Genesis 47:27 - Labrador Inuttitut Heritage Bible

²⁷ Israêlikullo nunaᴋalerput Egipteneme nuname Goseneme. Tamanna nunaᴋutigivlugo kinguvâktârᴋattarput unuksivalliavlutik.

Genesis 47:27 Iomraidhean Croise

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Genesis 17:6

Uvangalo unuksivalliadlartitsomavagit inugasaksoangortitsomavlutillo, illingnillo attanersuit pijomârput.

Genesis 26:4

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 28:14

Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.

Genesis 34:10

Nunaᴋatigêklutalo. Nuna atuinauvoᴋ illipsingnut, nunaginiarlugo ingergaviginiarlugolo igloliorvigisiuk.

Genesis 35:11

Gûdiblo oᴋautivâ: Uvanga Gûdeovunga ajugaᴋangitoᴋ. Kinguvâktâᴋattarit unuksivalliavlutit; inôᴋatigêt, illa inôᴋatigêksuit illingnit pijomârput, attanîllo makkitingnit pijomârput.

Genesis 46:3

Oᴋautivâlo: Uvanga Gûdeovunga, atâtavit Gûdinga; sivôranak, attersartuksaugavit Egiptenemut, tagvane inugasaksoangortitsomagapkit.

Genesis 47:11

Josefiblo atâtane ᴋatangutinelo nunaᴋartipait nunaᴋuteᴋartilugit Egipteneme, nunab illangane ânanaunerpâme, Ramesesib nunangane, Faraub perᴋojanga maliklugo.

Genesis 8:7

Tullugarlo annitipâ, tâmna aularpoᴋ uttertarlunelo, nuna imaᴋarungnailerᴋârtinago.

Genesis 8:9

Taubele miviksaminik naipitsinginame, tâpsomunga uttilerivoᴋ umiaᴋsoarmut, imaᴋarmat sulle nunaᴋsoarme ilûnâne. Issaktorlugo tiguvâ tagva, ingminut pitilugo umiaᴋsoarmut.

Nehemia 9:23

ᴋitorngangillo unnuksivalliatilaukpattit uvloritsetitut ᴋilangmêtutitut, âlaukpattillo nunamut atâtagijanginut oᴋarutigilauktarnut, ittervigilugo nangmineliutilugolo pijuksaungmatta.

Imgerut 105:24

Innuᴋotinelo unnuksivalliatipait angijomik, sôngonersautipaillo ômigijinginit.

Imgerut 107:38

Pitsartutipaillo unnuksivalliadlarᴋovlugit, nergjutingillo ikkitôtilungilait;

Exodus 1:12

Kisiane siorniortitauvallianingat maliklugo pivalliatuinarput unuksivalliavlutiglo. Taimaimat Israêlikut sivôragilerpait.

Exodus 1:7

Israêlikut, kinguvâktâᴋatarlutik pivallialerput unuksivallialutiglo angijororpalliadlarlutiglo; nunalo nâmavât tâpkoa.

Saggaria 10:8

Uvingiartoromârpakka, katersorlugillo; piuligapkit; unuksivaliajomârpullo sorlo unuksilaungmatta.

Apostelit Piniarningit 7:17

Gûdible Abrahamut angersimaningata nalautsivia ᴋaglilermat, inuit aglisikput unuksivalliavlutiglo Egipteneme.

Deuteronomy 10:22

Atâtagilauᴋtatit atersâlauᴋput Egiptenemut tarnelit 70ovlutik, mânalo Nâlekab Gûdivît ᴋilaub uvloriangititut unuktigitipâtit.

Deuteronomy 26:5

Kiovlutillo oᴋartuksauvotit Nâlekab Gûdivît sângane: Atâtaga Siriamiongolauᴋpok nuktartok, atersârporlo Egiptenemut, tagvanelo tujormiangovok, ikitunik ilaᴋarlune; tagvanele inôᴋatigêksoangolerpok angijut, pitsartujut, unuktôvlutiglo.