Genesis 6:17 - Labrador Inuttitut Heritage Bible

¹⁷ Ahâk, ullitornivaksoarmut nuna tikkitaurᴋojomavara, asseroromavlugit uvinilît tamaita ômanartomik anernelît ᴋilaub atânêtut. Ilûnamatsiatik nunamêtut nungutaksauvut.

Genesis 6:17 Iomraidhean Croise

Genesis 2:7

Gûdelo Nâlegaᴋ ivjomit, nunab ilanganit, inuliorpoᴋ, supporlugolo anernermik ômanartomik ᴋingâkikkut. Taimaglo inuk tarnelingorpoᴋ ômajomik.

Genesis 6:13

Tagva Gûde Noamut oᴋarpoᴋ; Uvinilît ilûnamatsiatik naggatiksangat nalliutivoᴋ uvamnut, nuna idluitulinermik tatamat, ahâk, asseroromavakka nuna illagivlugo.

Genesis 6:16

Igalâᴋartitaksarivat umiaᴋsoaᴋ, tallertut poᴋtotigijoᴋ sanavlugo ᴋollânit, upkoaᴋartilugolo umiaᴋsoaᴋ sanirangagut, ᴋollerêktoᴋartilugolo allermik ᴋetterdlermiglo ᴋollermiglo.

Genesis 6:7

Nâlegarlo oᴋarpoᴋ: Inuit pingortitakka pêjaromavakka nunamit inuillo nergjutillo pâmgortullo tingmitjallo aglât ᴋilaub atânêtut, ᴋaᴋᴋialerama pingortigapkit.

Genesis 7:15

Tâpkoa ilûnatik aiparêklutik ikkivut Noamut umiaᴋsoarmut, uvinilît ômanartomik anernelît ilûnatik illangit.

Genesis 7:17

Tagva ullitornivaksoaᴋ nunamut nelliutilerpoᴋ uvlut 40 nâvlugit, imaᴋsoarlo angijororlerpoᴋ, umiaᴋsoaᴋ pokilaktilugo ᴋangatartilugolo nunab ᴋânganit.

Genesis 7:4

Uvlut sepat nâkpatta, uvlut 40 unnuallo 40 nâvlugit sillalurᴋojijomârpunga nunamut, nunamit pêjaromavlugit ômajut tamaita pingortitakka.

Genesis 9:9

Ahâk, illipsingnut angerpunga kinguvâksapsingnullo,

Hiobe 22:16

Tigujauᴋalladlarluktut, nelliutilauᴋârtinago, ullitorniublo tungavingit ergulaukpâ.

Imgerut 107:34

Nunalo perutsianartok naksangortipâ sioraujalingmut, tâpkoa nunaᴋartut tagvane kassêningit pivlugit.

Imgerut 29:10

Nâlegak iksivalaukpok ullitornivaksoaᴋartillugo, Nâlegarlo attanniovlune iksivajomârpok issoᴋangitomut.

Exodus 14:17

Uvangalo, ahâk, Egiptenemiut ômatingit mangaititsomavakka, malerᴋovlugit tâpkoninga: uvangalo nertortauniksarsijomavunga Faraokut, katimagajoksoaᴋotingitigullo ilûnnaitigut, ᴋamutingitigullo aksaloaliktigut unatautiktigut, horsenelo ikimajungitigut.

Jesaiase 51:12

Uvanga, uvanga manigorpapse. Suvêt, inungnik toᴋojomârtunik erᴋsigavit? inuit ᴋitornganginik iviktitut nungujomârtunik?

Jesaiase 54:9

Tamanna illingavoᴋ uvamnut ullitornivaksoatut Noa inôtillugo. Sôrlo angermarigama, ullitornivaksoaᴋ, (pijoᴋ) Noa inôtillugo, pijungnairᴋovlugo kingorngane nunaᴋsoarmut, taimak angermarikpungatauᴋ ningaumajârvigijungnairomavlutit suangajungnairomavlutillo.

Hesekiel 34:11

Imâk oᴋarmat Nâlegaᴋ Nâlegaujoᴋ: Ahâk, uvanga nangmineᴋ, ilâ uvanga, saugakka ᴋeneromârpakka mianerijomârlugillo.

Hesekiel 34:20

Tamanna pivlugo imâk Nâlekab Nâlegaujub oᴋautivait: Uvanga, ilâ uvanga, erᴋartuijomârpunga nergjutinik ᴋoinijunik nergjutiniglo sallôjunik.

Hesekiel 5:8

Taimaimat imâk oᴋarpoᴋ Nâlegaᴋ Nâlegaujoᴋ: Ahâk, uvanga, ila, uvanga nangmineᴋ sâpagit; erᴋartuinikkalo piniaromavaᴋᴋa ilingnut inôᴋatigêksuit takoane.

Hesekiel 6:3

Ilipse, Israêlib ᴋaᴋᴋangit, Nâlekab Nâlegaujûb oᴋausinga tusarsiuk; imâk oᴋarpoᴋ Nâlegaᴋ Nâlegaujoᴋ ᴋaᴋᴋaᴋsoarnut ᴋaᴋᴋanullo, kôrunullo naᴋsanullo: Ahâk, uvanga, ila uvanga nangmineᴋ, tikiutjijomavunga saviksoarmik ilipsingnut, poᴋtoniselo asseroromavakka.

Hosea 5:14

Efraim ilingavigijomavara loevetut, Judablo ᴋitorngangit loevearaᴋtut; uvanga, ilâ, uvanga aliktuijomavunga, aularlungalo; aularutjijomavunga, piuliklerungnartoᴋalulângilarlo.

Leviticus 26:28

Uvangatauk akkerartorluse arvertaromavunga ningadlarlunga; pidlaromârpapselo sevenertortomik ajornise pivlugit.

Amos 9:6

Tâmnauvok ingminut iniksarsoaliortok ᴋilangme, katigoliunganinelo tungatipâ nunamut; imarbiub imangit ᴋaiᴋovait kovilugillo nunab ᴋânganut; Nâlekamik ateᴋarpok.

Mattêuse 24:39

Kamagingilâllo, ulitornivaksoak tikerᴋârtinago tamaita nungudlugit: taimaitsomârpoktauk Inûb Erningata tikiviksanga.

Lukase 17:27

Ipkoa nerrivut imilarmiglo, nulianikput uinilarmiglo, uvlok taimna tikidlugo Nôab itervia umiaksoarmut; ullitornivaksûb tâva tikipait, nungudlugillo tamaita.

Rômiunut 5:21

Sorlo ajorneᴋ ataniotilaungmat toᴋokut, taimaktauᴋ saimaneᴋ atanioterᴋovlugo idluarsititsinikut inôtsemut nâksaungitomut (pititsivlune), Jêsuse Kristusikut Nâlegaptigut.

Rômiunut 6:23

Ajornerub akkiliutâ, tagva toᴋo; Gûdible tunergutâ saimanartoᴋ, tagva inôseᴋ nâksaungitoᴋ Kristuseme Jêsuseme Nalegaptingne.

Deuteronomy 32:39

Missigileritsele mâna uvanga kissima tâmnaugama, senimnelo Gûdeᴋangilak; uvanga toᴋotsivunga, ômartitsilungalo; ikilelauᴋpunga, inûliklerpungalo; piuliklertokarungnangilarlo aggamnit.

Ebrêerinut 11:7

Okpernermut Noa, Gûdemut oᴋautjaugame sulle takuksaungitunik, Gûde naipertorlugo umiaᴋsoarmik senavoᴋ, illame piulijauviksanganik; tamattomunga silaᴋsûb inungit erᴋartorpait kingormgutilerlugolo idluarsineᴋ, okpernermit pijoᴋ.

I Pêtrusib 3:20

Ipkoa okperomalaungitut Gûdib ᴋenuersârtub utaᴋingmagit, taipsomane Noa inôtilugo umiaᴋsoaᴋ senajaungmat; tâpsoma iluane ikitut, imaipoᴋ sittamaujortut inuit piulijaulauᴋput imânit.

II Pêtrusib 2:5

Silaᴋsoatoᴋaujorlo pidlartaililaunginamiuk, Noale idluarnermik oᴋâlajoᴋ, illangillo sittamaujortôvlutik piulilauramigit, ullitornivaksoaᴋ pitidlugo silaᴋsoarmiunut Gûdeᴋaromangitunut;