnut soᴋᴋosijuitungnut (Gûde saglovlune ajornavingmat) sôngojomik manigorutiksaᴋarᴋovluta, uvagut ᴋilanârtogut nerriugijaksaᴋ perᴋojaumajoᴋ uvaptingnut atavigênarlugo;

I Pêtrusib 3:20

Ipkoa okperomalaungitut Gûdib ᴋenuersârtub utaᴋingmagit, taipsomane Noa inôtilugo umiaᴋsoaᴋ senajaungmat; tâpsoma iluane ikitut, imaipoᴋ sittamaujortut inuit piulijaulauᴋput imânit.

II Pêtrusib 2:5

Silaᴋsoatoᴋaujorlo pidlartaililaunginamiuk, Noale idluarnermik oᴋâlajoᴋ, illangillo sittamaujortôvlutik piulilauramigit, ullitornivaksoaᴋ pitidlugo silaᴋsoarmiunut Gûdeᴋaromangitunut;