Genesis 47:6 - Labrador Inuttitut Heritage Bible

⁶ Egiptene ilûnane attuinauvoᴋ illingnut; nunab illangane ânanaunerpâme nunaᴋartikit atâtallo ᴋatangutitillo, illa, Goseneme nunaᴋarlit. Kaujikuvillo, akorngane piloriktunik anguteᴋarmat, nergjuteᴋotimnik kamajingortikit!

Genesis 47:6 Iomraidhean Croise

Genesis 13:10

Lotiblo ârlorlune Jordanib erᴋâ ilûnât ullernaigivâ, ilûnâne imilik (Sodomalo Gomorralo asserortaulerᴋârtinagik Nâlekamut) sorlo Nâlekab perorsêvinga, sorlo Egiptene, Zoare tikkidlugo.

Genesis 13:9

Nuna ilûnane sângnêngilâᴋ? Aviutilaulung-ai? Saumingmut pijomaguvit, tallerpingmut piniarpunga; tallerpingmullônêt pijomaguvit, saumingmut piniarpunga.

Genesis 20:15

Oᴋarporlo: Ahâk, nunaga atuinauvoᴋ illingnut, nunaᴋalerit nanelônêt nâmagijarnik.

Genesis 34:10

Nunaᴋatigêklutalo. Nuna atuinauvoᴋ illipsingnut, nunaginiarlugo ingergaviginiarlugolo igloliorvigisiuk.

Genesis 45:10

Goseneme nunaᴋartuksauvotit ᴋanitamnêdlutit, igvillo ᴋitorngatillo erngutatillo saugaᴋotitillo tuktuvaᴋotitillo perᴋutitillo ilûnatik.

Genesis 46:34

Tagva oᴋartuksauvose: Kivgatit nergjutinik mianersijeovogut sorusioniptingnit mâna tikkidlugo, uvagullo sivorlivullo, nunaᴋarᴋovluse Goseneme; saukanik mianersijut ilûnatik Egiptenemiunut maᴋojugijaungmatta.

Genesis 47:11

Josefiblo atâtane ᴋatangutinelo nunaᴋartipait nunaᴋuteᴋartilugit Egipteneme, nunab illangane ânanaunerpâme, Ramesesib nunangane, Faraub perᴋojanga maliklugo.

Genesis 47:16

Josefib oᴋautivait: Nergjuteᴋotise ᴋaisigik, tagva nerᴋiksanik, nergjuteᴋotipse akkiksanginik, tunitjivigijomavapse, kênaujat nungunermatta.

Genesis 47:4

Oᴋarivullo Faraomut: Tikkisimavogut tujormiangoniardluta nuname, kivgaᴋotivit saugaᴋotingit nerrinasugviksaᴋarungnairmatta, kângnartoᴋsoaᴋ sugaluluarmat nuname Kânaaneme. Taimaimat kivgatit mâna Goseneme nunaᴋarᴋolaukittôᴋ!

Genesis 47:5

Faraublo Josefe oᴋautivâ, oᴋarlune: Atâtallo ᴋatangutitillo tikkiutingmatta illingnut,

I Atannit 11:28

Jerobeamelo angutaulaukpok erkinaitok. Salomoblo inosuktok takkogamiuk sullidlarmat, aulatsijungortipa sanajuksanik Josefib iglunganit pijunik ilûnnainik.

II Kronika 26:10

Igloksuillo avaluliorsimajut igloliorsavait sunaᴋajuitome, aggarlunelo immektarvingnik unnuktunik, nergjuteᴋalaurame unnuktunik naksarne, naternanelo; perorsaijoᴋuteᴋalaurivok perorsêvingne, ᴋaᴋᴋanelo Weineliksalingne, ᴋarmelemelo; perorsainek ᴋuviasutigigamiuk.

Exodus 18:21

Taimagletauk inuit ilûnnatik akornganit ᴋenertuksauvotit angutinik ᴋaᴋiarnaitunik, Gûdemik sivôrajunik, angutinik nalâgôrtunik, pijomatudlarnermik omisuktunik; angajoᴋângortilugillo tâpkonunga, angajoᴋautilugit 1,000nut, angajoᴋautilugit 100nut, angajoᴋautilugit 50nut, angajoᴋautilugillo 10nut.

Exodus 18:25

Mosesiblo angutit ᴋaᴋiarnaitut ᴋenerpait Israêlikunit tamainit, aulatsijungortipaillo inungnut, angajoᴋautilugit 1,000nut, angajoᴋautilugit 100nut, angajoᴋautilugit 50nut, angajoᴋautilugillo 10nut.

Exodus 9:10

Tagva paumik tigusivlutik kiaksaumit nangeriartorpuk Faraub sânganut; Moseselo siamangatitsingmat makkoninga ᴋilangmut, ajuangorput inungnelo nergjutinelo.

Exodus 9:21

Ilangitale, Nâlekab oᴋausinganik erᴋasungitut, kivgatik nergjuteᴋotitiglo naternamêtuarᴋovait.

Salomob Okâl 21:1

Atanniub ommatinga Nâlekab agganginêpok kôktitut imiliktitut; tapsoma sangutipa pijomajaminut.

Salomob Okâl 22:29

Angut attaruilijok sullijaksamine takkogungne, tamna atanersoarmik kivgartoromârpok, pijariakitullo kivgartoromângilait.

Jeremia 40:4

Mânalo, ahâk, ᴋelarudjârpagit uvlome ᴋelaumgujanit aggangnêtunit. Idluarigungne Babilonemut aiᴋatigijomavlunga, ᴋailerit, pairitsiaromavagillo; idluigigungnele uvamnut ilauvlutit Babilonemut, ilautailigit; ahâk, nuna ilûnane sângnêpoᴋ; namullônêt aivigijomajarnut idluarijarnullo aituinarit.

Johannese 17:2

Sôrlo pitsartunermik tunitjivigigangne uviningnut tamainut, inôtsemik nungusuitomik tunijerᴋovlugo ilûnnainut, tunijarnut tâpsomunga.

I Samuel 21:7

Uvlormele taipsomane anguteᴋalaukpok ᴋamane palangairutsaumajomik Nalekab sângane, Saulib kivgangita illanganik, Doegemik attelingmik, Edomitereôjomik, angajoᴋaunerôjomik Saulib mianerijoᴋotinginit.