Genesis 50:13 - Labrador Inuttitut Heritage Bible

¹³ Ikârlugolo nunamut Kânaanemut illijartorpât perorsêviub Makpêlab ᴋairosunganut, Abrahab pisiarijanganut (perorsêvik illaliudlugo) iluverviksaurᴋovlugo Efronemit Hetiteremit, Mamrib akkianêtomut.

Genesis 50:13 Iomraidhean Croise

Genesis 23:20

Taimak perorsêvik ᴋairosungalo Hêtib ᴋitornganginit pititaumarikput Abrahamut, iluverviksamik perᴋuteᴋarᴋovlugo.

Genesis 23:9

Tunidjerᴋovlugo uvamnut ᴋairosuᴋutiminik Makpêlamik, perorsêvingme kiglinganêtomik. Akkinganik akkilertaumaringniarlune tuniliuk uvamnut, iluverviksarijomagapko akunapsingne.

Genesis 25:8

Abrahalo anernangerlune toᴋovoᴋ ᴋêrtovlune, îtôvlune, nâmaksimariklune, sivorliminullo illaliudjauvoᴋ.

Genesis 25:9

Isaablo Ismaêliblo ernîkita illijatorpâk ᴋairosungmut Makpêlamut, Efronib, Zoarib Hêtitereojub erningata perorsêvinganut, Mamrib akkianêtomut,

Genesis 35:27

Jakoblo atâtane Isaaᴋ tikkipâ Mamrime, Kiriat-Arabame, tagva Hebroneme, Abrahablo Isaablo tujormiangovigijangangne.

Genesis 35:29

Isaarlo anernangerlune toᴋovoᴋ, sivorliminullo illaliutjauvoᴋ, îtôvlune nâmaksimariklunelo. Ernîkitalo Esauib Jakoblo illijartorpâk.

Genesis 46:4

Uvanga attersarᴋatigijomavagit Egiptenemut, uvangalo amma uttertitsomârivagit tamaunga, Josefiblo aggane ijîngnut illijomârpait.

Genesis 47:30

Sivorlikka iluverᴋaᴋatigijomavakka, Egiptenemillo âtaksarivarma, taipkoa iluvinganut illivlunga. Oᴋautivâ: Taimailioromavunga sorlo oᴋaravit.

Genesis 50:12

Erningitalo taimailiorvigivât, sorlo perᴋungmagit.

Genesis 50:14

Atâtanelo illijarêramiuk, Josefe Egiptenemut utterpoᴋ, tâmnalo, ᴋatangutingillo, ilûnatiglo illagivlugo takpaungarsimajut, atâtanga iluveriartorlugo.

II Atannit 21:18

Manasselo sinnisilerpok atatagijaminut ailune, illijartortaulunelo perorsêvingme iglome kiglinganêtome, tagva Usab perorsêvingane. Erningalo Amon atanningorpok innangêrlugo.

Apostelit Piniarningit 7:16

Siᴋememullo âtaulaukput ilijauvlutiglo iluvermut, Abrahab pisiarilauktanganut kênaujanut, Hemorib, Siᴋemib atâtangata, ᴋitornganginit.