Genesis 6:11 - Labrador Inuttitut Heritage Bible

¹¹ Nunale asserorsimavoᴋ Gûdib sângane, idluitulinermik tatavlune.

Genesis 6:11 Iomraidhean Croise

Genesis 10:9

Pitsujoᴋsôvlune Nâlekab takoane. Tamanna pivlugo oᴋartoᴋarsôngovoᴋ: pitsujoᴋsoaᴋ Nâlekab takoane Nimrodetut.

Genesis 13:13

Kissianele Sodomamiut uivêtoᴋsôvut idluitulijoᴋsôvlutiglo Nâlekab sângane.

Genesis 6:10

Pingasuniglo Noa ernertârpoᴋ: Sememiglo, Hamemiglo, Jafetemiglo.

Genesis 7:1

Nalekablo Noa oᴋautivâ: Umiaᴋsoarmut ikkilerit, igvit inuᴋotitillo ilûnatik idluartorigapkit sâmne kinguvarêt ukkua akornganne.

II Kronika 34:27

Tamanna pivlugo omattit auksititaumangmat, manigotitilauravillo Gudib sângane, oᴋausingit tussarlaurangne, iglugasaksuit makkoa pivlugit, innungillo pitjutigellugit, manigotitilauravillo sâmne annoraᴋotitit allilaurangne, ᴋugviolauravillo sâmne, tagva uvanga tussarlaurivagittauk, Nalegak oᴋarpok.

Imgerut 11:5

Nâlekab idluartok nautsertorpâ; tarningatale Gudeᴋangitok pinniarlungnerniglo naglingniktut ômigivait.

Imgerut 140:11

Kannelik idluitomik pilloringneᴋarniangilak nuname; innuk pinniarluktok idluitok aijaliktaujomârpok ochotitaujomârlunelo.

Imgerut 55:9

Ekit Nâlegak, oᴋangillo adsigêgungnaitikit; pinniarlungnernik akkerartornermiglo takkogama iglugasaksoarne;

Exodus 32:7

Nalekablo Mosese oᴋautivâ: Atê, atersârit; inuᴋotitit tikiutijatit nunamit Egiptenemit, aserorsarmata nangminermingnik:

Jesaiase 60:18

Idluiluktomik tussaumajoᴋaromângilaᴋ nunangne, pijaksaungitomiglõnêt asserornartomiglõnêt nunavit erᴋâne. Avaluᴋsoaᴋotitit atseraromârpattit piulijaunartunik upkoaᴋsoaᴋotitillo nertornartunik.

Jeremia 6:7

Sorlo puailaviub imangit puilangmatta, taimak idluitulineᴋ puilavoᴋ tâpsomangat; nâmangitulineᴋ asserorsainerlo tusartauvut tâpsomane; inuarneᴋ annauningnerlo sâmnetsainarput.

Hesekiel 28:16

Niuverniarnivit unurningit maliklugit, ilumerlauᴋpâtit idluinermik, idluitulivotillo: tamanna pivlugo ivsornartotut ajaktorpagit Gudib ᴋaᴋᴋanganit; pêjarpagillo Kerubiojotit mattojijoᴋ, ujarᴋat ikomalit akornganit.

Hesekiel 8:17

Oᴋautivânga tagva: Tamanna takoviûk, inûb erningâ? Judab ᴋitorngangita oᴋigivatsûk maᴋojungnartuligamik tamânê? nuna tatangmatsuk idluitulinernik, sangulerivullo ningarsâromavlunga; ahâglo, ᴋessertutit ᴋingarmik sânginut aklairautigivait.

Habakûb 1:2

Nâlegaᴋ, ᴋanoᴋ sivitutigijomik ᴋaigarsuktuksauvêk tusaromangilatillô? Idluitulinerit pivlugit nipliavigivagit, piulikleromângilatillo.

Habakûb 2:17

Idluitulinerub Libanonemit pijûb ulilârmatit, nergjutillo nungutauningita kaggailârpâtit; inuit aungit pivlugit, idluitulinerillo pivlugit piniarutaujut nunamut, iglugasaksoarnullo, tagvanelo igloᴋartunut tamainut.

Habakûb 2:8

Asseroilauravit inôᴋatigêksoarnik unuktunik, inuit amiakungita ilûnnatik asseroromârpâtit, inuit aungit pivlugit, idluitulinerillo pivlugit piniarutaujut nunamut, iglugasaksoarnullo, tagvanelo igloᴋartunut tamainut.

Lukase 1:6

Tamarmigle idluarpuk Gûdib sângane, Nâlekablo perᴋojangit pijomajangillo tamaita nâletsiarpait.

Rômiunut 2:13

(Perᴋojanik tussatuinartut idluangimatta Gûdeme; perᴋojanigle maliktut idluarsititaujomârput.

Rômiunut 3:19

Kaujimavogulle, perᴋojat oᴋausingit taipkonunga perᴋojalingnut pingmatta; ᴋanit ilûnatik simiktauᴋovlugit, silaᴋsûblo inungit ilûnatik pasijaksauᴋovlugit Gûdib sângane.

Deuteronomy 31:29

ᴋaujimagama toᴋuma kingorngane asserormarilârapse ilipsingnik, sangulârapselo apᴋomit perᴋojijutigimajamnit ilipsingnut; idluitûblo nelaulârpâse uvlune kingorliojune; pinialârapse Nâlekab idluigijanganik, tâmna ningarsarlugo aggapse sulianginut.

Idluarsaijut 2:19

Idluarsaijorle toᴋolaurangat, tagva sangulerput, asseroinersaulutiglo atâtagijamingnit, mallingnermut Gûdib asinginik, kivgartorlugit, tuksiarvigilugillo; allailaungilet kajusimanermingnik, illinganermingniglonêt tappatonelingmik.