Genesis 47:30 - Labrador Inuttitut Heritage Bible

³⁰ Sivorlikka iluverᴋaᴋatigijomavakka, Egiptenemillo âtaksarivarma, taipkoa iluvinganut illivlunga. Oᴋautivâ: Taimailioromavunga sorlo oᴋaravit.

Genesis 47:30 Iomraidhean Croise

Genesis 15:15

Igville ullapirsauteᴋarlutit sivorlerijarnut aijomârpotit, jârerᴋortoleruvillo illuvertaujomârpotit.

Genesis 23:17

Taimak Efronib perorsêvinga Makpêlamêtoᴋ, Mamrib akkiane, perorsêvik ᴋairosungalo napârtullo ilûnatik perorsêvingmêtut kiglinganêtullo

Genesis 23:19

Kingorngane Abrahab Sara nuliarne illijartorpâ perorsêviub ᴋairosunganut Makpêlamêtomut, Mamrib akkiane, tagva Hebroneme, nuname Kânaaneme.

Genesis 25:10

Perorsêvingmut, Abrahab pissiarilauᴋtanganut Hêtib ᴋitornganginit. Tagvunga Abraha nuliangalo Sara illijartortauvuk.

Genesis 25:9

Isaablo Ismaêliblo ernîkita illijatorpâk ᴋairosungmut Makpêlamut, Efronib, Zoarib Hêtitereojub erningata perorsêvinganut, Mamrib akkianêtomut,

Genesis 35:29

Isaarlo anernangerlune toᴋovoᴋ, sivorliminullo illaliutjauvoᴋ, îtôvlune nâmaksimariklunelo. Ernîkitalo Esauib Jakoblo illijartorpâk.

Genesis 50:25

Josefiblo Israêlikut angertipait, oᴋarlune: Gûdib nalipsaromârpâse, tagva saunikka tamângat takpaungartitsomârpase.

II Samuel 19:37

Kivgait utterᴋoleruk, toᴋᴋolerᴋovlunga iglugaseksoarne igloᴋarvigijamne atâtama, anânamalo illuvikita tungâne. Ahâk ovanêpok kivgait Kimeham, tamna nalegara attannek illagellugo ailerle, pinniarvigilugolo namagijarnik.

II Samuel 2:32

Asahelelo kivikpât, illijartorlâlo atâtangata illuvinganut Bethlehemêtomut. Joabelo anguteᴋotinelo illagilugit, unuak nâlugo ingergaᴋattigêkput, ᴋagujauvlutik Hebroneme.

I Atannit 13:22

Uttersimagavillo, niaᴋojartorlutillo imerlarpillo inneme oᴋarutigilauktangane illingnut: Niaᴋojaktortuksaungilatit, immertuksaunaglonêt; tamânna pivlugo timît toᴋungajok atâtagijavit illuvinganut pijuksaungilak.

Nehemia 2:3

Oᴋarlungalo atannermut: Atannek innôle issoᴋangitomut, uvanga tautorluktuksaungilanga? Iglugasaksuit atâtagijama illijartortaumaningita najugangat asserorsimavut, upkoaksoangit ikkomamut nerrijaumavut.

Nehemia 2:5

Oᴋarlungalo atannermut: Nâmagijaukpat atannermut, Kivgaᴋotingnullo sângnêtunut, tillilunga piᴋovlutit Judamut, atâtagijama ilijartortaumaningita iglugasaksoanginut, iglugasaliorlugit piᴋovlunga.

Deuteronomy 31:16

Nâlekablo Mosese oᴋautivâ: Ahâk, atâtagilauᴋtatit siniᴋatigilârpatit; inuillo ukkua nikovijomârput, Gûdillo takorngartat, nunab aivigijangita pingit, assiniarᴋatigijomavlugit, ᴋemagomârpângalo, angerᴋatigêngneralo âᴋiksortara tâpkonunga, serᴋomilugo.