Genesis 7:11 - Labrador Inuttitut Heritage Bible

¹¹ Noa jâreᴋarmat 600nik, taᴋᴋerub aipangata uvlungita sepasenangane, uvlorme tamattomane ittinersûb puilavingit ilûnatik aitangalerput ᴋilaublo igalângit ilûnatik angmalerput.

Genesis 7:11 Iomraidhean Croise

Genesis 1:7

Tagva Gûdib aulangitoᴋ sanavâ, imaᴋsuillo aulangitub atânêtut avikpait imaᴋsoarnit aulangitub ᴋollânêtunit. Taimailerporlo.

Genesis 6:17

Ahâk, ullitornivaksoarmut nuna tikkitaurᴋojomavara, asseroromavlugit uvinilît tamaita ômanartomik anernelît ᴋilaub atânêtut. Ilûnamatsiatik nunamêtut nungutaksauvut.

Genesis 7:6

Noa jâreᴋarmat 600nik, ullitornivaksûb nuna tikkipâ.

Genesis 8:14

Taᴋᴋerublo aipangata uvlungita 27ingane nuna pannerpoᴋ.

Genesis 8:2

Ittinersûblo puilavingit simiktaulerput, ᴋilaublo igalângit, sillaluksoarlo ᴋilangmit sorairᴋojauvoᴋ.

II Atannit 7:19

Tagva angajoᴋab oma Gûdib anguteᴋotinga kiova oᴋarlunelo: Ahâk, Nâlegak igalangnik sennanajarune ᴋilangme, ᴋanok tamanna pilerungnarajarka? Tamnâle oᴋarpok: Ahâk ijingnut takkoniarpat, nerriniangilatillo tamattomangat.

II Atannit 7:2

Tagva angajoᴋaksuit ilangata, atanniub aggangita ajakpagangata Gûdib anguteᴋotinga kiova, oᴋarlunelo: Nâlegarlo igalangnik sennanajarune ᴋilangme, ᴋanok tamanna pijungnarajarka? Tamna oᴋarpok: Ahâk ijingnut takkoniarpet, nerriniangilatille tamattomangat.

Hiobe 12:15

Ahâk, tâmna imeᴋartailititsileraikpat, tagva pannilerpok; tâpsomalo tamanna anitileraikpago tagva nuna mumiktipâ.

Hiobe 28:4

Kôk suppivok tagvunga innemit takkorngartomit, puailavillo puigortaumajut ittersâlungmit; inub ᴋalluvait nungutilugit, ipterililerpok.

Hiobe 38:16

“Igvit immarbiksûb erᴋanut tikkilauᴋît, ittinersûblo tuminginne agvertalauᴋît?

Hiobe 38:37

“Kina taimâk ilisimatigijôva nuvujat kittitsungnarlugit? Kia ᴋilaub immiᴋautingit kovivagît?

Imgerut 33:7

Immarbiub imaksoangit kattersorpait attautsemut sorlo, pivianartotaliᴋotiminut malliksuit pitipait.

Imgerut 74:15

Igvit puailavingnik kôngniglo puailaᴋojivotit; igvit kôksuit ᴋôtsainarlauktut imeᴋarungnaitipâttit.

Salomob Okâl 3:20

Silatuninganut ittinersuit sakᴋijârtitauvut, nuvujallo kussertitsijungortitauvut missuksoannik.

Jesaiase 24:18

Imaitsomârporlo: Nalliat erᴋsinartomik serᴋorpalluktomik ᴋemâgalloarune, kattaktuksauvoᴋ ittersâlungmut; nalliat ittersâlungmit ᴋaᴋigalloarune, nigamut pijaujomârpoᴋ, igalât ᴋotsiktomẽtut angmarmatta nunaᴋsûblo tungavingit auladlarmatta.

Jesaiase 24:19

Nuna serᴋomipoᴋ, nuna ᴋoplorpoᴋ, nuna sajukpilakpoᴋ.

Jeremia 5:22

Sivôragilungilapsingâ? Nâlagaᴋ oᴋarpoᴋ; sajugomangilasê sâmne, ilijilauᴋtunga siorᴋanik imarbiub kiglilervigijaksarijangane perᴋojamut soᴋosijuitomut ᴋângiutijungnarᴋonago tapsomingâ? Maliksoangillo aksapâkaloaleraloarpattalônêt suliniangilat; iktulijaraloarpattalônêt ᴋângiutilugo ajulerput.

Jeremia 51:16

Nippine tusartautikpago imeᴋavaksoadlarpoᴋ ᴋilaub ikkiangane, pujorarlo ᴋongmuartipâ nunab kiglinginit; ᴋaumalaliorpoᴋ silalungme, anorelo anitipâ ᴋematulivingminit.

Hesekiel 26:19

Imâk oᴋarmat Nâlegaᴋ Nâlegaujoᴋ: Iglugasaksoangortikpagit inuêrutjaujunik, iglugasaksoatitut inuᴋarungnaitutitut; itinersoaᴋ ilingnut ᴋagvertikupko imaksuillo mattukpatit;

Mâlaki 3:10

Katersortapse tellimaujoat ilûnaita âsigik ᴋematulivingmut, nerᴋiksaᴋarᴋovlugo iglumne, ôktorsingalo mâna mattomunga, oᴋarpoᴋ Nâlegaᴋ Zebaot, ᴋilaub igalângit angmaromângimangâpkit ilipsingnut, saimanartoᴋsoarmiglo koveriluse nimniornadlartomik.

Mattêuse 24:38

Sorlo uvlune taipkonane, ulitornivaksûb sivorngagut ilaungmat: nerrivut, imilarmiglo, nulianikpullo, uinikpullo, uvloᴋ tâmna tikidlugo, Nôab itervia umiaksoarmut.

I Tessalônikamiunut 5:3

Oᴋaromârpatta: Terlingnatuinarpoᴋ, sivôranartoᴋangilaᴋ; asserornartub tagva tagvainaᴋ tikidlaromârpait, sôrlo ânianartûb arnaᴋ ernisuktoᴋ tikidlarmago; ᴋemâjungnaromângilallo.

II Pêtrusib 3:6

Taimaigalloartilugo silaᴋsoaᴋ taipsomanêtoᴋ ullitornivaksoarmut nungutauvoᴋ imâne.