Genesis 7:21 - Labrador Inuttitut Heritage Bible

²¹ Tagva ippidlarput uvinilît ilûnamatsiatik aulajut nuname: tingmitjallo nergjutillo ômajullo pâmgortullo ilûnatik pâmgorpaktut nuname inuillo ilûnatik.

Genesis 7:21 Iomraidhean Croise

Genesis 1:25

Gûdiblo pingortipait ômajut nunaᴋsiutit, tamaita ingmikut pitjutilît, nergjutillo ingmikut pitjutilît, tamaitalo pâmgortut ivjome ingmikut pitjutilît. Gûdelo takovoᴋ nâmangmat.

Genesis 6:13

Tagva Gûde Noamut oᴋarpoᴋ; Uvinilît ilûnamatsiatik naggatiksangat nalliutivoᴋ uvamnut, nuna idluitulinermik tatamat, ahâk, asseroromavakka nuna illagivlugo.

Genesis 6:17

Ahâk, ullitornivaksoarmut nuna tikkitaurᴋojomavara, asseroromavlugit uvinilît tamaita ômanartomik anernelît ᴋilaub atânêtut. Ilûnamatsiatik nunamêtut nungutaksauvut.

Genesis 7:4

Uvlut sepat nâkpatta, uvlut 40 unnuallo 40 nâvlugit sillalurᴋojijomârpunga nunamut, nunamit pêjaromavlugit ômajut tamaita pingortitakka.

Hiobe 34:15

Uviniggit ilûnatik anernêngerᴋattigênajarput, inuglo saningorajarivok.

Jesaiase 24:19

Nuna serᴋomipoᴋ, nuna ᴋoplorpoᴋ, nuna sajukpilakpoᴋ.

Jesaiase 24:6

Taimaimat ominautiksab nuna nungutipâ, inungillo pidlartauniksamingnik attorput. Taimaimat nunab inungit ikkitauvut, inuillo amiakôjut ikkitôlerput.

Hosea 4:3

Tamanna pivlugo nuna oggualârpoᴋ, ilûnatiglo tagvane nunaᴋartut âlalârput, naternaub nergjutingit, tingmiallo ᴋilaub ikianganêtut ilagilugit; ilâ, mingeriat imarbingmêtut aglât pêjartaulârput.

Joel 2:3

Sivuningine ikoma nungûtsivoᴋ, kinguninginelo ikoâlaneᴋ ikitsivoᴋ; nuna perorsêviktut Edeneme ipoᴋ sivuningine, kinguninginele sunaᴋajuitotut asserortaumariktoᴋ; ilâ, ᴋemaktaujoᴋangimarikpoᴋ tâpkonunga.

Sefania 1:3

Nungutsomârpakka inuit nergjutillo; nungutsomârpakka tingmiat ᴋilaub atânêtut, mingeriallo imarbingmêtut, asserorsautillo idluitulijut ilaliullugit; inuillo pêjaromârpakka nunab ᴋânganit, oᴋarpok Nâlegak.

Mattêuse 24:39

Kamagingilâllo, ulitornivaksoak tikerᴋârtinago tamaita nungudlugit: taimaitsomârpoktauk Inûb Erningata tikiviksanga.

Lukase 17:27

Ipkoa nerrivut imilarmiglo, nulianikput uinilarmiglo, uvlok taimna tikidlugo Nôab itervia umiaksoarmut; ullitornivaksûb tâva tikipait, nungudlugillo tamaita.

Rômiunut 8:20

Pingortisimajut kipalôtitaugamik nunguniartomut; issumamingnut pinatik, taimaitingmagille taimaititsijub, nerriugijaksaᴋartidlugit.

Rômiunut 8:22

Pingortisimajut tamaita ᴋaujimavavut, anersaumeᴋatigivluta kappiasutsainarmatta mâna sulle.

II Pêtrusib 2:5

Silaᴋsoatoᴋaujorlo pidlartaililaunginamiuk, Noale idluarnermik oᴋâlajoᴋ, illangillo sittamaujortôvlutik piulilauramigit, ullitornivaksoaᴋ pitidlugo silaᴋsoarmiunut Gûdeᴋaromangitunut;