Genesis 5:22 - Labrador Inuttitut Heritage Bible

²² Metusalalo ernertârigamiuk, Hênog arvertarpoᴋ Gûde aiparivlugo jârinik 300nik sulle, ernertârlune panniktârlarmelo.

Genesis 5:22 Iomraidhean Croise

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

Genesis 24:40

Oᴋautivânga: Nâlekab saᴋᴋâne arvertarpunga: tâpsoma engeline illaurᴋolârpâ illingnut ingergatsiartilutillo, nuliaksarsijungnarᴋovlutit ernimnut illamnit, atâtamalo iglunganit.

Genesis 48:15

Josefelo saimauserpâ oᴋarlunelo: Gûdib piksoma — atâtâkka Abrahalo Isaarlo arvertalaukpuk saᴋᴋâne — Gûdib uvamnik pairᴋsijub inûlervimnit uvlomemut aglât,

Genesis 5:21

Henog jâreᴋarame 65nik, Metusala ernertârivâ.

Genesis 5:23

Jâringita ilûnatik unurningit 365ovut.

Genesis 5:24

Hênog Gûde aiparivlugo arvertarpoᴋ; saᴋijârungnaiporlo, Gûdib tigungmago.

Genesis 6:9

Tamadja unipkautsit Noamik: Noa angutauvoᴋ idluartoᴋ, pidlaraksausuertoᴋ inôᴋatime akornganne; Gûde aiparivlugo Noa arvertarpoᴋ.

I Atannit 2:4

Nâlegak oᴋautsiminik oᴋauserilauktaminik pivlunga nellautsititsiᴋovlugo, oᴋarame: ᴋitorngavit apᴋoserijatik udsertoromârpagit, sâmne nertornarlutik, omamullo tamânut, tarnemullo tamânut agvertarᴋovlugit; tagva angumik illingnit pijomik Israelib iksivautanganetomik ajoksartoᴋarniatsengimarikpok.

II Atannit 20:3

Erᴋailaurittôk Nâlegak! sângne nertornarlunga agvertarlaurama, omamullo nallagôrtomut, pinniarlauramalo namagijarnik! Hiskialo kugviudlalaukpok.

Imgerut 116:9

Arvertarniarpunga Nâlekab sângane inôjut nunangane.

Imgerut 128:1

Pillorikpok tâmna Nâlekamik sivôrajok, arvertartorlo tâpsoma apᴋosiningane.

Imgerut 16:8

Nâlegak tautuᴋôtsainarpara; tallerpimnêmât aulaniangilanga.

Imgerut 26:11

Uvangale arvertarpunga passijaksaunginimne. Piulilaunga saimarvigilungalo!

Imgerut 56:13

Igvit tarniga piulilaurangne toᴋᴋomit, ila ittiggakka ᴋoitarnermit, agvertarungnarᴋovlunga Gûdib sângane inôjut ᴋaumaningane.

Imgerut 86:11

Unertutilaunga Nâlegak apᴋosinernik, agvertarᴋovlunga mikseᴋârnerne; ômattiga pituarijamêtitsainaruk atternik sivuraᴋovlunga.

Exodus 16:4

Nalekab tagva Mosese oᴋautivâ: Ahâk, ᴋakᴋôjamik piksapsingnik silalurᴋojijomavunga ᴋilangmit, inuillo anijuksauvut katersoivlutiglo uvlub piksanganik ᴋaut tamât, ôktoromagapkit arvertaromamangâta perᴋojamne pijomangimangâtalônêt.

Imgerusersoak 1:4

Amualaunga illingnut, tagva akpangerpogut. Attanniub tassiorpânga aiparuseᴋotiminut. ᴋuviasukpogut serrilutalo pivlutit; naglingnît issumaginersarivavut Weinemit. Idluitailijut nagligivâtit.

Hosea 14:9

Kina ilisimavâ, tamakkoa tukkisijungnarlugît? Issumagiktôvlune, tamakkoa ilitarilugît? Nâlekab apᴋotigijangit idluadlarmatta, idluartullo tâpkonane arvertartuksauvut; tapatojulle oggolârput tâpkonane.

Leviticus 26:12

Akunapsingnele arvertaromavunga, Gûdeojomavlunga ilipsingnut, ilipselo inuᴋutigijomavapse.

Amos 3:3

Maggûk pisuᴋatigêgungnarᴋâk angiᴋatigêksimangikunîk?

Migga 4:5

Inôᴋatigêt ilûnatik atunit arvertaromârmatta gudimik attingane, uvagullo arvertatsainaromârpogut Nâlekab Gudipta attingane, soraijuidluta.

Migga 6:8

Unertutjivigivâtit, inuk, suna ajungitomangât; sunamiglo Nâlegaᴋ pijomavâ ilingnît? Imaitomik kissiane ilâ: idluarsaitsiarᴋovlutit, nâpkigosudlarᴋovlutillo, nikanarsârlutillo arvertarᴋovlutit Gudît ilagilugo.

Mâlaki 2:6

Perᴋojat mikseᴋârtôjut ᴋanimiutarivait, idluinerlo nagvârtaulaungilaᴋ ᴋangasinângine; arvertarᴋatigivângalo ulapirᴋsaumelo idluarnermelo, unuktuniglo sâgiartitsivoᴋ idluitulinermit.

Lukase 1:6

Tamarmigle idluarpuk Gûdib sângane, Nâlekablo perᴋojangit pijomajangillo tamaita nâletsiarpait.

Apostelit Piniarningit 9:31

Ilagêktut mâna unangmijaujungnairput Jûdêame ilûnâne, Galilêamelo Samâriamelo, sôngosivalliavlutiglo, Nâlegarlo nâleklugo inôvut, Anernerublo ajunginerub manigoininganik ilumertaulaukput.

Rômiunut 8:1

Tagva mâna erᴋartoraksautsangilat Kristuse Jêsusemêtut, uvinik malingnago Anernerle maliklugo arvertartut.

I Korintemiunut 7:17

Ilûnatigle atunit inôniarlît, sorlo Gûdib ilingatilaungmagit, sorlolo Nâlekab atunit ᴋaiᴋolaungmagit. Tamattominga ilagêne ilûnaine perᴋojivunga.

II Korintemiunut 6:16

ᴋanorlo Gûdib iglunga Gûdiungitullo atausiksauvâk? Ilipsele Gûdib ômajub iglogivâsê, Gûde imâk oᴋarmat: Inigijomavakka arvertarlungalo ilungine, Gûdeojomavlungalo tâpkonunga, inuᴋotiginiarpakkalo.

Efêsusemiunut 5:15

Tagva mâna kamatsiaritse arvertarnipsingnik, silaitutitut pinase: silatujutitulle pititse.

Deuteronomy 13:4

Nâlegak Gûdise maligaksarivase, tâmna sivôragilugo, tâpsomalo perᴋojangit piniarlugit, tâpsomalo nippinga nâleklugo, tâmnalo kivgartoraksarivase ungagilugolo.

Deuteronomy 28:9

Nâlekab tungatilârpâtit inuᴋutauᴋovlutit ivlernartut nangminerminut, sorlo nelautsimariktomik angervigingmatit; Nâlekab Gûdivît perᴋojangit maligungne, arvertarlutillo apᴋutauᴋojangine.

Deuteronomy 5:33

Arvertartuksauvose apᴋome ilûnâne Nâlekab Gûdipse perᴋojangane ilipsingnut, inôᴋovluse, piloridlarᴋovluselo, unuksititsiᴋovluselo uvlupsingnik nuname pigilârtapsingne.

Kolossamiunut 1:10

Idluartomik arvertarᴋovluse Nâlekamut ᴋuviagijauvluse ilûnâne, pivalliarᴋovluselo ajungitulinerne tamaine;

Kolossamiunut 4:5

Silatujomik taipkoa ilagingitase inôᴋatigisigik; atutsiarlugolo neliutok.

I Tessalônikamiunut 2:12

Kigligiutjigaptalo Gûdib nâmagijanganut arvertarᴋovluse, ᴋaiᴋojilauᴋtub ilipsingnik nâlegauvingminullo ânanauvingminullo.

I Tessalônikamiunut 4:1

Ama ᴋatangutivut, inaksorpapse kaiblarluselo Nâlekame Jêsuseme, nâmaksivalliarᴋovluse, sôrlo tussarapse uvaptingnit ᴋanoᴋ inôniariaᴋarnermik, Gûdemut ᴋuviagijauᴋovluse.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.