Genesis 48:4 - Labrador Inuttitut Heritage Bible

⁴ Oᴋarvigivlunga: Ahâk, kinguvâktârtitsomavagit unuksivalliatitsomavlutillo inugasaksoangortilutit, nunalo manna sorairtuksaungitomik perᴋutautitsomavara kinguvângnut kingunikkut.

Genesis 48:4 Iomraidhean Croise

Genesis 12:2

Inugasaksoangortitsomavagit saimauserlutillo, attillo nertornartitsomavara saimanartitsomavlutillo.

Genesis 17:13

Ilûnatik kippijaksauvut iglungne inôlersimajut kênaujanullo pissiarijaumajut; uvinipsingne angernera saᴋᴋertuksauvoᴋ, angerneᴋ nâksaungitomut ilingajuksaᴋ.

Genesis 17:6

Uvangalo unuksivalliadlartitsomavagit inugasaksoangortitsomavlutillo, illingnillo attanersuit pijomârput.

Genesis 17:8

Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 26:4

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 28:3

Gûdible ajugaᴋangitub saimauserlitit, kinguvâktârtilutillo, unuksivalliatilutillo inôᴋatigêksoangortilutit;

Genesis 32:12

Oᴋaravit: Ajungitulivigijomavagit, kinguvâksatillo unuksivalliatitsomavakka siorᴋatitut imarbiksûb sikjangane, unumut kitiksaujungnairtilugit.

Genesis 35:11

Gûdiblo oᴋautivâ: Uvanga Gûdeovunga ajugaᴋangitoᴋ. Kinguvâktâᴋattarit unuksivalliavlutit; inôᴋatigêt, illa inôᴋatigêksuit illingnit pijomârput, attanîllo makkitingnit pijomârput.

Genesis 46:3

Oᴋautivâlo: Uvanga Gûdeovunga, atâtavit Gûdinga; sivôranak, attersartuksaugavit Egiptenemut, tagvane inugasaksoangortitsomagapkit.

Genesis 47:27

Israêlikullo nunaᴋalerput Egipteneme nuname Goseneme. Tamanna nunaᴋutigivlugo kinguvâktârᴋattarput unuksivalliavlutik.

Imgerut 127:3

Ahâk, ᴋittorngat Nâlekab tunnergutigivait, timiblo singainga pilliusiangôvok.

Exodus 1:11

Tagva kivgartorlukatitsijunik angajoᴋâᴋartipait, siorniortitaurᴋovlugit pijaksanut oᴋumainartoksoarnut, Faraolo igluliorpât iglugasangnik ᴋematuliviksaujunik: Pitomemiglo Ramsesemiglo.

Exodus 1:7

Israêlikut, kinguvâktâᴋatarlutik pivallialerput unuksivallialutiglo angijororpalliadlarlutiglo; nunalo nâmavât tâpkoa.

Hesekiel 37:25

Nunaᴋaromârpullo nuname tunilauᴋtamne kivgamnut Jâkomut, atâtapse nunagilauᴋtangane; nunagilârpâllo tâpkoa, ᴋitorngangitalo, erngutangitalo, issoᴋangitomut; kivgaralo Davide angajoᴋârilârpât issoᴋangitomut.

Leviticus 26:9

Uvangalo kamagitsiaromavapse, kinguvâᴋartitsomavapselo unuksitiluselo; angerneralo ilipsingnut atsungersoromavara.

Deuteronomy 32:8

Kotsingnerpângojûb inôᴋatigêksuit tunitjivigilaungmagit kingormgutijaksamingnik, inuit ᴋitorngangit aviutitilaungmagit, inôᴋatigêt kiglingit âᴋiksorpait, Israêlib ᴋitorngangita unurningit issumagilugit.