Genesis 48:15 - Labrador Inuttitut Heritage Bible

¹⁵ Josefelo saimauserpâ oᴋarlunelo: Gûdib piksoma — atâtâkka Abrahalo Isaarlo arvertalaukpuk saᴋᴋâne — Gûdib uvamnik pairᴋsijub inûlervimnit uvlomemut aglât,

Genesis 48:15 Iomraidhean Croise

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

Genesis 24:20

Tuavilunelo imeᴋtautine kovivâ imervinginut, ammalo imeᴋtarvingmut aᴋpangerlune imeᴋtarivoᴋ, kamêleᴋotingit tamaita imertilugit.

Genesis 24:40

Oᴋautivânga: Nâlekab saᴋᴋâne arvertarpunga: tâpsoma engeline illaurᴋolârpâ illingnut ingergatsiartilutillo, nuliaksarsijungnarᴋovlutit ernimnut illamnit, atâtamalo iglunganit.

Genesis 27:27

Sâvigivâ tagva kuniklugolo. Annorângitalo tippingat naigamiuk, saimauserpâ oᴋarlunelo: Ahâk, ernima tippinga naternab tippingatun-ipoᴋ, Nâlekab ânanausijangata.

Genesis 27:4

Nerᴋiksaliorlungalo mamaᴋtunik, ikligijamnik, ᴋaitsivigivlungalo nerrerᴋovlunga, tarnima saimauseraksaringmattit toᴋolerᴋârnanga.

Genesis 28:20

Jakolo angerpoᴋ, angeruteᴋarlune imâk: Gûdib illagikpanga, saputivlungalo apᴋome mattomane ingergarvigijamne, nerᴋiksaniglo tunitjivigikpanga nerrijaksamnik, annorâniglo attijaksamnik,

Genesis 28:22

Ujararlo una nappartitara, nallunaikutaksautilugo igluksaujomârpoᴋ Gûdemut, ilûnatiglo uvamnut tunijavit tellimaujoanimmarik tunitjivigijomârpagit.

Genesis 28:3

Gûdible ajugaᴋangitub saimauserlitit, kinguvâktârtilutillo, unuksivalliatilutillo inôᴋatigêksoangortilutit;

Genesis 35:3

Parngnailerlutalo ingergalauᴋta Bêtelemut, taikane tunerguservilioromagama Gûdemut, tâpsoma tussarmanga kapiasungnima nelliuningane, illagingmangalo apᴋome ingergarvigijamne.

Genesis 48:16

Engelib ajortunit tamainit piuliklertub uvamnik, tâpsoma nukapiâk ukkoa saimauserligik, taijaulerᴋovlugik attimnik atâtângmalo attîgingnik Abrahablo Isaablo, aglisivalliarᴋovlugik unuksivalliarᴋovlugiglo nuname!

Genesis 49:22

Josefe napârtoarsutun-ipoᴋ paungaliktut, napârtoarsutut paungaliktut puilaviub sennianêtotut; akkerungita ᴋarmaᴋ nâvât:

Genesis 49:24

Tâpsoma pittiksinga soᴋosingilaᴋ, aggangitalo nukkingit ajulungilat, ajugaujub Jakokune ikajormago, Israêlib pairijingata, ᴋairtorijangata.

Genesis 49:28

Tamadja Israêlib kinguvârêngit 12 ilûnatik: tamadjalo atâtangata oᴋauserijangit tâpkonunga, saimausermagit; ilûnaita attunit saimauserlugit saimauserpait.

Genesis 6:9

Tamadja unipkautsit Noamik: Noa angutauvoᴋ idluartoᴋ, pidlaraksausuertoᴋ inôᴋatime akornganne; Gûde aiparivlugo Noa arvertarpoᴋ.

I Atannit 3:6

Salomo oᴋarpok: Igvit atâtaga Davide kivgait napᴋoarnermik angijomik pinniarvigilaukpat, agvertarlaungmat sângne miksekârnerme, idluarnermelo, omatiblo nellagôrningane; napᴋoarnermiglo tamattominga soᴋosijuivigilaukpat, ernermiglo tunnitsivigilaukpat iksivautangane iksivajomik, sorlo mânna illingangmat.

I Kronika 5:1

Rubenib Israelib erneriᴋârtangata erningit (erniangoᴋârtolaungmat, tamattomungale atâtame innangavia ivsornartilaungmago, erniangoᴋârtoninga tunnijaulaukpok Josefib, Israelib erningata erninginut; tamnalo erniangoᴋârtonasugijaulaungilak;

Imgerut 16:8

Nâlegak tautuᴋôtsainarpara; tallerpimnêmât aulaniangilanga.

Imgerut 23:1

Nalegak pairijigivara; ajoksarniangilanga sunamik.

Imgerut 37:3

Nâlegak tattigiuk ajungitullilutillo; nunamêtuarit, nertornarnermiglo serrijuteᴋarit!

Exodus 3:16

Tagva angajoᴋaujut Israêlikune katititsartorkit oᴋautivlugillo: Nâlekab atâtapse Gûdingata, Abrahab Gûdingata, Isaab Gûdingata, Jakob Gûdingata sakᴋervigivânga oᴋarlune: Takonârpapse, ᴋanorlo piniarviogapse Egipteneme:

Exodus 4:5

Okperᴋovlugit, Nâlekab atâtangita Gûdingata, Abrahab Gûdingata, Isaab Gûdingata, Jakob Gûdingata sakᴋervigingmatit.

Okaluktok 5:12

Sennavaktomut sinik mâmakpok, mikijomik angijomiglonêt nerrilaungmangârme; akluituble pittaᴋaloringningata sinigungnartailitipa.

Okaluktok 5:18

Tagva mânna tamanna takkolugo nâmagivara, ânanaungmat, inuk nerrigune, immerlunelo maksoalunelo sulijamine tamaine, pinniartamine sekᴋerngûb atâne, inôsekivingmine, Gûdib tunnijangane tâpsomunga; tamanna illangiusiarigamiuk.

Okaluktok 6:7

Inûb sulijaksangit tamaita ᴋaninga pivlugo pivut; ômatingale nâmaksititaujungnangilak tâpkonunga.

Jesaiase 30:21

Siutîkiglo tussaromârpuk oᴋauseᴋartomik tunnungnit imâk: Apᴋutiksaᴋ tagga; tâmna attorsiuk! — tallerpiata tungânut saumiatalõnêt tungânut pilerangapse.

Jesaiase 33:16

Taimaitoᴋ ᴋotsiktome inneᴋaromârpoᴋ, igloᴋsuit imnanẽtut sappûlutarijomârpait. Nerᴋiksaminik tunidsiviojomârpoᴋ, imiksaminiglo ajoᴋsaromângilaᴋ.

Jeremia 8:2

Siamartiniarpaillo seᴋiniub, taᴋᴋiublo, ᴋilangmiugasaksuillo (uvloritjat), ungagilauᴋtangita, kivgartulauᴋtangitalo, malilauᴋtangitalo, aperᴋutigilauᴋtangitalo, pamaktervigilauᴋtangitalo, sângine; katersortaujomângilat, iluvertaujomângilallônêt; aᴋtarnilukotuinaujomârput nuname.

Lukase 1:6

Tamarmigle idluarpuk Gûdib sângane, Nâlekablo perᴋojangit pijomajangillo tamaita nâletsiarpait.

I Korintemiunut 10:31

Taimaimat, nerrijarangapselônêt, imerangapselônêt, sumiglônêt piniarmangâpse, tamaita piniarsigik Gûde nertortauᴋovlugo.

II Korintemiunut 1:12

Nertornautigijavut tamadja: issumapta kigligiutigingmatigut, issumalingasuerluta nelâgôrlutalo Gûdib sângane, uviniliuble issumanga atornago, saimarsauteᴋarlutalo arvertalaurapta nuname, angiluartomigle akunapsingne.

Deuteronomy 33:1

Tamadja saimarsaijutit Mosesib, Gûdib inuᴋotingata, saimarsaijutigijangit Israêlekunik toᴋome sivorngane.

Kolossamiunut 2:6

Tagva sorlo Kristûse Jêsuse ilaliulaurapsiuk, arvertarniaritse tâpsomane.

I Tessalônikamiunut 2:12

Kigligiutjigaptalo Gûdib nâmagijanganut arvertarᴋovluse, ᴋaiᴋojilauᴋtub ilipsingnik nâlegauvingminullo ânanauvingminullo.

Ebrêerinut 11:21

Okpernermut Jakob saimauserpak Jôsefib ernîgik, ajaupiame nuvua puvigilugo.